នៅរសៀលថ្ងៃទី១៩ ខែកក្កដា ឆ្នាំ២០២៥ កន្លងទៅនេះ តំណាងគណបក្សនយោបាយចំនួន៤ មានរូបលោក បណ្ឌិត ហែម ប្រសើរ ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជន កម្ពុជា លោកបណ្ឌិត ហ៊ាង គឹមស្រឿន ប្រធានគណបក្សមហាសាមគ្គីជាតិខ្មែរ លោក ហួន ច័ន្ទថុន ប្រធាន គណបក្សខ្មែរអភិវឌ្ឍន៍សេដ្ឋកិច្ច លោក ឈឿន ចាន់ធឿន ប្រធានគណបក្សខ្មែរក្រោក ព្រមទាំងលោក លោកស្រីប្រធាន អនុប្រធាន សមាគមអ្នកសារព័ត៌មាន ជាច្រើនស្ថាប័នផងដែរ ដែលបានអញ្ជើញចុះទៅ ដោយផ្ទាល់ទៅទីតាំងប្រាសាទតាក្របី នឹងបានពាំនាំយកនូវអំណោយដ៏ថ្លៃថ្លា របស់សម្តេចអគ្គមហាសេនា បតីតេជោ ហ៊ុនសែន ប្រធានគណបក្សប្រជាជនកម្ពុជា ដើម្បីផ្តល់ជូនបងប្អូនវិរៈកងទ័ព ដែលកំពុងបានឈរ ជើងការពារប្រាសាទតាក្របី ។

អំណោយដ៏ថ្លៃថ្លានោះរួមមាន សឡាឈុតធំប្រើអាគុយចំនួន ៥ឈុត និងវិទ្យុទាក់ទងចំងាយឆ្ងាយ២៥ រាជធានី ខេត្តក្រុង ចំនួន ១៥គ្រឿង ក្នុងនោះផងដែរ ក៏មានអំណោយដែលជាទឹកចិត្តនិងក្រីស្រឡាញ់ របស់តំណាងគណ បក្សនយោបាយ និងប្រធាន អនុប្រធាន សមាគមអង្គការអ្នកសារព័ត៌មានជាច្រើនផងដែរ រួមមាន សឡា ចំនួន ៥គ្រឿង កំលាំងអាគុយ ១២០ អំពែ - ល្ហុង ចំនួន ៣០០ គីឡូក្រាម - ស្ពៃចង្កឹះ ចំនួន ៥០ គីឡូក្រាម - ស្ពៃ ក្រញ៉ាញ់ ចំនួន ៥០ គីឡូក្រាម - ស្ពៃតឿ ចំនួន ៥០ គីឡូក្រាម - ស្ពៃខ្មៅ ចំនួន ៥០ គីឡូក្រាម - គោ ចំនួន ១ ក្បាល និងជ្រក់ស្ពៃ ជំនួន៩០ ប្រអប់ ។

គួរបញ្ជក់ផងដែរថា ក្នុងចំណោមអំណោយទាំងអស់់នេះ ក៏មានអំណោយ និងវត្តមានចូលរួមពីលោក លោក ស្រីមួយចំនួនដែលជាទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ក្នុងនោះរួមមានៈ លោក ហេង ម៉េងលី មន្រ្តីទីស្តីការគណៈរដ្ឋមន្រ្តី លោក ឌុល ចាន់ធា ទីប្រឹក្សាសម្តេចអគ្គ មហាសេនាបតីតេជោ ហ៊ុន សែន លោក រស់ ចំណាន ទីប្រឹក្សាសម្តេចអគ្គមហាសេនាបតីតេជោ ហ៊ុន សែន លោក ហ៊ុន មករា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងជាប្រធានប្រតិបត្តិសម្ព័ន្ធយុវជន សេនាមរតកសន្តិភាព លោក ឌុល ឃីម ទីប្រឹក្សាសម្តេចអគ្គមហាសេនាបតីតេជោ ហ៊ុន សែន លោក ម៉ៅ ផល្លា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងជាប្រធានសមាគមថ្នាល់យុវជនកម្ពុជា ព្រម ទាំងសមាជិកសមាជិការគណៈកម្មាធិការគណបក្ស សាខា ភព១៣ ចំណុះឱ្យគណៈកម្មាធិការគណបក្សរាជ ធានីភ្នំពេញ ទៀតផង ៕