នេះសមដូចពាក្យដែលប្រជាពលរដ្ឋដែលតែងលើកឡើងថា ទេវតាពិតជាគ្មានធម៌មេត្តាពិតមែន យ៉ាងណាមិញអ្នក មានគឺមានយ៉ាងសម្បើម ដោយឡែកអ្នកក្រវិញគឺខំប្រឹងស្ទើរដាច់ខ្យល់ប៉ុន្តែទេវតានៅតែគ្មានធម៌មេត្តាដដែល ជាក់ស្តែងដូចជារូបបងប្រុសម្នាក់ក្នុងទឹកដីខេត្តតាកែវ ឃើញថារូបបងប្រុស បានព្យាយាមខិតខំចងការប្រាក់គេ រួមទាំងប្រាក់សន្សំទម្រាំបានគឺមានរយៈពេលជាច្រើនខែ ទម្រាំមានប្រាក់ទៅទិញផ្ទះឈើចាស់មួយនៅក្នុងខេត្តស្ទឹងត្រែង ដោយយកមកធ្វើផ្ទះនៅខេត្តតាកែវ ស្រាប់តែនៅពេលដឹកឆ្លងកាត់ក្នុងទឹកដីស្រុកអូរគ្រៀង ខេត្តក្រចេះត្រូវបានលោក តៃ រី ដែលជានាយសង្កាត់រដ្ឋបាលព្រៃឈើអូរគ្រៀងចាប់និងបញ្ជូនសំណុំរឿងទៅថ្នាក់លើ ដោយដាក់បន្ទុក គ្មានធម៌មេត្តា...

បើតាមពលរដ្ឋនៅនៅខេត្តតាកែវឈ្មោះ ប្រុស បានរៀបរាប់ឲ្យអ្នកសារព័ត៌មានយើងដឹងថា រូបលោកមានលុយបន្តិច បន្តួចចងការគេផង ទំរាំបានលុយមកទិញផ្ទះចាស់ដើម្បីដឹកពីខេត្តស្ទឹងត្រែង ក្នុងនោះក៏មានមានលិខិត្តបញ្ជាក់ផងដែរ តែចៃដន្យត្រូវសង្កាត់រដ្ឋបាលព្រៃឈើអូរគ្រៀងចាប់ឃាត់។

បើតាមដឹងផងនោះ ឈ្មោះតែរី ដែលជានាយសង្កាត់រដ្ឋបាលព្រៃ បានឃាត់និងបញ្ជូនសំណុំរឿងទៅលើតាមនិតិវិធីហើយ ប៉ុន្តែរទោះយ៉ាងណាក៏ដោយ សម្រាប់ក្រុមអ្នក សារព័ត៌មាន នៅមិនទាន់បានទទួលទិន្នន័យច្បាស់ការថា: ជាឈើថ្មីឬបង្កប់យ៉ាងណានៅឡើយនោះដែរ.. ជាក់ស្តែងហេតុការណ៍នោះ បានកើតឡើងកាលពីថ្ងៃទី២០ ខែគុម្ភះ ឆ្នាំ២០២៥ ..

ទាក់ទិនទៅនឹងព័ត៌មានខាងលើនេះផងដែរ ក្រុមអ្នកសារព័ត៌មានយើងបានព្យាយាមទាក់ទងទូរសព្ទ័ទៅលោក តែរី នាយសង្កាត់រដ្ឋបាលព្រៃឈើ លោកឆ្លើយបែបមិនសប្បាយចិត្តថា រូបលោកកំពុងទៅវាស់ដី លោកថាខុសហើយបានឃាត់... មានកាអីមិននិយាយតាមទូរសព្ទ័។

មជ្ឈដ្ឋានក្នុងខេត្តក្រចេះនិយាយថា បើតាមមើលទិដ្ឋភាពពីខាងក្រៅឃើញឈើខ្មៅៗ ពោលគឺហាក់មិនឃើញមានថ្មីនឬជាប់ពាក់ព័ន្ធឈើក្លែងបន្លំអ្វីនោះឡើយ.. យ៉ាងណាមិញ ជាធម្មតា ផ្ទះពេលរុះរើម្តងៗ ក៏តែងមានការបាក់បែកខ្លះៗ
ទើបធ្វើឲ្យម្ចាស់ផ្ទះក៏ចាំបាច់ទិញឈើខ្លះៗ សម្រាប់ប៉ះប៉ូវ ឈើដែលខូចបាក់បែក ប៉ុន្តែប់ើលោក តែរី គិតតែពីចាប់ កំហុសរឿងតូចពូតផ្តុំឲ្យធំរុញពលដ្ឋស្លូតត្រង់ឲ្យកាន់តែ ទុក្ខជាន់លើទុក្ខ ច្បាស់ណាស់វិបត្តិនៃភាពក្រីក្រសង្គមកាន់តែធ្ងន់ធ្ងរមិនខាន ....

ប្រជាពលរដ្ឋសំណូមពរឲ្យអស់លោកមន្ត្រីសមត្ថកិច្ចតាមដងផ្លូវ មេត្តាបើកចិត្តឲ្យទូលាយ និងទុកដង្ហើមឲ្យពលរដ្ឋក្រីក្របានដកដង្ហើមខ្លះៗផង ព្រោះគ្រាន់តែជាឈើផ្ទះចាស់សោះ និងគ្រាន់តែដឹកពីកន្លែងមួយទៅកន្លែងមួយប៉ុណ្ណោះ មិនគួរណាស់ច្បាប់អនុវត្តន៍តឹងរឹងល្បីផ្អើលពេញដងផ្លូវជាតិ៧ ក្នុងទឹកដីស្រុកអូរគ្រៀង ។