ចាងហ្វាងគេហទំព័រទូរទស្សន៍ Breaking TV Online លោក ប៊ុត ពុទ្ធី បានមានប្រសាសន៍ថា ក្នុងនាមរូបលោកជាប្រជា ជនខ្មែរមួយរូប លោកពិតជាមានជំនឿជឿជាក់យ៉ាងពេញទំហឹង និងគាំទ្រជានិច្ច ចំពោះសម្តេចអគ្គមហាសេនាបតី តេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រ កម្ពុជា ក្នុងការថែរក្សាការពារបូរណៈភាពទឹកដី និងពង្រឹងការគាំពារ សុខសន្តិភាព សម្រាប់ប្រទេសជាតិ ប្រកប ដោយជ័យជំនះ តាមទិសដៅដែលបានគ្រោងទុក ។

លោក ប៊ុត ពុទ្ធី បានបន្តថា រាជរដ្ឋាភិបាលកម្ពុជាដែលដឹកនាំដោយគណបក្សប្រជាជនកម្ពុជា គឺបានបង្កើតបាននូវ ធនធានមនុស្សយ៉ាងល្អៗជាច្រើន ដែលពោពេញដោយគុណភាពសម្រាប់កិច្ចការដឹកនាំការងារសង្គមជាតិ ដោយ បានប្រែក្លាយមាតុប្រទេសមួយនេះតាំងពីស្ថានភាពនៅត្រឹមតែបាតដៃទទេនៅឡើយនិងសេដ្ឋកិច្ចមិនទាន់សំបូរបែប រហូតដល់ពេលនេះ ប្រទេសកម្ពុជាមានសន្ទុះ នៃការអភិវឌ្ឍន៍បានយ៉ាងស្មើមុខស្មើមាត់ដូចទៅបណ្តាប្រទេសជា ច្រើនក្នុងសកលលោក តែម្តង ។

នាពេលបច្ចុប្បន្ន ថ្វីបើបញ្ហាជម្លោះរវាងកម្ពុជាថៃ កំពុងនៅមានសន្ទុះនៅឡើយក៏ដោយក្តី ក៏ប៉ុន្តែទោះជាយ៉ាងណា លោក ប៊ុត ពុទ្ធី ជឿថាស្ថិតនៅក្រោមការដឹកនាំរបស់សម្តេចទាំងទ្វេរ ដែលមានសម្តេចអគ្គមហាសេនាបតីតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត កម្ពុជាអាចនឹងទទួលបាននូវជ័យជំនះយ៉ាងត្រចះត្រចង់លើ ភាគីសៀមថៃ នាពេលឆាប់ៗនេះមិនខាន ក្រោមភាពប៉ិនប្រសប់របស់សម្តេចទាំងទ្វេរ គឺកិច្ចការផ្លូវច្បាប់ និងកិច្ច ការទូត កម្ពុជាគឺអាចនឹងមានភាពល្អប្រសើរបំផុត ៕