ប្រជាពុទ្ធបរិស័ទចំណុះជើងវត្តវិមានតេជៈ ហៅវត្តស្រះចក ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ មានការងឿងឆ្ងល់ព្រះវិហារកំពុងសាងសង់យ៉ាងធំមហាសាល ដោយបើគិតជាថវិកាវិញគឺរាប់លានដុល្លារ ហើយ ជាក់ស្តែងនេះសព្វថ្ងៃក្រុមជាងកំពុងសាងសង់យ៉ាងញាប់ជើងញាប់ដៃផងដែរ ។

សកម្មភាពនៃការសាងសង់នេះ បានកំពុងធ្វើឲ្យប្រជាពុទ្ធបរិស័ទ រួមទាំងសប្បុរសជននៅក្នុងរាជធានីភ្នំពេញមាន ការងឿងឆ្ងល់ លើការដឹកនាំរបស់សម្ដេចឧត្តមចរិយាបណ្ឌិត ឈឹង ប៊ុនឈា សម្ដេចព្រះចៅអធិការវត្តវិមានតេជៈ ហៅស្រះចកនេះជាខ្លាំង ។ ពុទ្ធបរិស័ទ នានា បានបង្ហាញពីការងឿងឆ្ងល់ថា តើកសាងព្រះវិហារនេះ បានថវិកាមក ពីខាងណាជំនួយកសាងព្រះវិហារធំម៉្លេះ ។ ព្រះវិហារយ៉ាងធំសម្បើមនេះ ជាការងឿងឆ្ងល់របស់ពុទ្ធបរិស័ទនឹង សប្បុរសជនដែលស្គាល់វត្តវិមានតេជៈហៅវត្តស្រះចក ។

អ្នកយកព័ត៌មានយើងទូរស័ព្ទសុំការបំភ្លឺពីសម្ដេចព្រះចៅអធិការវត្ត ហើយ សម្ដេចព្រះចៅអធិការវត្ត ព្រះអង្គបាន មានព្រះរាជបន្ទូលថា បច្ច័យទាំងអស់បានមកពីឯកឧត្តម ឧកញ៉ា លោកជំទាវ លោក លោកស្រី ញាតិញោម ពុទ្ធបរិស័ទ ទីជិតឆ្ងាយ សប្បុរសជន ក្នុងនិងក្រៅប្រទេស បានជួយឧបត្ថម្ភ ឬថ្វាយប្រគេនឲ្យកសាងជាបន្តបន្ទាប់ ដោយសារពួកគាត់មានមានសទ្ធា មានអបិយជំនឿគោរពស្រឡាញ់ ទៅលើរូបសម្ដេច ទៅលើសម្ដេចជាអង្គម្ចាស់ ព្រះចៅអធិការវត្ត និងជាអនុប្រធានថេរៈសភាសង្ឃ នៃព្រះរាជាណាចក្រកម្ពុជា ទើបការកសាងរបស់សម្ដេច ចេះ តែធ្វើមុខជារៀងរាល់ថ្ងៃ ដើម្បីស្របតាមប្រសាសន៍សម្ដេចអគ្គមហាសេនាបតីតេជោ ហ៊ុនសែន ប្រធានព្រឹទ្ធសភា នៃព្រះរាជាណាចក្រកម្ពុជា កាលនៅជានាយករដ្ឋមន្ត្រីសម្ដេចមានប្រសាសន៍ថា ឲ្យនិស្ស័យពុទ្ធចក្រនិងអាណាចក្រ ដែលសង្គមរីកចម្រើនដូចគ្នា ដោយសារមានសុខសន្តិភាព ទើបមានប្រជាពលរដ្ឋពុទ្ធបរិស័ទជួបជុំគ្នាជួបជុំគ្នាធ្វើ បុណ្យទាន នៅក្នុងព្រះពុទ្ធសាសនា ដែលជាសាសនារបស់ព្រះសម្មាសម្ពុទ្ធព្រះបរមគ្រូ នៃយើង ៕