មិនមែនរើសអើងប្រកាន់ជាតិសាសន៍អីនោះទេ នេះជាគោលការណ៍របស់ប្រមុខថ្នាក់ដឹកនាំ នៃព្រះរាជាណាចក្រ កម្ពុជាក្នុងការមិនអនុញ្ញាតអោយនាំចូលទុំនិញមួយចំនួនមកពីប្រទេសថៃ សម្ភារះក៍ដូចជាគ្រឿងឧប្បភោគ បរិ ភោគ នៅពេលដែលសភាពការណ៍ព្រំដែន នៃប្រទេសទាំងពីរកំពុងតែមានវិវាទតានតឹងនៅឡើយ ។

កាលពីព្រឹកថ្ងៃទី២៧ ខែមិថុនា ឆ្នាំ២០២៥ សមត្ថកិច្ចចំរុះ នៃខេត្តព្រះវិហារ បានធ្វើការដុតកំទេចចោលផ្លែដូង ក្រអូបប្រមាណជាងមួយតោន ទឹកដូងច្រកដបនិងសាច់ដូងមួយចំនួន ក្រោយរកឃើញអំពីការនាំចូលឆ្លងដែនដោយ មិនស្របច្បាប់តាមរថយន្តមួយគ្រឿងពាក់ស្លាកលេខក្រុងព្រះសីហនុ ២A-២៣៤៣ កំពុងដឹកជញ្ជូនផ្លែដូង នៅចំ ណុចកំពុងចម្លង កំពុងស្រឡៅ ស្រុកឆែប ខេត្តព្រះវិហារ បានឃាត់សាកសួរនិងបន្តស្រាវជ្រាវក្រោយមក ទើបដឹង ថាផ្លែដូងទាំងនោះត្រូវបានឈ្មួញនាំចូលពីប្រទេសថៃ កម្លាំងសមត្ថកិច្ចចម្រុះបានត្រួតពិនិត្យ ឃើញផ្លែដូងក្រអូបទាំង នោះមានចំនួន២៨៥០ ផ្លែស្នើនឹង១៥០០គីឡូក្រាម ទឹកដូងច្រកដាក់ដបចំនួន២៨០ ដប ស្មើនឹង ៤២០លីត្រ និង សាច់ដូង២៤គីឡូក្រាម។

ភ្លាមនោះដែរកម្លាំងសមត្ថកិច្ចចម្រុះក៏បានសម្រេចឃាត់ទុកនិងធ្វើរបាយការណ៍ រាយការណ៍រង់ចាំការសម្រេចពី ថ្នាក់ដឹកនាំ ។ យោងតាមអាជ្ញាធរស្រុកឆែប ឱ្យដឹងថាក្រោយទទួលបានការណែនាំនិងឯកភាពពីឯកឧត្ដម គីម រិទ្ធី អភិបាលខេត្តព្រះវិហារ លោក ឃិត សុធារ៉ា អភិបាលស្រុកឆែប បានដឹកនាំកំលាំងគណៈបញ្ជាការរដ្ឋបាលស្រុក ដោយបានសហការជាមួយពីមន្ត្រីគយ នៃការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ មន្ត្រីគយសាខាគយ និងរដ្ឋាករខេត្តកំពង់ធំ កម្លាំងរាជអាវុធហត្ថលើផ្ទៃប្រទេស សម្រេចធ្វើការដុតបំផ្លាញចោល នៅក្នុបរិវេណសាលា ស្រុកឆែប ធ្វើឡើងនៅចំពោះមុខអ្នកបើកបររថយន្តដឹកដូងក្រអូបនោះផងដែរ ។

ប្រតិបត្តិការបង្ក្រាបរឹបអូសផលិតផលដែលនាំចូលពីប្រទេសថៃ មកកាន់កម្ពុជាហើយអនុវត្តនីតិវិធីក្នុងការដុត កម្ទេចចោលនោះ វាជាសញ្ញាមួយ នៃការព្រមានដល់ក្រុមឈ្មួញឆ្មក់នាំចូលទំនិញឆ្លងដែនដោយគ្មានការអនុញ្ញា
ត ក៍ដូចជាចង់បង្ហាញជំហរ របស់កម្ពុជាផងដែរថា ទោះមិនប្រើផល្លិតផលថៃក៍កម្ពុជា រស់បានដោយឯករាជ្យ មិនពឹងលើដង្ហើមដកពីថៃឡើយ ៕