មិនបង្អង់រង់ចាំនោះទេ បន្ទាប់ពីទទួលបានព័ត៍មានជាក់លាក់ថាមានការកាត់រំលំអា.រជ្រៀកឈើ ព្រម ទាំងកាប់ព្រៃហ៊ុបយកដីផងនោះ លោកប្រធានមន្ទីរបរិស្ថាន នៃខេត្តស្ទឹងត្រែង លោក ស្រេង ជាហេង លោក ទូច វិចិត្រ នាយកដែនជម្រកព្រៃឡង់ លោក នួន ពិសី នាយករងដែននិងជាឧទ្យានុរ័ក្ស សហការ ជាមួយកំលាំងគណៈបញ្ជាការឯកភាព រដ្ឋបាលស្រុកថាឡាបរិវ៉ាត់ លោក សន សារឿន អភិបាលស្រុក លោកអនុសេនីយឯក សេង សុភ័ណ្ឌ កំលាំងអាវុធហត្ថខេត្ត ព្រមទាំងអ្នកមុខអ្នកការចំណុះស្ថាបន័ទាំង អស់ ដែលមានវត្តមាននៅពេលនោះ បានចុះត្រួតពិនិត្យទីតាំងមួយចំនួនដែលទទួលបានព័ត៍មានកាល ពីពេលថ្មីៗនេះ ។

គួរំលឹកផងដែរកាលពីព្រឹកថ្ងៃទី៣០ ខែមករា ឆ្នាំ២០២៥ នេះដែរ លោក ស្រេង ជាហេង ប្រធានមន្ទីរ មរិស្ថាន បានដឹកនាំដោយផ្ទាល់ បានទៅដល់ចំណុចនិយាមការ ៥៦៩៧៥២.១៤៨៨៥៣០ ស្ថិតក្នុងដែន ជម្រកសត្វព្រៃ-ព្រៃឡង់ ភូមិសាសន៍ភូមិទាល់ ឃុំអន្លង់ភេ ស្រុកថាឡាបរិវ៉ាត់ ខេត្តស្ទឹងត្រែង តាមការពិនិត្យ ជាក់ស្តែងក្រុមការងារបានឃើញមានការលួចអា.រឈើពិតដូចព័ត៍មានដែលទទួលបានប្រាកដមែន ។ ឈើដែលអា.រទាំងនោះ ជាប្រភេទអាជាគ្រឿងផ្ទះ ដើមឈើទាល ចំនួនគល់ឈើអា.រ ជ្រៀកអស់សល់ តែគល់៥៦គល់ ក្នុងនោះកាត់រំលំថ្មី ៤៩គល់ អង្កត់ផ្ចិតចាប់ពី ៤០សង់ទីម៉ែត្រដល់១០០សង់ទីម៉ែត្រ ដើមឈើ ដែលកាត់អា.រជ្រៀកនោះជាដើមច្បោះជ័ររបស់អ្នកភូមិក្នុងទីតាំងនោះទៀតសោត ព័ទ្ធជុំដោយបុស្បចំការ ចាស់ ហើយក៍មានការបាញ់ថ្នាំចំណាំត្រៀមកាប់ឆ្ការយកដីធ្វើកម្មសិទ្ធផងដែរ នេះផ្អែកលើការសន្និដ្ឋាន របស់ក្រុមការងារ ។ អំឡុងពេលនេះមន្ត្រីជំនាញបរិស្ថានយើងកំពុងស្រាវ ជ្រាវរៀបចំសំណុំរឿងទៅតុលា ការ ដោយមានការសហរការជាមួយអាជ្ញាធរភូមិឃុំ ចាត់ការទៅលើជនណាដែលរកឃើញថា បានធ្វើ សកម្មភាពបទល្មើស ។

នៅរសៀលនេះផងដែរ លោកប្រធានមន្ទីរ បានឆ្លៀតពេលចុះត្រូតពិនិត្យវឌ្ឍនះភាព នៃការបណ្តុះកូន ឈើនិងពូជន៍ត្នោត នៅស្នាក់ការដែនជម្រកសត្វព្រៃព្រៃឡង់ភូមិរំដេង ឃុំចំការលើ ស្រុកថាឡា ដដែល ផងដែរ ៕