ព្រោះតែសំអាងលើឯកសារដែលចេញដោយមន្ត្រីពុករលួយ ឬក៏មន្ត្រីជើងដប់មួយក្តាប់តូចបុគ្គល ទិត សុវណ្ណារី ថ្លើម ធំពាសមេឃហ៊ានដាក់ផ្លាក់ប្រកាសលក់ដីព្រៃក្នុងតំបន់អភិរក្សដែនជម្រកសត្វព្រៃភ្នំត្នោតភ្នំពកជាសាធារណ:ចំនុចភ្នំទន្សោង ដែលស្ថិតក្នុងភូមិសាស្ត្រ ភូមិម្រេច ឃុំស្រយង់ ស្រុកគូលែន ខេត្តព្រះវិហារ ដែលការដាក់ផ្លាកភ្ជាប់ និង លេខទូរស័ព្ទលក់ដីព្រៃក្នុងតំបន់អភិរក្សខាងលើនេះ បុគ្គល ទិត សុវណ្ណារី បានប្រាប់មកកាន់អង្គភាពយើងតាមប្រ ព័ន្ធសង្គមតេលេក្រាម នាថ្ងៃទី៦ ខែមីនា ឆ្នាំ២០២៥នេះថា ដីរបស់ខ្លួនដែលនិងប្រកាសលក់នៅចំនុចខាងលើ គឺ មានទំហុំ ១៣ហិកតា ហើយលោកលក់ក្នុង១ហិកតាតំលៃ២ពាន់ដុល្លា ចំពោះប្លង់ដែលលោកយកមកធ្វើជាសំ អាងក្នុងការលក់នេះហ្នឹង! វិញ ។

លោកសុវណ្ណារីថា គឺផ្អែកលើប្លង់ឃ្លុំ ដែលចេញដោយលោក ថី ធឿង មេភូមិម្រេចដែលគេបានទម្លាក់ប្លង់ឃ្លុំ តាម រយះសូរិយោដីតែយ៉ាងនេះក្តី លោក ទិត សុណ្ណារី ថាចំពោះប្លង់ឃ្លុំហ្នឹងវិញគឺគេមិនបានចុះហត្ថលេខានោះដែរ ដោយលោកគ្រាន់តែជួលឲ្យគេឃ្លុំ ពីព្រោះដីខាងលើមានពីប្លង់អមសងខាងផ្លូវដើម្បីជាភាពងាយស្រួល ទើបជួល គេឃ្លុំមួយវិញទៀត គឺដើម្បីឲ្យដឹងថាដីខាងលើមានទំហុំប៉ុន្មានហិកតាៗនោះទេ ។

មួយវិញទៀតបុគ្គលរូបនេះថា ប្រសិនមានគេទិញលោកនិងចុះវាស់វែងជាក់ស្តែងឲ្យម្តងទៀត ពីព្រោះលោកថា ដីខាងលើ គឺជាដីព្រៃហើយ បច្ចុប្បន្នអាចមានកាបាត់បង់ខ្លះក៏លោកមិនដឺងដែរ ។ ពាក់ព័ន្ធនិងករណីខាងលើនេះ លោក ថី ធៀង មេភូមិម្រេចថាភ្នំទន្សោងដូចមិនមានឈ្មោះភ្នំហ្នឹងនោះទេ គឺមានតែឈ្មោះភ្នំសំរ៉ងហើយចំពោះដី ខាងលើហ្នឹងវិញលោកមេភូមិថាលោក(បែនដាវីស)ទើបនឹងមកកាន់កាប់ក្នុងអំឡុងឆ្នាំ2017 ក្នុងន័យនៃកាលើក ឡើងរបស់លោកមេភូមិរូបនេះ គឺលោកចង់និយាយថា ដីខាងលើដោយខាងក្រសួងបរិស្ថានបង្កើតក្រោយលោក ស៊ីញ៉េ ឬក៌ប្រថាប់ត្រាទទួលដឹងឮនេះទេ ពីព្រោះអីលោកថា លោកស៊ីញ៉េតាំងពីអំឡុងឆ្នាំ2015 មកម្លេះ ។

ដូចគ្នានេះដែរលោក នង វុទ្ធា អនុប្រធានការិយាល័យតំបន់អភិរក្សដែនជម្រកសត្វព្រៃភ្នំភ្នោតភ្នំពក ថាដីព្រៃខាង លើជាដីក្នុងដែនអភិរក្សបើទោះយ៉ាងនេះក្តីលោក នង វុទ្ធា ថាសុំឲ្យអង្គភាពយើងបង្ហាញUTM ឲ្យលោកផងងាយ ស្រួលលោកចុះទៅពិនិត្យមើល ។

