មហាជនស្ទើរមួយនគររង់ចាំអ៊ុតមើលវាសនា របស់លោក នុត សោភ័ណ្ឌ ចៅហ្វាយស្រុកត្បែងមានជ័យថាតើចៅ ហ្វាយស្រុករូបនេះ មានមហិទ្ធិរិទ្ធ ឬក៏យន្ត័ការពារខ្សែរក្រវ៉ាត់មុខតំណែងតួរនាទីជាអភិបាលស្រុកត្បែងមានជ័យ នោះបានតទៅទៀត ឬមួយយ៉ាងណា? ពីព្រោះកន្លងមកចៅហ្វាយស្រុករូបនេះធ្លាប់មានរឿងអាស្រូវដែលពាក់ ពន្ធ័អំពើពុករលួយជាហូរហែមកនោះ ។

ជាការពិតណាស់ហេតុដែលឲ្យមហាជនស្ទើរមួយនគរទន្ទឹងរង់ចាំអ៊ុតមើលយ៉ាងអន្ទះសារលើ ករណីរឿងអាស្រូវ របស់លោក នុត សោភ័ណ្ឌ ចៅហ្វាយស្រុកត្បែងមានជ័យរូបនេះ ពីព្រោះនៅក្រោយបែកធ្លាយរឿងពេញមួយនគរ មិនបានប៉ុន្មានម៉ោងផងនោះ ភ្លាមៗនោះ នៅថ្ងៃទី១៦ ខែកក្កដា ឆ្នាំ2025 រដ្ឋបាលសាលាស្រុកត្បែងមានជ័យ ក៌ បានចេញលិខិតចំហមួយអញ្ជើញក្រុមអ្នកសារព័ត៌មានដើម្បីធ្វើជាសន្និសិទ្ធកាសែតបំភ្លឺក្នុងករណីរឿងរ៉ាវផ្ទាល់ ខ្លួនរបស់លោក នុត សោភ័ណ្ឌ ចៅហ្វាយស្រុកត្បែងមានជ័យផងដែរ ។

សូមបញ្ជាក់ថាក្នុងការធ្វើសន្និសិទ្ធកាសែត នាគ្រានោះ ម្ចាស់សាម៉ីដែលរងការចោទប្រកាន់ គឺលោក នុត សោភ័ណ្ឌ ចៅហ្វាយស្រុកត្បែងមានជ័យ ដោយមិនបានចូលរួមបំភ្លឺចំពោះមុខក្រុមអ្នកសារព័ត៏មាននោះទេ គឺ មានវត្តមានលោក សុខ មុន្នីរិទ្ធ អភិបាលរងនិងជាអ្នកនាំពាក្យរដ្ឋបាលសាលាស្រុក រួមនិងមន្ត្រីរាជការសាលា ស្រុកមួយចំនួន ចូលរួមបកស្រាយជំនួសលោកដែលជាម្ចាស់សាមីទៅវិញ ។

សូមរំលឹកផងដែរថា នៅក្នុងសន្និសិទ្ធកាសែតនាពេលនោះ អ្វីដែលមហាជនមានកាចាប់អារម្មណ៍ គឺនៅពេល ដែលអ្នកសាព័ត៏មានសួរថាហេតុអ្វីបានចៅហ្វាយស្រុកលោក នុត សោភ័ណ្ឌ អវត្តមានមិនចូលរួម សំនួរនេះ លោក សុខ មុន្នីរិទ្ធ ហាក់មិនបានឆ្លើយតបមកកាន់ក្រុមអ្នកសាព័ត៌មាននោះទេ ។

