ស្របពេលដែលសេដ្ឋកិច្ច សកលកំពុងតែគាំងរកច្រកចេញមិនឃើញប្រមុខដឹកនាំក៏ប្រឹងស្វះស្វែងស្តារស្ថានការណ៍ ដើម្បីភាពសំបូរសប្បាយរបស់ពលរដ្ឋក្តីបែរជាពពួកញៀនល្បែងប្រឹងបង្កើតភាពវិកវរតាមរយៈ បង្កើតវង់ល្បែង ស៊ី សង អត់ខ្វល់សុខទុក្ខពលរដ្ឋអីសោះតែម្តង ទោះបីដឹងថាល្បែងជាដើមចម នៃសេចក្តីវិនាសក្តី ។

មួយរយះនេះគេសង្កេតឃើញថា មានពលរដ្ឋជាច្រើនមកបណ្ដាខេត្តផ្សេងៗដូចជា ខេត្តកំពង់ចាម ខេត្តក្រចេះ ខេត្ត កំពង់ធំ និងខេត្តផ្សេងៗទៀត អ្នកខ្លះ ធ្វើដំណើរតាមរថយន្តមានទាំងរថយន្តស៊េរីចាស់ រថយន្តស៊េរីទំនើបជាច្រើន គ្រឿង ដឹកមាន់ធ្វើដំណើរទៅរកកន្លែងសង្វៀន និងអ្នកខ្លះធ្វើដំណើរតាមរយ:ម៉ូតូមានយួកន្ត្រកមាន់ធ្វើដំណើរទៅ រកកន្លែងសង្វៀន ដែលបានណាត់ជួបគ្នា ហាក់បីដូចជាសត្វឃ្មុំ ខំហើររកក្រេបលំអងផ្កា ។

បច្ចុប្បន្នទីតាំងល្បែងមាន់ជល់ខ្នាតយក្សនេះ កំពុងបើកលេងនៅចំណុច អូរស្ងួត ភូមិបឹងគឺ ស្រុកសន្ទុក ដោយកន្លង មក ម្ចាស់ស្រីវៀនរើកន្លែងចល័ត២ទីតាំង ស្ថិតនៅក្នុងចំការស្វាយចន្ទី ដែលជាចំការកម្មសិទ្ធិ របស់លោក ស្រៀង ក្នុងភូមិក្បាលអូរ៧ ឃុំបឹងល្វា ស្រុកសន្ទុក ខេត្តកំពង់ធំ ទីតាំងទាំង២នេះ គឺចល័តទៅវិញទៅមកៗ ។

ជាក់ស្ដែង នៅថ្ងៃអាទិត្យទី៨ ខែកញ្ញា ឆ្នាំ២០២៤ ថ្មីៗនេះ ទីតាំងល្បែងមាន់ជល់ខ្នាតយក្សដុះស្លែ បានប្ដូរទីតាំង មកលេងនៅចំណុច ជាប់ព្រំប្រទល់គ្នារវៀង ខេត្តកំពង់ធំ និងខេត្តកំពង់ចាម បើកលេងនៅក្នុងផ្ទះចំការធូរេន នៅ ក្នុងទឹកដីស្រុកសន្ទុក ខេត្តកំពង់ធំ ឬអាចហៅទីតាំង លោកថា វាលទទឹងថ្ងៃ ឬភូមិទទឹងថ្ងៃ ។

គួរបញ្ជាក់ផងដែរថា កន្លងមកទោះមានការផ្សព្វផ្សាយរបស់សារព័ត៍មានក្នុងស្រុកជាច្រើន អង្គភាពយ៉ាងណាក្តី ក៏សង្វៀនធំៗទាំងនោះ មិនធ្លាប់ត្រូវបានបង្ក្រាបនោះទេ គឺត្រឹមតែចល័តប្តូរទ៏តាំងបំភាន់ភ្នែកមហាជនតែប៉ុណ្ណោះ ទីតាំងសង្វៀនខាងលើនេះ នៅតែលួចបើកល្បែងស៊ីសងខុសច្បាប់គ្រប់ប្រភេទដដែល ។ ជាពិសេសល្បែងបញ្ជាល់ មាន់ខ្នាតធំមានគូរណាត់ជល់ខ្លះ ភ្នាល់ដាក់លុយ រហូតរាប់ពាន់ដុល្លាក៌មានដែរ គឺសម្រាប់ថ្ងៃសៅនិងថ្ងៃអាទិត្យ។

ល្បែងផ្សេងៗទៀតមានដូចជា ល្បែងអាប៉ោង ល្បែងយូគី ពលរដ្ឋដែលបានទៅដល់ទីនោះ ហើយដឹងតែសប្បាយលេង ភ្លូកទឹកភ្លូកដី ដោយអ្នកខ្លះហូរកញ្ជ្រៀវពេលឈ្នះលុយ អ្នកខ្លះធ្វើមុខស្រពោនពេលបោកគូថខោ ដោយការលេង ល្បែងស៊ីសងទាំងអស់នេះមិនរំខានដល់ អាជ្ញាធរមានសមត្ថកិច្ចក្នុងមូលដ្ឋាននិងថ្នាក់ខេត្តនោះឡើយ ។

