ឯកឧត្តម ហួន ច័ន្ទថុន បាននិយាយថា រូបខ្ញុំសូមសំដែងនូវការសោកស្តាយដោយពុំបានចូលជាមួយឯកឧត្តមបណ្ឌិត ហែម ប្រសើរ ប្រធានសម្ព័ន្ធភាពបណ្តុំសមាគមអង្គការសង្គមស៊ីវិល ក្នុងឱកាសជួបសំដែងការគួរសមជាមួយ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅទីស្តីការក្រសួង ។

ឯកឧត្តមបានបន្តថា ទោះជាយ៉ាងណាក្រសួងក៏បានអនុញ្ញាតផ្តល់ឱកាសឲ្យសមាគមអង្គការសង្គមស៊ីវិលចំនួន ៨ ស្ថាប័នអង្គភាព ក្នុងចំណោមសមាគមអង្គការចំនួន២២ ស្ថាប័នអង្គភាព បានសំដែងនូវការគួរសមផងដែរ ។ ទាំងអស់នេះ គឺសបញ្ជាក់បានថា ក្រសួងបានយកចិត្តទុកដាក់ខ្ពស់សម្រាប់ការសហការជាមួយបណ្តាសមាគម អង្គការ ដើម្បីចូលរួមចំណែកអភិវឌ្ឍន៍សង្គមទាំងអស់គ្នា ។

នារសៀលថ្ងៃទី២៤ ខែកុម្ភៈ ឆ្នាំ២០២៥នេះ ក៏ជាពេលវេលាថ្មីមួយទៀតសម្រាប់ក្តីសង្ឃឹមរបស់ប្រជាពលរដ្ឋកសិករ នៅតាមបណ្តាមូលដ្ឋានដែលតែងតែមានបំណងសុំឲ្យបណ្តាសមាគមអង្គការជួយពាំនាំអ្វីដែលជាសេចក្តីចង់បាន របស់ពួកគាត់ជម្រាបជូនក្រសួងបានជ្រាប ហើយជាក់ស្តែងសម្រាប់កិច្ចជំនួបពិភាក្សានិងសំដែងការគួរសមនាឱកាស ថ្ងៃម្សិលមិញនេះ ក៏ជាជំហានលើកដំបូង ដែលសមាគមអង្គការដែលមានទិសដៅបម្រើប្រយោជន៍ប្រជាពលរដ្ឋលើ វិស័យកសិកម្ម បានទំនាក់ទំនងជាមួយក្រសួង ។

ឯកឧត្តម ហួន ច័ន្ទថុន បានបន្តថា ទោះជាយ៉ាងណាក្តីរូបឯកឧត្តម សូមគោរពជូនពរ សូមឯកឧត្តម លោកជំទាវ លោក លោកស្រី ដែលជាថ្នាក់ដឹកនាំសមាគមអង្គការទាំងអស់ សូមជួបតែសេចក្តីសុខ សេចក្តីចម្រើន និងក្លាយជា ម្លប់យ៉ាងត្រជាក់សម្រាប់ជាទីពឹងប្រកបដោយគុណធម៌របស់ប្រជាពលរដ្ឋ ជារៀងរហូតតទៅ ៕