ជនជាតិវៀតណាមចំនួនពីរនាក់ ត្រូវបានកម្លាំងនគរបាលអន្តោរប្រវេសន៍ នៃប៉ុស្តិ៍គរបាលច្រកទ្វារព្រំដែនអន្តរ ជាតិត្រពាំងគ្រៀល ធ្វើការឃាត់ខ្លួននៅព្រឹកថ្ងៃទី០៤ ខែកញ្ញា ឆ្នាំ២០២៤ ខណៈត្រួតពិនិត្យឆែកឆេរ លើរថយន្ត ដឹកអ្នកដំណើរពីប្រទេសឡាវ មកប្រទេសកម្ពុជា ១គ្រឿង តាមច្រកទ្វារព្រំដែនអន្តរជាតិត្រពាំងគ្រៀល បានប្រ ទះ ឃើញម្សៅក្រាមពណ៌សថ្លា និងថ្នាំគ្រាប់មួយចំនួន ។

មន្ត្រីនគរបាលអន្តោប្រវេសន៍ ខាងលើបានបង្ហើបថា កាលពីព្រឹកថ្ងៃទី៤ ខែកញ្ញា ឆ្នាំ២០២៤ រថយន្តក្រុងចំណុះ ៤៥កៅអី ពាក់ស្លាកលេខឡាវ៧៩៧៩ ដឹកអ្នកដំណើរពីប្រទេសឡាវ មកប្រទេសកម្ពុជា ០១ គ្រឿងត្រូវបានរក ឃើញមានផ្ទុកម្សៅក្រាមពណ៌សថ្លា និងថ្នាំគ្រាប់មួយចំនួននៅក្រោមកៅអីអង្គុយផ្នែកខាងក្រោយ ។

ថ្នាំញៀនទាំងនោះរួមមាន២៧ដុំធំ ជាប្រភេទក្រាមពណ៌សថ្លា សង្ស័យជាសារធាតុញៀន និងប្រភេទថ្នាំគ្រាប់ ពណ៌បៃតង (សង្ស័យជាប្រភេទថ្នាំគ្រវី) ១០ដុំធំ ជាប្រភេទម្សៅសង្ស័យជាសារធាតុញៀនប្រភេទ ហេរ៉ូអ៊ីន,គ្រាប់ ក្រហមតូចៗ ៤៦៥ គ្រាប់ សង្ស័យជាសារធាតុញៀនប្រភេទថ្នាំយ៉ាម៉ា និងក្រាមពណ៌សថ្លា ១កញ្ចប់តូច។

ក្នុងការត្រួពិនិត្យនេះដែរ ក៏បានឃាត់ខ្លួនជនជាតិវៀតណាម ២នាក់ផងដែរ ក្រោយពីមានការសង្ស័យប៉ុស្តិ៍នគរ បាលច្រកទ្វារ បានសុំកិច្ចសហការជាមួយកម្លាំងសមត្ថកិច្ចការិយាល័យទំនាក់ទំនងព្រំដែន (BLO) និងសមត្ថកិច្ច មូលដ្ឋានដែលពាក់ព័ន្ធ ដើម្បីសហការត្រួតពិនិត្យបន្ថែម និងបានបញ្ជូនបន្តទៅឲ្យស្នងការដ្ឋាននគរបាលខេត្ត ស្ទឹងត្រែង អនុវត្តនីតិវិធីបន្ត។

ទាក់ទិនចំនួនសរុបប៉ុន្មាននោះ នៅមិនទាន់ដឹងពិតប្រាកដនៅឡើយទេ ដោយរង់ចាំបន្តនីតិវិធីធ្វើតេស្តរកសារ
ធាតុញៀននិងថ្លឹងទម្ងន់សុទ្ធទើបច្បាស់លាស់ ៕