ទីតាំងមាន់ជល់ខ្នាតយក្សដុះស្លែនេះ ប្រភពព័ត៌មានដែលបែកធ្លាយ ពីក្នុងសង្វៀនជល់មាន់នេះបាននិយាយរៀបរាប់ ថា មូលហេតុដែលមិនមានអាជ្ញាធរមានសមត្ថកិច្ចណាហ៊ានចុះទៅបង្ក្រាបសង្វៀនដុះស្លែខ្នាតយក្សនោះ ដោយទី តាំងខាងលើមានអ្នកធំម្នាក់ជាខ្នងបង្អែក លោក រ៉ាន់ លោក នឿត លោក ជង្រុង លោក ហូរ ពិសេស លោក ថុល គាត់ជាអ្នកមើលផ្លូវចាំផ្តល់សញ្ញាទៅដល់បក្ខពួករបស់ខ្លួន ប្រសិនបើមានបញ្ហារំខានអ្វី អស់លោកដែលជាម្ចាស់ សង្វៀនមាន់និងបក្សពួក និងផ្តល់ព័ត៌មានរាយការណ៍ទៅអ្នកធំ ដើម្បីឲ្យអ្នកធំម្នាក់នោះជួយធ្វើអន្តរាគមន៍ និង ជួយពន្លត់រឿង ។

មជ្ឈដ្ឋាននានាជាច្រើន និងពលរដ្ឋដែលរស់នៅក្នុងទឹកដីស្រុកសន្ទុកខេត្តកំពង់ធំជាច្រើនពាន់នាក់ បានរិះគន់ចំៗ ទៅលើលោកអធិការស្រុកសន្ទុក និងលោកអភិបាលនៃគណៈអភិបាលស្រុកសន្ទុក មានភាពកម្សោយ ទើបបាន ជាបណ្ដែតបណ្ដោយឲ្យមានល្បែងស៊ីសងដុះស្លែរ កើតមាននៅក្នុងដែនសមត្ថកិច្ចរបស់ខ្លួនគ្រប់គ្រងដូច្នេះ ។

ពោលគឺអាជ្ញាធរនៅក្នុងមូលដ្ឋានបានលាក់បាំងបំពួន និងហ៊ានប្រឆាំងទៅ និងអនុសាសន៌ដ៏ខ្ពង់ខ្ពស់និងម៉ឺងម៉ាត់ របស់ប្រមុខថ្នាក់ដឹកនាំ ដែលមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា
ទោះបីលោកធ្លាប់បានបញ្ជាដល់ឯកឧត្តម លោកជំទាវ អភិបាលនៃគណៈអភិបាលរាជធានី-ខេត្ត ពាក់ព័ន្ធនិងការ លុបបំបាត់នៅរាល់ល្បែងស៊ីសងគ្រប់ប្រភេទយ៉ាងណាក្តី ។

ប៉ុន្តែអស់លោកអាជ្ញាធរនៅក្នុងមូលដ្ឋានពិសេសស្រុកសន្ទុកនេះតែម្តង បែរជា នាំគ្នាបណ្តោយឲ្យមានល្បែងស៊ីសង ជល់មាន់ បើកលេងស្រែកហ៊ោកញ្ជ្រៀវទ្រហឹងអឺងកង ធ្វើឲ្យប្រជាពលរដ្ឋស្លូតត្រង់នៅជិតជិតនោះ មានការព្រួយ បារម្ភជាខ្លាំង ខ្លាចកើតនូវអំពើចោរកម្ម និងបទល្មើសផ្សេងៗ ដូចជា លួច ឆក់ ប្លន់ និងអំពើហិង្សា ក្នុងគ្រួសារ ជា ដើម។ ល។

ហេតុនេះហើយបានពួកគាត់និយាយថា ឯណាទៅ ភូមិ ឃុំ មានសុវត្ថិភាពទាំង៧ចំណុចរបស់ប្រមុខរាជរដ្ឋាភិបាល ដែលបានកំណត់ និងដាក់បញ្ជា ឲ្យមន្ត្រីមូលដ្ឋានអនុវត្តតាមគោលការណ៍ ? ទង្វើរ និងសកម្មភាពរបស់លោក អធិការស្រុក សន្ទុក និងលោកអភិបាលនៃគណៈអភិបាលស្រុកសន្ទុក កំពុងតែបង្ហាញពីភាពខុសប្រក្រតី ខណៈ ល្បែងស៊ីសងខុសច្បាប់ដំណើរយ៉ាងអណាធិបតេយ្យបែរជារក្សាភាពស្ងៀមស្ងាត់ទៅវិញ ។

ប្រជាពលរដ្ឋបានសំណូមពរ យ៉ាងទទូច ដល់ឯកឧត្តម នួន ផារត្ន័ អភិបាល នៃគណៈអភិបាល ខេត្តកំពង់ធំ ក្នុង អាណត្តិទី៧ នៃរាជរដ្ឋាភិបាលកម្ពុជា ដែលមានសម្ដេចបវរធិបតី ហ៊ុន ម៉ាណែត ជានាយករដ្ឋមន្រ្តី ដូចនេះសូម ស្នើសុំលោក នួន ផារ័ត្ន ដែលមានតួនាទីជាគណៈបញ្ជាការខេត្តកំពង់ធំ ជួយបញ្ជាកម្លាំងចម្រុះ ចុះបង្ក្រាបទីតាំង ល្បែងស៊ីសងខុសច្បាប់ ខាងលើនេះផងទាន ៕