ដោយយោងទៅតាមស្ថានការណ៏វិលទៅកាន់ភាពប្រក្រតីវិញ ក្រោយពីទង្វើរដ៏សាហាវព្រៃផ្សៃ របស់ទាហាន ឈ្លានពានសៀម ប្រើប្រាស់នូវសព្វាវុធគ្រប់ប្រភេទបាញ់ផ្លោងទំលាក់ស្រោចមកលើតំបន់មួយចំនួនតាមបន្ទាត់ព្រំ ដែនក្នុងអធិបតេយ្យភាព នៃប្រទេសកម្ពុជា ជាពិសេសគឺក្នុងភូមិសាស្ត្រនានាក្នុងស្រុកជាំក្សាន្ត នៃខេត្តព្រះវិហារ កាលពីអំឡុងថ្ងៃទី២៤ - ២៥ - ២៦ - ២៧នឹងថ្ងៃ២៨ ខែកក្កដាឆ្នាំ២០២៥កន្លងទៅថ្មីៗនេះ ជាការពិតណាស់នៅ តាមបន្ទាត់ព្រំដែនកម្ពុជា-ថៃ ក្នុងភូមិសាស្ត្រស្រុកជាំក្សាន្ត ដែលជាសមរភូមិក្តៅបំផុត គឺតំបន់មុំបីអានសេះ បុស្សស្បូវ ភ្នំខ្មោច តាថាវ ចាក់ច្រែង តាងោល តាសឹម ភ្នំទ្រព្យ វាលឥន្ទ្រី ជាដើម ដែលកងទ័ពឈ្លានពានសៀម ប្រើប្រាស់អាវុធគ្រប់ប្រភេទ រាប់ទាំងគ្រាប់បែកចង្កោមផងនោះ បានបាញ់ផ្លោងនឹងទម្រាក់ស្រោចយ៉ាងងងើល សន្ធាប់មកលើកងទ័ព នៃប្រទេសកម្ពុជាដែលការពារបូរណ:ភាពទឹកដីរបស់ខ្លួន ។

ដែលវិនាសកម្មកើតចេញពីការឈ្លានពានដ៏ព្រៃផ្សៃនេះហើយ បានធ្វើឲ្យហេដ្ឋារចនាសម្ព័ននានា ជាពិសេស សំណង់ស្ថាបត្យកម្ម ប្រាង្គប្រាសាទ ដែលជាសម្បត្តិបេតិកភ័ណ្ឌពិភពលោករងនូវការខូចខាតយ៉ាងដំណំ រួមនិង ផ្ទះសំបែងប្រជាពលរដ្ឋស្លូតត្រង់ ក៏ត្រូវរងការខូចខាតបាត់បង់នៅទីជម្រក លើសពីនេះបានធ្វើឲ្យបងប្អូនប្រជាពលរដ្ឋ រាប់ពាន់គ្រួសារ និងរាប់ម៉ឺននាក់ ក្នុងនោះរាប់ទាំងកុមារផង បានរត់គេចជម្លៀសខ្លួនភាសសឹកមកស្នាក់នៅតាម បណ្តាមណ្ឌលសុវត្ថិភាពផងដែរ ។

ពិតណាស់ដូចពាក្យមួយឃ្លាបានពោលទុកមកថា ក្រោយភ្លៀងមេឃស្រឡះ បើទោះមហិច្ឆតាចិញ្ចឹមចិត្តរំលោភ បំពានយ៉ាងងងើលនឹងយង់ឃ្នងអំពីសំណាក់កងទ័ពឈ្លានពានសៀមយ៉ាងនេះក្តី ក្រោមកាដឹកនាំរបស់សម្តេច តេជោ ហ៊ុន សែន ប្រធានពឹ្រទ្ធសភា នៃព្រះរាជាណាចក្រកម្ពុជា ដែលជាស្ថាបនិកមគ្គុទេសក៍ឯក នឹងសម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា គឺសម្តេចទាំងទ្វេរបន្សាបបាននូវរាល់ ស្ថានការណ៏ឈ្លានពានដីអមនុស្សធម៏ ពីសំណាក់កងទ័ពឈ្លានពានសៀមនេះ ឲ្យវិលទៅស្ថានការណ៏ជាប្រក្រតី បានទាន់ពេលវេលាវិញផងដែរ ។

សូមរំលឹកផងដែរថា បន្ទាប់ពីស្ថានការណ៌វិលត្រឡប់ទៅកាន់សភាពដើមវិញ បងប្អូនប្រជាពលរដ្ឋដែលភាសឹក មួយចំនួន ក៌បាននឹងវិលត្រឡប់ទៅកាន់លំនៅដ្ឋានផ្ទះសំបែង របស់ពួកគាត់វិញជាបណ្តើរៗខ្លះហើយដែរ ។

ជាមួយនិងការវិលត្រឡប់ របស់បងប្អូនប្រជាពលរដ្ឋភាសឹកទាំងនេះ ឯកឧត្តម គីម រិទ្ធី អភិបាល នៃគណ:អភិបាល ខេត្តព្រះវិហារ ក៏បានបង្ហោះសារនៅតាមបណ្តាញសង្គមតាមហ្វេសប៊ុក របស់ឯកឧត្តម ដើម្បីសារអំពាវនាវមួយ ជូនដល់បងប្អូនប្រជាពលរដ្ឋដែលរស់នៅក្នុងតំបន់សមរភូមិប្រយុទ្ធ ពាក់ពន្ធ័ជាមួយនិងគ្រាប់យុទ្ធភ័ណ្ឌផ្សេងៗ ដោយធ្វើយ៉ាងណាឯកឧត្តមសុំឲ្យបងប្អូនប្រជាពលរដ្ឋត្រូវមានការប្រុងប្រយត្ន័ឲ្យបានខ្ពស់បំផុតទៅលើករណីគ្រាប់យុទ្ធភ័ណ្ឌទាំងឡាយទាំងពួង ដោយឯកឧត្តមបានបញ្ជាក់ថា ប្រសិនបើមានការសង្ស័យទៅលើអ្វីមួយ សូមឲ្យបងប្អូន ប្រជាពលរដ្ឋយើងទាក់ទងដើម្បីរាយការណ៏ទៅកាន់CMAC(ស៊ីម៉ាក)។

ដែលក្នុងនោះឯកឧត្តមថា សម្រាប់ស៊ីម៉ាកប្រចាំខេត្តព្រះវិហារ គឺអាចទំនាក់ទំនងទៅលោក អ៊ាន សុធា ដោយផ្ទាល់ តាមរយៈទូរសព្ទ័097 2222 735 នឹងលោក ហង្ស សាណាល គឺ 097 200 12 89 ។

ដោយឡែកសម្រាប់ខេត្តឧត្តរមានជ័យ ឯកឧត្តមថា សូមឲ្យបងប្អូនប្រជាពលរដ្ឋមេត្តាទាកទងខាង CMAC (ស៊ីម៉ាក )ផងដែរ គឺលោក នេត រដ្ឋា តាមរយះលេខទូរស័ព្ទ 097 200 11 41 និងលោក ជិន ប៊ុនហឿត តាមរយ:លេខទូរស័ព្ទ 097 20 45 751 ដោយផ្ទាល់ផងដែរ ដើម្បីបញ្ចៀសបាននូវគ្រោះថ្នាក់ជា យៈថាហេតុ ដែលបង្កឡើងដោយគ្រាប់ យុទ្ធភណ្ឌផ្សេងៗ ៕