នៅព្រឹកថ្ងៃពុធ ២កើត ខែជេស្ឋ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២៨ ខែឧសភា ឆ្នាំ២០២៥ នេះ លោកបណ្ឌិត ហែម ប្រសើរ ប្រធានសមាគមសម្ព័ន្ធភាពដើម្បីមនុស្សធម៌ បានដឹកនាំសមាជិកសមាជិកា ចុះចែក អំណោយមនុស្សធម៌ជូន៤គ្រួសារ ដែលមានសភាពខ្វះខាតទីទាល់ក្រ ស្ថិតនៅភូមិព្រែកតារ័ត្ន ឃុំពោធិ៍បាន ស្រុក កោះធំ ខេត្តកណ្តាល។

ប្រជាពលរដ្ឋក្រីក្រ ៤គ្រួសារ ដែកំពុងមានសភាពខ្វះខាតនោះ រួមមាន គ្រួសារទី១ ៖ លោកតា ហៀប វណ្ណ ស្ថិតនៅ ភូមិព្រែកតារត័្ន ឃុំពោធិ៍បាន ស្រុកកោះធំ ខេត្តកណ្តាល ។ គ្រួសារទី២ ៖ លោកយាយ អេង ហ៊ន សិ្ថតនៅភូមិ ព្រែកខ្នាច ឃុំលើកដែក ស្រុកកោះធំ ខេត្តកណ្តាល ។ គ្រួសារទី៣ ៖ លោកយាយ ឃ្លាំង សុខ ស្ថិតនៅភូមិព្រែក តាដុល ឃុំពោធិ៍បាន ស្រុកកោះធំ ខេត្តកណ្តាល ។ គ្រួសារទី ៤ ៖ លោកយាយ សូត្រ ឃឿន ស្ថិតនៅភូមិព្រែកខ្នាច ឃុំលើកដែក ស្រុកកោះធំ ខេត្តកណ្តាល ។

ក្នុងនោះក្នុងមួយគ្រួសារទទួលបាន អង្ករចំនួន ៤ បេ (២៥ Kg) មី ចំនួន ៤ កេស ត្រីខ ចំនួន ៤ យួរ ទឹកត្រី ចំនួន ៤ យួរ ទឹកស៊ីអ៊ីវ ចំនួន ៤ យួរ ភួយ ចំនួន ៤ ព្រមទាំងថវិកាមួយចំនួន។

មានមតិក្នុងពិធីនោះ លោកបណ្ឌិត ហែម ប្រសើរ ប្រធានសមាគមសម្ព័ន្ធភាពដើម្បីមនុស្សធម៌ បានមានប្រ សាសន៍សំណេះសំណាលថា នេះគឺជាទឹកចិត្តបន្តិចបន្តួចដែលជាសិល្បៈ នៃការចែករំលែក ជួយគ្នាក្នុងគ្រាលំបាក អាសន្នអន់ក្រ ថ្វីត្បិតតែសម្ភារៈនិងថវិកាទាំងអស់នេះមិនច្រើន តែយ៉ាងណាក៏អាចជួយរំលែកការលំបាកបងប្អូន ប្រជាពលរដ្ឋទីទាល់ក្រខ្វះខាត បានមួយរយៈពេលខ្លីដែរ ។

លោកបណ្ឌិតក៏បានផ្ដាំផ្ញើដល់បងប្អូនប្រជាពលរដ្ឋទាំងអស់ សូមមានការប្រុងប្រយ័ត្នថែរក្សាសុខភាព និងរួមគ្នា ការពារការរីករាលដាល នៃជំងឺ covid 19 ដែលកំពុងផ្ទុះនៅប្រទេសជិតខាង ដូច្នេះត្រូវមានអនាម័យជានិច្ច ។

ដោយឡែកប្រជាពលរដ្ឋទីទាល់ក្រ បានសំដែងនូវការត្រេកអរនិងគោរពអំណរគុណយ៉ាងជ្រាវជ្រៅចំពោះ លោក បណ្ឌិត ហែម ប្រសើរ ប្រធានសមាគមនិងក្រុមការងារសមាជិកសមាជិការួមដំណើរទាំងអស់ ដែលបាននាំយកនូវ ថវិកានិងសម្ភារៈឧបភោគបរិភោគមួយចំនួនឧបត្ថម្ភដល់គ្រប់គ្រួសារ ពួកគាត់ដែលមានជីវភាពខ្វះខាតក្រីក្រខ្លាំង រកព្រឹកខ្វះល្ងាច។

ពលរដ្ឋទាំងអស់ បានបួងសួងដល់វត្ថុសាកសិទ្ធក្នុងលោក សូមតាមបីបាច់ថែរក្សា លោកបណ្ឌិតប្រធានសមាគម និងក្រុមការងារទាំងអស់ ឲ្យជួបប្រទះតែពុទ្ធពរទាំង ៥ ប្រការគឺអាយុ វណ្ណៈ សុខៈ ពលៈ បដិ ភានៈ កុំបីឃ្លៀងឃ្លាត ឡើយ ៕