មិនមែនជារឿងចម្លែកអីនោះ ទេ ការចរាចរណ៍បទល្មើសឈើ ឆ្លងកាត់ខេត្តមួយចំនួនក្នុងភូមិភាកឥសាន្តនៃប្រទេស នៅតែមានជាប្រចាំ មិនដឹងថាមកពីមូលហេតុ អ្វីបើទោះជាច្បាប់ប្រទេស រិតបន្តឹងគាំពារធនធានធម្មជាតិព្រៃឈើ យ៉ាងណាក្តី គេក៏មិនដឹងថាក្រុមឈ្មួញឈើទាំងនោះមានអំណាច ជាងច្បាប់ឬក៏យ៉ាងណានោះទេ ទើបបានជាអំ ណាចច្បាប់បង្ក្រាបឈ្មួញឈើទាំងនោះនៅតែមិនមានប្រសិទ្ធិភាពឲ្យបានមួយភាគរយ មុខសញ្ញាឈ្មួញចាស់វស្សា ដដែលៗ ។ មហាជនក៏ដូចជាជំនាញពាក់ព័ន្ធ អាចនិងធ្លាប់ដឹងធ្លាប់ ឬច្រើនឆ្នាំមកហើយជើងខ្លាំងប្រចាំខេត្តក្រចេះ ម្នាក់នេះមិនត្រឹមតែធ្វើសកម្មភាពឲ្យកកើកទឹកដីខេត្តក្រចេះនោះទេ សូម្បីតែទឹកដីខេត្តស្ទឹងត្រែងក៏ក្លាយទៅជាភាព រញ្ជួយផ្អើលប្រតិព្វីព្រោះតែអំណាចឈ្មួញម្នាកផងដែរ ដែលភាពល្បីល្បាញនេះឆ្លាយរហូតដល់ស្រុកយួនឯណោះ។

ជាក់ស្តែង ម៉ោង១២ជាង រំលងអាធ្រាតយប់ថ្ងៃទី៣ ខែកញ្ញា ឆ្នាំ២០២៤ ឡានហាយឡែនឌឺ ១គ្រឿង ផ្លាកលេខ ភ្នុំពេញ 2AG 7257 បានក្រឡាប់ផ្ងារជើងឡើងលើ នៅត្រង់ចំណុចហួសការ៉ាស់សាំង អូរកណ្ដៀរបន្តិច ធ្លាយចេញ សុទ្ធតែជាឈើប្រណិត ប្រភេទកកោះ ដែលមានមុខកាត់ធំៗចំនួន ៥សន្លឹក ប្រវែង២ម៉ែត្រ២តឹក និងឈើ ៥សន្លឹក
ខ្លី ៗផ្សេងទៀត ។ ក្រោយពីឡានដឹកឈើរបស់ឈ្មួញម្នាក់នេះក្រឡាប់ផ្ញាជើង គេបានឃើញក្រុមឈ្មួញទាំងនោះ បែរជាមានលទ្ធភាពគ្រប់គ្រាន់ក្នុងការជម្លៀសឈើ ចេញពីទីតាំងកើតហេតុយ៉ាងមានសុវត្ថិភាពយ៉ាង ស្ងៀមស្ងាត់ បំផុត ។

បើតាមប្រភពបានបង្ហើបឲ្យដឹងផងនោះ គឺថាសូម្បីតែអ្នកបើកឡានត្រូវបានរងរបួសធ្ងន់ បែកភ្នែកមួយចំហៀង ក៏ ក្រុមគេត្រូវបានស្វែងរកកន្លែងព្យាបាលយ៉ាងរលូន និងស្ងៀមស្ងាត់ផងដែរ ។ ដោយឡែកមន្ត្រីជំនាញពាក់ព័ន្ធត្រូវបាន ប្រភពជាច្រើនទម្លាយថា ហាក់បីដូចជាបានរក្សាភាពស្ងៀមស្ងាត់អត់មានការភ្ញាក់ផ្អើលអ្វីបន្កិចសោះ ។

ទោះជាយ៉ាងណាម្ចាស់ឡានឈើដែលក្រឡាប់ផ្ញាជើងនេះ កំពុងត្រូវបានដឹងថា ត្រូវបានមានការលាក់លៀមឈ្មោះ នៅឡើយ ដោយឡែកទាក់ទិននឹងប្រភពខាងលើ អង្គភាពព័ត៌មាននិងព្យាយាមរង់ចាំរាល់ចំណាត់ការរបស់សមត្ថ កិច្ចខេត្តក្រចេះនាពេលខាងមុខបន្តទៀតនេះ ដើម្បីផ្សាយជូនមហាជនជ្រាប ៕