លោក ហួន ច័ន្ទថុន ទីប្រឹក្សារាជរដ្ឋាភិបាលកម្ពុជា និងជាប្រធានប្រតិភូឧត្តមក្រុមប្រឹក្សាពិគ្រោះ និងផ្តល់យោបល់ បាននិយាយថា មានអ្នករក្សាសីល អ្នកសច្ចំ មួយចំនួនបាននិយាយថា មនុស្សឈ្លោះគ្នាសោះ តែបែរជាមកបំ ផ្លាញប្រាសាទសីលា ដែលជាមរតកបុព្វបុរសបូរាណកាលសាងឡើងសម្រាប់ឧទ្ទិសថ្វាយព្រះបារមីអទិទេព សុំ សេចក្តីសុខសេចក្តីសម្រើនសម្រាប់ភពផែនដីមនុស្សសត្វ ពោលបំណងរបស់បុព្វបុរសបូរាណកាលចង់បាននោះ គឺថា បើមិនបានសាងសង់អ្វីបន្ថែមនោះទេ គឺសុំត្រឹមតែការពារឲ្យបានគង់វង់ទៅ គឺល្អណាស់មកហើយ ។

ជាការពិតណាស់ថ្នាក់ដឹកនាំកម្ពុជា ដោយសេចក្តីជឿជាក់និងសេចក្តីជ្រះថ្លាក្នុងក្តីបំណងការពារឲ្យបានល្អគង់វង់ ផងនោះ កម្ពុជាបានសម្រេចយកប្រាសាទព្រះវិហារចុះដាក់ក្នុងបញ្ជីបេតិកភ័ណ្ឌពិភពលោក តាមរយៈអង្គការ យូនីស្កូ ហើយក៏សង្ឃឹមយ៉ាងមុតមាំថា ប្រាសាទព្រះវិហារ អាចនឹងទទួលបានការថែរក្សាយ៉ាងគង់វង់ ពីពិភពលោក ដូចអ្វីទៅនឹងក្តីបំណងរបស់បុព្វបុរសបូរាណកាលចង់បាន ។

លោក ហួន ច័ន្ទថុន បន្តថា ប៉ុន្តែក្រុមទាហានសៀម ដែលមានស្តេចសៀមជាអ្នកដឹកនាំដ៏កំពូលផងនោះ បាន ប្រើយន្តហោះទម្លាក់គ្រាប់មកលើប្រាសាទព្រះវិហារ ធ្វើឲ្យមានការខូចទ្រង់ទ្រាយប្រាសាទយ៉ាងដំណំតែម្តង ។
ក្នុងហេតុការណ៍មួយនេះ គេបានតាមដានឃើញថា នៅក្រោយការវាយប្រហារភ្លាមៗ មាតារបស់ស្តេចសៀម ត្រូវបានសោយទីវង្គត់ ដោយឡែកនាពេលថ្មីៗនេះ បុត្រីរបស់ស្តេចសៀម ក៏ត្រូវបានចូលបន្ទប់សង្គ្រោះបន្ទាន់ ផងដែរ ។

នេះគឺជារឿងមួយសម្រាប់អ្នកគោរពប្រតិបត្តិលើផ្លូវបារមីរក្សាសីល លើកឡើងថា ប្រាង្គប្រាសាទសីលាព្រះវិហារ ក្រៅពីទីតាំងនេះជាទីតាំងទេសចរណ៍ ទីតាំងប្រាសាទនេះក៏ជាទីតាំងប្រកបទៅដោយអ្នកអរូបិយប្រតិបត្តិរក្សាសីល
ដូច្នេះបើមិនជឿទេ ក៏គួរកុំប្រមាថ៍ ៕