រូបភាពមួយកំពុងបានផ្ទុះការចែករំលែកគ្នាក្នុងបណ្តាញសង្គមជាខ្លាំង ក៏ព្រោះតែមហាជនជាច្រើនបាន បង្ហាញពីអារម្មណ៍ក្តុកក្តួលអាណិតដល់ក្មេងតូចដែលគ្នាមិនទាន់ដឹងក្តី ហើយក៏ត្រូវបានរងគ្រោះថ្នាក់ជា មួយទៅនឹងឪពុកម្តាយ ព្រោះតែសត្វគោទាំងហ្វូងរត់ឆ្លងផ្លូវ បង្កឲ្យកើតជាគ្រឿថ្នាក់ចរាចរដ៏សែនរន្ធុត ។

មតិសាធារណៈជនជាច្រើនបានបង្ហាញពីអារម្មណ៍របស់ខ្លួនដោយបានលើកឡើងថា មិនគួរសោះនោះ ទេ ម្ចាស់សត្វគោដែលចិញ្ចឹមគោចង់បានផល ប៉ុន្តែក៏គួរតែអាណិតដល់ជីវិតរបស់ពលរដ្ឋអ្នកដំណើរផង កន្លងមកម្ចាស់គោមួយចំនួននោះ បានព្រលែងលែងសត្វគោឲ្យរត់ប្រដេញគ្នាឆ្លងផ្លូវ ប្រសេកប្រសាច យ៉ាងអាណាធិបតេយ្យ ហើយក៏បានបង្កជាគ្រោះថ្នាក់ដល់អ្នកដំណើរមិនតិចករណីនោះឡើយ ។

ផ្ទុយទៅវិញនៅពេលដែលកើតមានគ្រោះថ្នាក់ដល់អ្នកដំណើរ ភាគច្រើននោះម្ចាស់គោមួយចំនួន តែងបានគេចវេស លាក់ខ្លួនសង្ងំមិនបង្ហាញមុខថាខ្លួនជាម្ចាស់សត្វគោនោះទេ ដែលរឿងរ៉ាវទាំងនេះ តែងធ្វើឲ្យមហាជនអ្នកធ្វើដំណើរមានការក្តៅក្រហាយមិនឈប់មិនឈរសោះនោះដែរ ៕