រយះពេលប៉ុន្មានសប្តាហ៍ចុងក្រោយចុងខែ សីហានេះ សកម្មភាព បទល្មើស ព្រៃឈើក្នុងដែនព្រៃឡង់កើនឡើងយ៉ាង គំហ៊ុក បើក្រលេកទៅមើលផេកផ្លូវការណ៍ របស់ ប្រធានមន្ទីបរិស្ថានខេត្តក្រចេះ លោក ដួង ឆាយសាវុធ បង្ហោះនៅ សកម្មភាពមន្ត្រីឧទ្យានុរៈបរិស្ថានដែនព្រៃឡង់ ហាក់កំពុងបានដំណើរការយ៉ាសកម្មខ្លាំងណាស់ ក្នុងការបំពេញការ ងារកាត់ភក់ កាត់ជ្រោះកាត់អូរ ជាដើម ។

ប៉ុន្តែរផ្ទុយទៅវិញតែលទ្ធផលដែលមន្ត្រីបរិស្ថានទាំងអស់ប្រឹងប្រែង ហាក់មិនបានធ្វើឲ្យបទល្មើសឈើក្នុងដែនព្រៃឡង់ ថមថយនោះទេ បើក្រលេកទៅមើលសកម្មភាពបទល្មើសវិញកើនឡើងទ្វេរដង កត្តាទាំងនេះក្លាយជាចម្ងល់ស្រាយ មិនចេញសំរាប់មហាជនក៏ដូចជាអ្នកសារព័ត៍មានយើង បើបន្ទោសជំនាញបរិស្ថានថាអត់ធ្វើការក៏មិនត្រូវ ព្រោះថា សកម្មភាពល្បាតជាក់ស្តែងមានមែន ។ ចំណែកមតិមហាជនជាច្រើនបានរិះគន់ថា សកម្មភាពរបស់បរិស្ថានគ្រាន់ តែសម្តែងអោយល្អមើលនោះពួកគេថា ចាំបាច់អីដល់ថ្នាក់ឆ្លងភក់ កាត់ព្រៃ កាត់អូរ នាំពិបាកធ្វើអីបើអស់លោក បរិស្ថានមានឆន្ទៈទប់ស្កាត់បង្ក្រាបបទល្មើសព្រៃឈើមែននៅតែក្នុងភូមិក៏បានដែរ ។ ទាំងរទេះក្របីទាំងគោយន្តឲ្យ ប្រសេកប្រសាចពេញភូមិអត់មានជំនាញណាបង្ក្រាបផង នេះគឺមិននិយាយដល់ឡាន ស៊ាំយ៉ុង ដឹកជាហូរហែរប្រ ចាំខួបផង ។

ប្រភពច្បាស់ការណ៍មួយ បានបង្ហើបប្រាប់មកកាន់អង្កភាពយើងថា ដោយសារតែមានថៅកែចាស់វស្សាម្នាក់ប្រចាំ តំបន់នោះ ចាំទទួលទិញឈើពីក្រុមរទេះក្របី និងគោយន្ត ទើបសកម្ម ភាពបទល្មើសឈើកើន និងកើតមានមិនចេះ ចប់ ថៅកែម្នាក់នោះឈ្មោះលោក វ៉ា អាចថាម្ចាស់ដេប៉ូក៍ថាបាន ហើយក៍ជាមនុស្សម្នាក់ឈជើងលក់ចែកចាយ អោយទៅក្រុមឡានសាំយ៉ុង យកទៅលក់បន្តរតាមតម្រូវការទីផ្សារខេត្តគោលដៅផ្សេងៗ ៕