កំពង់ស្រឡៅ គឺជាព្រំដែនកម្ពុជា ឡាវ ច្រកកំពង់ស្រឡៅ គឺស្ថិតក្នុងភូមិសាស្ត្រស្រុកឆែប នៃខេត្តព្រះវិហារ សូម បញ្ជាក់ផងដែរថា នៅក្នុងអំឡុងពេលចោរសៀមឈ្លានពានមកលើប្រទេសកម្ពុជា ដែលបច្ចុប្បន្នច្រកខាងលើ ត្រូវបានក្លាយទៅជាផ្លូវនាំលាភនឹងនាំជ័យដ៏មហិមាឲ្យទៅពួកក្រុមឈ្មួញទុច្ចរឹតមួយក្តាប់តូច ដែលគេដាក់ការ សង្ស័យជាមួយនិងសមត្ថកិច្ចពាក់ពន្ធ័មួយចំនួនប្រចាំនៅតំបន់នោះ គឺឃុបឃិតគ្នាជាប្រព័ន្ធក្បត់ឧត្តមគតិបិទភ្នែក បើកផ្លូវឲ្យក្រុមឈ្មួញមួយក្តាប់តូចទាំងនោះនាំទំនិញដែលផុតកាលបរិច្ឆេទក្នុងការប្រើប្រាស់ខូចគុណភាពពីប្រទេសទី៣ចូលមកលក់ចែកចាយបន្តឲ្យប្រជាពលរដ្ឋខ្មែរតាមបណ្តាស្រុកនិងខេត្តនានា ដោយពួកគេមិនបាន ខ្វល់អំពីសុខភាពរបស់បងប្អូនប្រជាពលរដ្ឋខ្មែរដែលជាអតិថិជនជាអ្នកទិញយកទៅប្រើប្រាស់ ឬបរិភោគបន្តិច ណាសោះ ។

ជាការពិតណាស់ដែលការប្រមាថ៍ខានទានរបស់ក្រុមឈ្មួយមួយក្តាប់តូចទាំងនេះ មកលើអាយុជីវិតនឹង សុខមាលភាព របស់ប្រជាពលរដ្ឋខ្មែរ ដោយពួកគេបានគិតទុកជាស្រេចហើយថា ក្រពះពោះវៀនរបស់ប្រជា ពលរដ្ឋខ្មែរ គឺពួកគេប្រៀបបានទៅនឹងធុងសម្រាមសម្រាប់ផ្ទុកនូវកាកសំណល់ ឬទំនិញខូចគុណភាពនេះ ហើយទើបបានជាពួកគេទាំងនេះនូវតែចិញ្ចឹមចិត្តផ្គើននាំទំនិញដែលខូចគុណភាពទាំងរថយន្តៗយកមកលក់ ចែកចាយបន្តឲ្យប្រជាពលរដ្ឋខ្មែរប្រើប្រាស់ ឬក៏បរិភោគយ៉ាងសន្ធឹកសន្ធាប់ដូច្នេះ ។

សូមរំលឹកផងដែរថា កាលពីអំឡុងយប់ថ្ងៃទី១៥ ខែសីហា ឆ្នាំ២០២៥ កន្លងទៅនេះ កម្លាំងសមត្ថកិច្ចសហការ ស្រុកឆែបបានបង្ក្រាបរថយន្តម៉ាកសាំយ៉ុងចំនួន៤គ្រឿង ដឹកទំនិញខូចគុណភាពដែលគេសង្ស័យដឹកចេញពី ប្រទេសទី៣ឆ្លងកាត់ប្រទេសឡាវ ឆ្លងកាត់តាមច្រកកំពង់ស្រឡៅ ក្នុងស្រុកឆែបខេត្តព្រះវិហារ បំរុងយកមកលក់ ចែកចាយបន្តនៅតាមបណ្តាស្រុកខេត្តនានា ក្នុងប្រទេសកម្ពុជានោះ ។

លោក ឃិត សុធារ៉ា អភិបាលស្រុកឆែបបានឲ្យដឹងថា ចំពោះទំនិញខាងលើ គឺកម្លាំងសមត្ថកិច្ចជំនាញបានធ្វើ ការដុតកំទិចចោល ដោយឡែករថយន្តរួមនិងម្ចាស់ ឬក៏ក្រុមឈ្មួញលោកអភិបាលស្រុកថា គឺត្រូវបង់វិន័យទៅ តាមច្បាប់គយ ហើយក៏មិនបានឈានទៅធ្វើការឃាត់ខ្លួនម្ចាស់រថយន្ត ឬក៏ក្រុមឈ្មួញដែលជាម្ចាស់នាំទំនិញ ខូចគុណភាពចូលមកនោះដែរ ។

សូមបញ្ជាក់ផងដែរថា ទំនិញដែលសមត្ថកិច្ចដុតកំទិចចោលរួមមាននំម្សៅបំពងចំនួន១៤០គ.ក ត្រីចំនួន២០០ គ.ក ស្លាបមាន់ចំនួន៥០០គ.ក កោះមាន់២៤៦០គ.ក ផងដែរ ៕