ដោយឡែកលោក ប៉ែន ជឹង អភិបាលស្រុកគូលែនថា ដីក្នុងតំបន់ខាងលើ គឺសុទ្ធតែជាដីក្នុងតំបន់ដែនអភិរក្សស្ទើរតែទាំងអសតែយ៉ាងណាលោកអភិបាលស្រុកស្នើរសុំមកអង្គភាពយើងជួយបង្ហាញUTMដូចគ្នាទៅនិងលោក នង វុទ្ធា អនុប្រធានការិយាល័យដែនអភិរក្សសត្វព្រៃភ្នំត្នោតភ្នំពកដែរ ។

យ៉ាងណាក៏ដោយជុំវិញនិងការលើកឡើង របស់លោកអនុប្រធានការិយាល័យតំបន់អភិរក្សភ្នំត្នោតភ្នំពកក៏ដូចជា លោកមេភូមិនេះជាដើមចម ធ្វើឲ្យមហាជនក៏ដូចប្រជាពលរដ្ឋដែលមិនពាក់ព័ន្ធរឿងទាំងនេះលើកឡើងថា បើ លោក នង វុទ្ធា មានឆន្ទះបំពេញតួនាទី របស់ខ្លួនក្នុងការអភិរក្សក្នុងដែនសមត្ថកិច្ច របស់ខ្លួនជាអ្នកគ្រប់គ្រងមែន នោះប្រហែលជាលោកមិនពិបាកនោះទេ ពីព្រោះផ្លាកដែលដាក់ប្រកាសលក់ដីខាងលើ គឺគេបានដាក់ភ្ជាប់ជាមួយ និងដើមឈើហើយជាប់និងផ្លូវទៀតផង ឬមួយក៏លោកឃើញហើយបែជាធ្វើមិនឃើញ ។

មួយវិញទៀតចំពោះការលើកឡើងរបស់លោក ថឺ ធៀង ដែលជាមេភូមិម្រេចវិញដោយលោកថា កាដែលលោកស៊ី ញ៉េ ឬប្រថាប់ត្រាលើដីខាងលើ គឺលោកស៊ីញ៉េ តាំងពីឆ្នាំ2015មកម្ល៉េះ ហើយក្រសួងបរិស្ថាន ទើបបង្កើតក្នុងឆ្នាំ 2017 គឺក្រោយលោកស៊ីញ៉េនេះទេ ហេតុផលលើកឡើង របស់លោកមេភូមិម្រេចបែបនេះដែលមហាជន មានសំនួរសួរ ទៅលោកមេភូមិវិញថា តើនៅក្នុងឯកសារកាន់កាប់ដីព្រៃដែលលោកចេញឲ្យខាងលើនេះមានលេខបញ្ជីការត្រឹម ត្រូវតាមបទដ្ឋានគតិយុតត្រឹមត្រូវដែរ ឬទេសម្រាប់ជារបាយការណ៏រាយការដល់ថ្នាក់ដឹកនាំក្នុងពេលប្រជុំប្រចាំខែ នោះ។

យ៉ាងណាក៏ដោយប្រជាពលរដ្ឋដែលមិនជាប់ពាក់ព័ន្ធក្នុងករណីរុករានទន្រ្ទានដីព្រៃក្នុងតំបន់អភិរក្សភ្នំត្នោតភ្នំពកជាពិសេសតំបន់ភ្នំម្រេចនោះតែម្តង ស្នើរដល់លោក មឿន សុ ភេទប្រធានមន្ទីរបរិស្ថានខេត្តព្រះវិហារ ដែលទើប និងទទួលមុខតំណែងថ្មីៗនេះលោកពិតជាប្រើដាវអាជ្ញាសឹកទៅលើមន្ត្រីអសកម្ម របស់ខ្លួនក៏ដូចជាក្រុមជនទាំង ឡាយណាដែលរុករានទន្រ្ទានកាន់កាប់ដីព្រៃរបស់រដ្ឋដោយខុសច្បាប់ ដើម្បីយកផ្តន្ទាទោសទៅតាមច្បាប់ត្បិត បច្ចុប្បន្មដីព្រៃនិងភ្នំមួយចំនួនបានក្លាយទៅជានុំខេកសម្រាប់ក្រុមអ្នកមានលុយមានអំណាចមួយក្តាប់ទន្ទ្រានកាន់កាប់រំលោភយកធ្វើជាកម្មសិទ្ធទាំងបំពាន់ស្ទើរបាត់អស់ពីផែនទីទៅហើយ ៕