បទល្មើសព្រៃឈើ គឺជាអំពើខុសច្បាប់ដែលប៉ះពាល់ដល់ធម្មជាតិ និងបរិស្ថាន ការនាំឈើដែលត្រូវបានកាត់ចេញ ដោយខុសច្បាប់ទៅក្នុងទីផ្សារ នៃប្រទេសជិតខាង កំពុងកើតឡើងក្នុងទឹកដីស្រុកកែវសីមា ខេត្តមណ្ឌលគិរី នាពេល បច្ចុប្បន្ននៅតែបន្តមានដូចភ្លៀងរលឹម។

ជាក់ស្ដែងកាលពីយប់ថ្ងៃទី០៥ ខែកញ្ញា២០២៤ថ្មីនេះ រថយន្តសាំងយុង១គ្រឿង ត្រូវបាននគរបាលប្រឆាំងបទល្មើស សេដ្ឋកិច្ចបង្ក្រាប ប៉ុន្តែករណីបង្រាបរថយន្តដឹកឈើខាងលើនោះ បែរជាត្រូវបានរងការរិះគន់យ៉ាងពេញទំហឹងទៅ វិញថា ការបង្ក្រាបដោយពុំមានការចូលរួមពីមន្ត្រីរជំនាញខាងព្រៃឈើ ហើយឃាត់ចាប់រថយន្តដឹកឈើយកទៅទុក អស់ជាច្រើនម៉ោង ករណីខាងលើនោះត្រូវបានអ្នកជំនាញខាងព្រៃឈើថា ខុសនិតិវិធីហើយរឿងបែបនេះគេកំពុង នាំគ្នាដាក់ការសង្ស័យថា ចាប់ឃាត់ទុកដើម្បីអោយម្ចាស់យកលុយទៅលួសជាថ្នូរនិងការដោះលែងមកវិញ ។

តែមិនសំរេច ហើយរឿងរ៉ាវនេះត្រូវបានមជ្ឈដ្ឋាននានាដឹងកាន់តែច្រើនឡើង ទើបបង្ខំប្រគល់ទៅជំនាញទាំងស្តាយ ឬអាចនិយាយបានថា(ស៊ីលែងដាច់) ទើបប្រគល់ឲ្យជំនាញយកទៅកសាងសំណុំរឿង។ យោងតាមប្រភពបានឲ្យ ដឹងថា ករណីចាប់ឃាត់រថយន្តដឹកឈើខាងលើនេះធ្វើឡើងដោយបុគ្គលជានគរបាលប្រឆាំងបទល្មើសសេដ្ឋកិច្ច ម្នាក់ នៃស្នងការដ្ឋាននគបាលខេត្តមណ្ឌលគិរី បានឃាត់ចាប់រថយន្តសាំងយុងដឹកឈើ១គ្រឿង នៅចំណុចគីឡូ ៣៥តាមបណ្ដោយផ្លូវជាតិលេខ៧៦ ក្នុងភូមិឆ្នែងឃុំស្រែខ្ទុមស្រុកកែវសីមា ខេត្តមណ្ឌលគិរី តាំងពីយប់ថ្ងៃទី០៥ ខែ កញ្ញាឆ្នាំ២០២៤ ហើយយកវត្ថុតាងរថយន្តនិងឈើមករក្សាទុកនៅអធិការដ្ឋាននគបាលស្រុកកែវសីមា អស់ជា ច្រើនម៉ោង មិនព្រមបញ្ជូនទៅជំនាញរដ្ឋបាលព្រៃឈើនោះឡើយដោយរក្សាទុករហូតហួសនិតិវិធី របស់ជំនាញ យ៉ាងណាមិញករណីនេះត្រូវបានមន្ត្រីរដ្ឋាបាលព្រៃឈើមិនទទួលធ្វើសំណុំរឿងបន្តនោះទេ ក្រោយមកទើបនគរ បាលរូបនោះបានប្រគល់ឲ្យទៅខាងមន្ត្រីបរិស្ថានវិញ ។

សូមបញ្ជាក់ថា នេះគឺជាប្រភពរាយការណ៍ និងជាចម្ងល់ របស់ពលរដ្ឋចង់បានការស្រាយបំភ្លឺពីសមត្ថកិច្ចជំនាញ ជូនមហាជនជ្រាប មិនមានចេតនាជាន់ពន្លិចស្ថាប័នជំនាញណាមួយនោះឡើយ រាល់សាម៉ីស្ថាប័នទាំងឡាយណា មានប្រតិកម្មដោយអះអាងថា ព័ត៌មាននេះមិនសុក្រិតសម្រាប់ខ្លួន អាចទំនាក់ទំនងការិយាល័យនិពន្ធយើងបាន នៅរៀងរាល់ម៉ោងធ្វើការ ៕