នៅថ្ងៃទី២៥ ខែកញ្ញា ឆ្នាំ២០២៤នេះ ឯកឧត្តម ហួន ច័ន្ទថុន បានមានប្រសាសន៍ថា នៅក្នុងខែតុលា ខាងមុខ នេះរូបខ្ញុំនឹងចូលរួមជាមួយសមាគមអង្គការសង្គមស៊ីវិល បង្កើតជាទីតាំងសាកល្បងចិញ្ចឹមសត្វនៅតំបន់ភូមិភាគ ឥសាន្ត ដែលមានខេត្តស្ទឹងត្រែង ខេត្តមណ្ឌលគិរី និងខេត្តរតនគិរី ក្នុងគោលបំណងបង្កើតជាទីតាំងសាកសល្បង ក្នុងការចិញ្ចឹមសត្វ ដើម្បីស្វែងរកមូលនិធិទ្រទ្រង់ជួយបង្កើតជំនាញជូនពលរដ្ឋសម្រាប់អភិវឌ្ឍន៍សេដ្ឋកិច្ចតាម មូលដ្ឋាន ។

ឯកឧត្តម ហួន ច័ន្ទថុន មានប្រសាសន៍បែបនេះ ខណៈដែលរូបឯកឧត្តមជួបជាមួយក្រុមអ្នកសារព័ត៌មាន និង សមាគមអង្គមួយចំនួន នៅឧិកាសពិភាក្សាអំពីបញ្ហាសេដ្ឋកិច្ចពលរដ្ឋតំបន់ភូមិភាគឥសាន្ត នៅទីតាំងជំនួបមួយ ក្នុងទឹកដីខណ្ឌកំបូល រាជធានីភ្នំពេញ ។

ឯកឧត្តម បានមានប្រសាសន៍ថា ជាការពិតណាស់ នៅក្នុងរយៈពេលកន្លងមកនេះ ចំណុចទីតាំងភូមិភាគឥសាន្ត គឺបានក្លាយជាតំបន់ក្តៅសម្រាប់ក្រុមអ្នកនយោបាយទាំងក្នុងនិងក្រៅប្រទេស ពាក់ព័ន្ធទៅនឹងអតីតទីតាំងសហ ប្រតិបត្តិការអភិវឌ្ឍន៍កម្ពុជា ឡាវ វៀតណាម ហើយជាក់ស្តែងនៅពេលនេះថ្វីបើត្រូវបានរាជរដ្ឋាភិបាល សម្រេចបញ្ចប់កិច្ចសហប្រតិបត្តិការក៏ដោយក្តី ប៉ុន្តែទីតាំងនេះក៏នៅតែជាតំបន់ក្តៅនៅឡើយ ។

ឯកឧត្តមបានបញ្ជាក់ថា ជាការពិតណាស់ក្តីស្រឡាញ់ គឺជាការជួយគ្នា ហើយគោលបំណងដែលត្រូវការពារគឺជា ក្តីពេញចិត្តនិងថែរក្សា ដូច្នេះក្នុងនាមជាកូនខ្មែរមួយរូប ឯកឧត្តមមានបំណងចង់ឃើញនៅទីតាំងតំបន់ភូមិភាគ ឥសាន្ត គឺមានការអភិវឌ្ឍន៍កាន់តែរីកចម្រើន នោះរបងនៃការការពារក៏កាន់តែរឹងមាំ ៕