នៅក្នុងអាខោនហ្វេសប៊ុកផេកផ្លូវការមួយរបស់លោក ហួន ច័ន្ទថុន ដែលមានឈ្មោះថា ហួន ច័ន្ទថុន ឧត្តមក្រុម ប្រឹក្សាពិគ្រោះ និងផ្តល់យោបល់ បានបង្ហោះសំណេមួយនៅថ្ងៃទី០៥ ខែសីហា ឆ្នាំ២០២៥ នេះ គេឃើញមានខ្លឹម សារថា ថ្ងៃនេះនៅពេលដែលខ្ញុំបានអានព័ត៌មាន Fresh News ខ្ញុំពិតជាមាន អារម្មណ៍មិនសប្បាយចិត្តសោះនោះ ទេ មិនគួរណាក្រុមជ្រុលនិយមថៃ ព្យាយាមគំរាមកំហែងមកលើកម្ពុជា មិនឈប់មិនឈរ យ៉ាងចឹងសោះ ។

បើតាមសារព័ត៌មាន Fresh News បានឲ្យដឹងថា យោងតាមប្រភពផ្លូវការដែលអាចជឿជាក់បាន, តាមព័ត៌មាន ចារកម្មរបស់បរទេសមួយបានយកការណ៍ថា ថៃមានផែនការប្រើប្រាស់យន្តហោះ AT6 TH light attack បំពាក់ ដោយគ្រាប់ Korean GPS Guided bomb ដែលងាយគេច និងតូចងាយវាយប្រហារជាងប្រើ F16 វាយប្រហារដែលមាន ល្បឿនលឿន មិនអាចឱ្យកងទ័ពកម្ពុជាមានឱកាសប្រើកាំជ្រួចបាញ់បានដើម្បីធ្វើឃាដសម្តេចតេជោ ហ៊ុន សែន និង សម្តេចធិបតី ហ៊ុន ម៉ាណែត។

តាមការឲ្យដឹងពីស្ថាប័នចារកិច្ចបរទេសមួយថា ថៃបានទទួលយន្តហោះចំនួន ៨គ្រឿងនិងគ្រាប់ចំនួន២០០គ្រាប់ និងប្រភេទយន្តហោះផ្សេងទៀតចំនួន ៤ គ្រឿងកាលពីថ្ងៃទី២៩ ខែកក្កដា ឆ្នាំ២០២៥ ដែលយកទៅជួសជុល និងទិញគ្រាប់ពីប្រទេសកូរ៉េខាងត្បូង។ កាំជ្រួចទាំងនេះមានសមត្ថភាព និងគ្រោះថ្នាក់បំផុត ព្រោះមាន GPS នាំផ្លូវបាញ់ ឬទម្លាក់ចំគោលដៅល្អ។

សំណេររបស់លោក ហួន ច័ន្ទថុន បានបន្តថា នៅក្រោយពេលខ្ញុំអានព័ត៌មានចប់ ខ្ញុំកើតមានចម្ងល់ជាខ្លាំង ណាស់ថា ប្រសិនបើនៅក្រោយបញ្ចប់កិច្ចប្រជុំ GBC ប្រទេសអន្តរជាតិបានមើលឃើញថាភាគីថៃជាអ្នកខុស ហើយភាគីថៃនៅតែបង្កសង្គ្រាមមកលើកម្ពុជាដដែលនោះ តើអន្តរជាតិទាំងនោះត្រូវរួមគ្នាបំផ្លាញប្រទេសថៃ មែនទេ ខ្ញុំយល់ឃើញថា អន្តរជាតិគឺមិនអាចទេ ព្រោះការវាយប្រហារប្រទេសណាមួយក៏ខុសច្បាប់ផងដែរ ដូច្នេះយ៉ាងច្រើន ណាស់ប្រទេសអន្តរជាតិទាំងនោះ បានត្រឹមតែគាំទ្រមកលើកម្ពុជាប៉ុណ្ណោះ ហើយអ្នកដែល ត្រូវប្រឈមមុខដោះស្រាយ នៅតែកម្ពុជាខ្លួនឯងដដែលត្រូវប្រឈមការពារប្រទេសជាតិ ។

ក្នុងកាលៈទេសៈនេះ ខ្ញុំសង្ឃឹមថា ស្មារតីជាតិបងប្អូនខ្មែរយើងអាចនឹងរឹងមាំកាន់តែខ្លាំង ព្រោះភាគីថៃមិនមែន ចេតនាត្រឹមតែគំរាមកំហែងលើបុគ្គលថ្នាក់ដឹកនាំប៉ុណ្ណោះទេ តែជាចេតនាភាគីថៃ ចង់លេបត្របាក់ទឹកដីរបស់ យើងទាំងអស់គ្នាយ៉ាងស្រស់តែម្តង ដូច្នេះភាពជឿជាក់លើគ្នាគឺសំខាន់ណាស់សម្រាប់យើង ៕