ឯកឧត្តមសាស្ត្រាចារ្យ ឈាង រ៉ា បានមានប្រសាសន៍ថា ឯកឧត្តមសូមអរគុណយ៉ាងជ្រាលជ្រៅចំពោះការផ្តល់នូវ
មតិយោបល់ក៏ចូលជាសំណួរមួយចំនួន ដែលជាធាតុចូលទាក់ទិនទៅនឹងវិស័យសុខាភិបាលទាក់ទិននឹងចំណុច ចន្លោះប្រហោងមួយចំនួន ដែលក្រសួងសុខាភិបាលពិនិត្យពុំបានគ្រប់ជ្រុងជ្រោយ ដើម្បីក្រសួងបង្កើតជាយុទ្ធសាស្ត្រ អនុវត្តន៍បន្ថែមនាពេលខាងមុខ ។

រដ្ឋមន្ត្រីក្រសួងសុខាភិបាលឯកឧត្តមសាស្ត្រាចារ្យ ឈាង រ៉ា មានប្រសាសន៍បែបនេះ ខណៈដែលរូបឯកឧត្តមដឹកនាំ ប្រតិភូក្រសួងសុខាភិបាលប្រមាណ៣០រូប ចូលរួមប្រជុំស្រាយពន្យល់នូវចម្ងល់មួយចំនួនដល់បណ្តាប្រធានប្រតិ ភូឧត្តមក្រុមប្រឹក្សាពិគ្រោះ និងផ្តល់យោបល់ តាមរយៈការស្នើសុំរបស់ឯកឧត្តម អិត សារ៉ុម ប្រតិភូប្រធានគណ បក្សបំណងពលរដ្ឋ ដែលនឹងប្រព្រឹត្តឡើងនៅព្រឹកថ្ងៃទី ២២ ខែកក្កដា ឆ្នាំ២០២៥ នៅអគារវិមានសន្តិភាព នៃ ទីស្តីការគណៈរដ្ឋមន្ត្រី ក្រោមវត្តមានឯកឧត្តម រៀល ខេមរិន្ត្រ ជាប្រធានប្តូរវេនសម្រាប់ខែកក្កដា ។

ឯកឧត្តម ឈាង រ៉ា បានមានប្រសាសន៍បន្តថា នេះគឺជាឧិកាសដ៏ល្អមួយ ដែលបណ្តាប្រតិភូគណបក្សនយោបាយ ក្នុងឧត្តមក្រុមប្រឹក្សាពិគ្រោះ និងផ្តល់យោបល់ ផ្តល់នូវធាតុចូលដែលជាចំណុចចន្លោះប្រហោង ការគ្រប់គ្រងរបស់ ក្រសួងសុខាភិបាលពិនិត្យពុំបានគ្រប់ជ្រុងជ្រោយ ដើម្បីក្រសួងប្រមូលរាល់ព័ត៌មានទាំងអស់ចងក្រងជាយុទ្ធសាស្ត្រ រៀបចំដឹកនាំវិស័យសុខាភិបាលឲ្យកាន់តែមានប្រសិទ្ធិភាពថែមទៀតនាពេលខាងមុខ ប៉ុន្តែទោះជាយ៉ាងណាក្តី ឯកឧត្តមសាស្ត្រាចារ្យ បានបញ្ជាក់ថា អស់រយៈពេលប៉ុន្មានឆ្នាំកន្លងមកនេះ ក្រសួងក៏បានបង្កើនប្រសិទ្ធិភាព ក៏ដូចជាពង្រីកវិសាលភាពវិស័យសុខាភិបាលបានយ៉ាងច្រើនផងដែរ ក្នុងនោះមានទាំងបរិមាណទីតាំងមណ្ឌល សុខភាពតាមបណ្តាឃុំសង្កាត់ និងពង្រឹងទាំងចំណេះដឹងធនធានមនុស្សដែលជាមន្ត្រីសុខាភិបាលកាន់តែមានជំ នាញជាងពេលមុន ផងដែរ ។

សម្រាប់វត្តមានជំនួបអង្គប្រជុំដ៏សែនរីករាយនេះផងដែរ ដោយឡែកប្រតិភូគណបក្សនយោបាយជាច្រើននៅក្នុង ស្ថាប័នឧត្តមក្រុមប្រឹក្សាពិគ្រោះ និងផ្តល់យោបល់ បានលើកឡើងថា ឯកឧត្តមលោកជំទាវទាំងអស់ដែលជាប្រធាន ប្រតិភូ ពិតជាមានសេចក្តីសោមនស្សរីករាយយ៉ាងក្រៃលែង ដោយបានទទួលការស្រាយពន្យល់យ៉ាងក្បោះក្បាយ ពីសំណាក់ឯកឧត្តមសាស្ត្រាចារ្យរដ្ឋមន្ត្រីក្រសួងសុខាភិបាល ក៏ដូចជាការចូលរួមពីសំណាក់ឯកឧត្តមលោកជំទាវ ដែលជាប្រតិភូរបស់ក្រសួងសុខាភិបាលទាំងអស់ផងដែរ ដែលធ្វើឲ្យប្រតិភូគ្រប់បណ្តាគណបក្ស កាន់តែបានយល់ កាន់តែច្បាស់អំពីដំណើរការវិស័យសុខាភិបាល ដែលកំពុងមានសន្ទុះបោះជំហាននៅក្នុងកម្ពុជា ។

ប្រតិភូប្រធានគណបក្សនយោបាយជាច្រើន ក៏សូមថ្លែងអំណរគុណយ៉ាងជ្រាលជ្រៅចំពោះឯកឧត្តមបណ្ឌិត ឈឹម ផលវរុណ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកជាប្រធានលេខាធិការដ្ឋានឧត្តមក្រុមប្រឹក្សាពិគ្រោះ និង ផ្តល់យោបល់ ដែលតែងបានខិតខំសម្របសម្រួលយ៉ាងយកចិត្តទុកដាក់បំផុត ធ្វើឲ្យជំនួបរវាងប្រតិភូបណ្តាគណ បក្សក្នុងឧត្តមក្រុមប្រឹក្សា និងរដ្ឋមន្ត្រីសាម៉ីក្រសួងជាច្រើន បានដំណើរការជួបប្រជុំបានរលូនជាបន្តបន្ទាប់ ដែល ជាភាពលេចធ្លោមួយបង្ហាញយ៉ាងច្បាស់នូវការចូលរួមយ៉ាងសកម្ម របស់ប្រតិភូបណ្តាគណបក្សនយោបាយ ក្នុង ឧត្តមក្រុមប្រឹក្សា ជាមួយគ្រប់ក្រសួងសាម៉ី នៃរាជរដ្ឋាភិបាលកម្ពុជា ក្នុងអាណត្តិទី៧ នេះ ៕