ដោយសេចក្តីព្រួយបារម្ភជាខ្លាំងពីសំណាក់ព្រះសង្ឃ លោកតាអាចារ្យ គណៈកម្មការ រួមនិងអាជ្ញាធរមូលដ្ឋាន លើក្លោងទ្វារវត្តពោធិ៍ម្រាល ដែលមានសភាពចាស់ទ្រុឌទ្រោម និងខូចខាត មានសភាពស្ទើរប្រេះជាអន្លើៗផង នោះ ជាក់ស្តែងនៅពេលថ្មីៗនេះ ព្រះអង្គគ្រូ យូ វៃ ក្នុងនាមជាព្រះចៅអធិការវត្តពោធិ៍ម្រាល ដែលមានទីតាំង ស្ថិតនៅភូមិម្រាលធំ ឃុំពោធិ៍ម្រាល ស្រុកគងពិសី ខេត្តកំពង់ស្ពឺ បានសម្រេចផ្តួចផ្តើមកសាងក្លោងទ្វារវត្តជាថ្មី ដើម្បីបម្រើជាប្រយោជន៍សាសនា និងការពារបញ្ជៀសអំពីគ្រោះថ្នាក់ទាំងឡាយ ដែលអាចបាក់ស្រុតធ្លាក់ក្លោង ទ្វារដ៏ចំណាស់មួយនេះ លើប្រជាពលរដ្ឋអ្នកដំណើរ ។

នៅក្នុងសកម្មភាពនៃការកសាងក្លោងទ្វារវត្តសារជាថ្មីនេះ ព្រះអង្គគ្រូ យូ វៃ បានមានសង្ឃដីកាថា បច្ចុប្បន្នជាង កំពុងតែសាងសង់ ប៉ុន្តែក៏មានការកង្វះខាតសម្ភារៈជាច្រើនដើម្បីបានធ្វើជាបន្ត ដែលទីតាំងក្លោងទ្វារសាងសង់ជា ថ្មីនេះ គឺជាប់ទៅនឹង ផ្លូវជាតិលេខ៤១ ហើយព្រះអង្គសូមអំពាវនាវដល់ញាតិញោមពុទ្ធបរិស័ទ និងសប្បុរសជន ក្នុង និងក្រៅប្រទេស មេត្តាជួយកសាងក្លោងទ្វារវត្តផង ។

ព្រះអង្គគ្រូ វៃ មានសង្ឃដីការបន្តទៀតថា ព្រះអង្គដឹកនាំការកសាងនេះ មានការសង្ឃឹម ទៅលើញាតិញោមពុទ្ធ បរិស័ទ សប្បុរសជនក្នុង និងក្រៅប្រទេស មេត្តាចូលរួមតាមកម្លាំងសទ្ធាជ្រះថ្លារៀងៗខ្លួន ដើម្បីបង្កប់ទុកក្នុង ព្រះពុទ្ធសាសនា ទុកជាអរិយទ្រព្យទៅអនាគតជាតិ ខាងមុខទៀត ។

ព្រះពុទ្ធសាសនាព្រះបរមគ្រូ នៃយើង ព្រះអង្គបានបរិនិព្វាន្តទៅហើយ ព្រះអង្គបានបន្សល់ទុកព្រះសាសនាឲ្យ ពុទ្ធបរិស័ទទាំងឡាយ៤ជំពូក មានភិក្ខុ សាមណេ ឧបាសក និងឧបាសិកា ជាអ្នកទ្រទ្រង់ព្រះពុទ្ធសាសនា របស់ ព្រះអង្គបន្តទៅទៀត ដើម្បីឲ្យបានគ្រប់៥ពាន់ព្រះវស្សា ដូច្នេះដើម្បីជួយឲ្យវត្តពោធិ៍ម្រាលក្លាយជាជម្រកព្រះធម៌ ជាម្លប់ដ៏ត្រជាក់ និងជាស្រែបុណ្យដ៏ប្រសើរ សម្រាប់មនុស្សបានបំពេញផលបុណ្យកុសល ព្រះអង្គគ្រូសូមអំពាវ នាវដល់ញាតិពុទ្ធបរិស័ទ និងសប្បុរសជន ទីជិតឆ្ងាយទាំងអស់ សូមមេត្តាចូលរួមតាមសទ្ធាជ្រះថ្លា រៀងៗខ្លួន ៕