ឯកឧត្តម ហួន ច័ន្ទថុន បានមានប្រសាសន៍ថា នៅចុង ខែកញ្ញា ឆ្នាំ២០២៤ នេះ រូបឯកឧត្តមនិងដឹកនាំក្រុមការ ងារចុះទៅសិក្សានៅទឹកដីខេត្តក្រចេះ ខេត្តមណ្ឌលគិរី ខេត្តស្ទឹងត្រែង និងខេត្តរតនគិរី ដើម្បីបានស្វែងយល់អំពីទុក្ខ លំបាក និងការរស់នៅរបស់ប្រជាពលរដ្ឋឲ្យកាន់តែបានច្បាស់ ប្រមូលទស្សនៈទានជូនដល់រាជរដ្ឋាភិបាល ។

ឯកឧត្តម ហួន ច័ន្ទថុន បានមានប្រសាសន៍បែបនេះ នៅក្នុងឧិកាសប្រជុំឧត្តមក្រុមប្រឹក្សា ពិគ្រោះ និងផ្តល់យោ បល់ ដែលនឹងប្រព្រឹត្តទៅនៅថ្ងៃទី២៩ ខែសីហា ឆ្នាំ២០២៤ ដែលមានវត្តមានឯកឧត្តម យ៉ាន សុវណ្ណ ប្រធាន ប្រតិភូ នៃគណបក្សហ្វ៊ុនស៊ិនប៉ិច ជាប្រធានប្តូរវេនសម្រាប់ខែសីហា នេះ ។

ឯកឧត្តម ហួន ច័ន្ទថុន បញ្ជាក់ថា ជាការពិតណាស់ក្តីស្រឡាញ់ គឺមិនអាចកើតឡើងត្រឹមតែពាក្យសម្តីប៉ុណ្ណោះទេ ក្តីស្រឡាញ់ដ៏ពិតនោះ គឺចាំបាច់ត្រូវការសកម្មភាពដែលជាកើតចេញពីបេះដូងរបស់យើងតែម្តង ។ កន្លងមកអ្នក នយោបាយមួយចំនួនតែងតែលើកឡើងថា ពួកគាត់មានការព្រួយបារម្ភណាស់ អាណិតណាស់ ទាំងលើព្រំដែន ទាំងលើពលរដ្ឋដែលរស់នៅតាមព្រំដែនកម្ពុជារបស់យើង ប៉ុន្តែជាភាពជាក់ស្តែងអ្នកនយោបាយមួយចំនួននោះ ក៏មិនសូវបានជាចាប់អារម្មណ៍ និងអើពើជាមួយទៅនឹងជីវភាពពលរដ្ឋដែលរស់នៅតាមក្បែរបន្ទាត់ព្រំដែននោះ ឡើយ ។ ក្រុមអ្នកនយោបាយអគតិមួយចំនួនដែលអះអាងថា ជាអ្នកស្រឡាញ់ជាតិនោះ តែបានត្រឹមតែអង្គុយធ្វើ ការវិភាគដោយគូថអង្គុយសឹងតែមិនចង់ងើបចេញពីកៅអី ហើយខំស្រែកបំពងសម្លេងតាមកញ្ចក់ទូរស័ព្ទ ទាំងខំ ផ្សាយតាមប្រព័ន្ធអនឡាញយកប្រជាប្រិយសម្រាប់ខ្លួន ថាជាអ្នកស្នេហាជាតិ ។

ឯកឧត្តម ហួន ច័ន្ទថុន បានបញ្ជាក់ថា សម្រាប់ជាទស្សនៈរបស់ខ្ញុំ គឺរូបខ្ញុំយល់ថា ថ្វីបើក្តីស្រឡាញ់របស់មនុស្ស យើងកើតចេញចិត្តរបស់យើងក៏ពិតមែនក្តី ប៉ុន្តែក៏ចាំបាច់ត្រូវការសកម្មភាពដែលយើងផ្ទាល់ត្រូវចូលរួមផងដែរ ។ នៅពេលនេះ ប្រសិនបើយើងចង់និយាយថា យើងស្រឡាញ់ប្រទេស យើងស្រឡាញ់ជាតិ និងស្រឡាញ់ពលរដ្ឋដូច ទៅសម្តីរបស់យើងពិតមែន យើងចាំបាច់ណាស់ត្រូវតែមានវត្តន៍មាននៅតាមទីតាំងមូលដ្ឋានព្រំដែនមួយចំនួន របស់មាតុប្រទេសយើងទាំងអស់គ្នា ៕