បន្ថែមលើនេះលោកអភិបាលរងស្រុករូបនេះ ហាក់បានចេញមុខបដិសេធន៍យ៉ាងដាច់អហង្កាថា នៅពេលដែល លោកបានស្តាប់ឃ្លីបវីដេអូរដែលបានសំភាសន៍ គឺលោកជឿជាក់លើមេរបស់ខ្លួនមួយរយភាគរយថា ចៅហ្វាយ ស្រុកគឺលោក នុត សោភ័ណ្ឌ មិនបានប្រព្រឹត្តដែលការលើកឡើង របស់អ្នកនាំរដ្ឋបាលសាលាស្រុកត្បែងមាន ជ័យរូបនេះ មិនខុសអីទៅនិងពាក្យមហាជនលើកឡើងថា ដំបៅមហារីកខ្លួនមិនប្រឹងព្យាបាលបែជាអ្នកនាំពាក្យ រដ្ឋបាលសាលាស្រុកត្បែងមានជ័យរូបនេះ បង្គាប់បញ្ជាឲ្យអ្នកសាព័ត៏មានព្យាបាលកូនរមាស់ដ៏តូច១ទៅវិញ ។

ក្នុងន័យនេះសបញ្ជាក់ឲ្យឃើញថា លោកអភិបាលរងស្រុកលាងគូទខ្លួនឯងមិនទាន់និងជ្រះផង បែជាមកលាងគូទឲ្យ អ្នកសាព័ត៌មានទៅវិញ ពីព្រោះលោកបានសង្កត់ទៅលើក្រុមអ្នកសារព័ត៏មានថា មិនមែនអ្នកសាព័ត៏មានជាស្ថា ប័នតុលាការនោះទេ កុំផ្សាយបំភ្លៃថែមប៊ិសចេងថែមស្ករ ហើយវិនិច្ឆ័យអារកាត់ទំលាក់កំហុសវាយប្រហារឲ្យមាន ផលប៉ះពាល់ដល់កិត្តិថ្លៃថ្នូរថ្នាក់ដឹកនាំ ឬក៌ស្ថាប័នអង្គភាព សំដីរបស់លោកទាំងនេះលោកពិតជាកំពុងបាចអង្កាម បញ្ច្រាសខ្យល់ហើយ ចុះត្រង់លោកត្រឹមជាអ្នកនាំពាក្យសោះ ហេតុអីបានជាហ៊ានចេញមុខការពារនឹងបដិ សេធន៏យ៉ាងដាច់អហង្កា រហូតដល់ទៅមួយរយភាគរយថា មេរបស់ខ្លួនមិនបានប្រព្រឹត្តបើលោកមិនមែនជា ស្ថាប័នតុលាកាផងដែរហ្នឹង នេះហើយសំដីមិនបានព្រាងទុក្ខរបស់លោកតែលោកគួរយល់ថា ((ចេះឯងប៉ុនទន្លេ ចេះគេប៉ុនសមុទ្រ))

តែយ៉ាងណាក៏ដោយអ្នកនាំពាក្យរូបនេះថា លោកមិនអាចយករឿងបុគ្គលទៅលាយលំជាមួយ និងរឿងរដ្ឋបាល នោះទេ មួយវិញទៀតលោកថា ករណីរឿងរ៉ាវទាំងនេះគឺកំពុងស្ថិតនៅលើដៃតុលាការ និងដែនសមត្ថកិច្ចអាគារ ធិការរបស់ក្រសួងមហាផ្ទៃ ។

យ៉ាងណាការលើកឡើងរបស់អ្នកនាំពាក្យរដ្ឋបាលសាលាស្រុកនេះស្របទៅនិងការលើកឡើងរបស់ស្ត្រីដែលអះអាងខ្លួនថា ជនរងគ្រោះរួមនិងក្រុមស្ត្រីមួយចំនួនផងដែរ ដែលចេញមុខធ្វើជាសាក្សីឲ្យនារីរងគ្រោះថានៅពេល ក្រុមអគារធិការ ចុះមកស៊ើបអង្កេតលើសំណុំរឿងនេះកាលពីអំឡុងថ្ងៃទី៧ ដលថ្ងៃទី៩ខែកក្កដាកន្លងមក ទំនង លោក នុត សោភ័ណ្ឌ បានដឹងថាស្ត្រីខាងលើ ចាំចេញមុខធ្វើជាសាក្សីទំលាយរឿងរបស់ខ្លួន ក៏បានចេញលិខិត បញ្ជាបេសកកម្មឲ្យស្ត្រីជាមន្ត្រីរាជការនិងហើយត្រៀមធ្វើសាក្សីដ៏សំខាន់ដែលពួកគេធ្លាប់បានឃើញសកម្មភព នឹងទង្វើរដែលលោកបានប្រព្រឹត្តលើស្ត្រីជនរងគ្រោះទាំងប៉ុន្មាន ចុះទៅបំពេញភារកិច្ចនៅតាមបណ្តាភូមិឃុំនានា រយ:ពេលរហូតដល់ទៅ២ថ្ងៃ ដែលចំនុចនេះហើយត្រូវបានក្រុមស្ត្រីទាំងនោះលើកឡើងថា នេះគឺលោក នុត សោភ័ណ្ឌមានចេតនាមិនឲ្យសាក្សីមានឧិកាសឆ្លើយបំភ្លឺលើករណីនេះ គ្រាដែលក្រុមការងារអាគារអធិការ របស់ក្រសួងមហាផ្ទៃ ដែលបានចុះមកធ្វើកាស៊ើបអង្កេត និងស្រាវជ្រាវរឿងរ៉ាវនេះនាពេលកន្លងមក ។

ដែលការនេះហើយបានធ្វើឲ្យក្រុមគ្រួសារមន្ត្រីយោធានិងជាពិសេសស្ត្រីភរិយាដែលជាជនរងគ្រោះទទូចនិងគោរពស្នើរសុំដល់ឯកឧត្តម គីម រិទ្ធី អភិបាល នៃគណអភិបាលខេត្តព្រះវិហារ នឹងសម្តេចតេជោ ហ៊ុន សែន ប្រធានព្រឹទ្ធ សភា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំងឯកឧត្តម កើត រិទ្ធិ រដ្ឋមន្ត្រីក្រសួងយុត្តិធម៏ សូមមេត្តាជួយស្វែងរកយុត្តិធម៏ដល់ក្រុមគ្រួសារពួកគាត់ដោយក្តីអនុគ្រោះផង ពីព្រោះ បច្ចុប្បន្នក្រុមគ្រួសាមន្ត្រីយោធាភរិយាឈ្មោះ សួរ ចាន់ពិសី ដែលបានអះអាងថា លោក នុត សោភ័ណ្ឌ ប្រទូស្ត កេរ្ត៍ខ្មាសបៀតបៀនប៉ុនប៉ងរំលោភសេពសន្ថវះមិនបានសម្រេច ដែលពួកគាត់លើកឡើងថា ពន្លឺយុត្តិធម៏សម្រេច ក្រុមគ្រួសារគាត់មួយនេះ គឺហាក់ដូចនៅឯជើងមេឃយ៉ាងចឹង ព្រោះអីទាំងក្រុមគ្រួសារជនរងគ្រោះទាំងក្រុមអ្នក សាក្សីដោយពួកគាត់លើកឡើងថា គ្រាដែលក្រុមអាគារធិការចុះស៊ើបអង្កេតស្រាវជ្រាវ គ្រានោះលោក នុត សោ ភ័ណ្ឌចេញលិខិតបញ្ជាបេសកកម្មជម្លៀសក្រុមអ្នកសាក្សីមិនអាចមានឧិកាសបានចូលឆ្លើយបំភ្លឺលើរឿងនេះ ឡើយ ដែលការនេះគ្រួសារនារីរងគ្រោះជម្រុញស្ថាប័នអនុវត្តច្បាប់ មេត្តាគួរដាក់អធិការកិច្ចចុះស៊ើបអង្កេតសារ ជាថ្មីម្តងទៀត បើមិនដូច្នេះទេ ពួកគាត់ថាគឺគ្មានទេយុត្តិធម៍សម្រាប់ក្រុមគ្រួសាររបស់គាត់ មិនតែប៉ុណ្ណោះ ពួក គាត់លើកឡើងថា យុត្តិធម៏គ្មានសម្រាប់គ្រួសារគាត់ ហើយត្រូវបានមហាជននិយាយចំអកឡកឡឺយថា! ហ្នឹង ហើយកុំឲ្យចេះតែហ៊ាន(ពងមាន់កុំជល់ជាមួយនិងថ្ម) នោះប្រាកដជាក់ជាមិនខាន៕