ប្រភពព័ត៌មានពីប្រជាពលរដ្ឋជាច្រើនបានប្រាប់ឲ្យដឹងថា នៅចំណុចដីភ្នំមួយកន្លែងជាប់ក្បែរទៅវត្តជ្រោះចេក នៅ ភូមិស្រង់ ឃុំស្រង់ ស្រុកគងពិសី ខេត្តកំពង់ស្ពឺ កំពុងត្រូវបានគ្រឿងចក្រកាយដីយ៉ាងច្រើនធ្វើសកម្មភាពជីកកកាយដីភ្នំ យ៉ាងអនាធិបតេយ្យ ហើយសកម្មភាពជីកកកាយដីទាំងអស់នោះ សម្រាប់សមត្ថកិច្ចជំនាញព្រមទាំងអាជ្ញាធរដែនដី គ្រប់លំដាប់ថ្នាក់វិញក៏ហាក់បីដូចជាស្ងាត់ជ្រងំដដែល ។

ស្របពេលដែលប្រភពបានទម្លាយប្រាប់ឲ្យដឹងផងនោះ ក្រុមអ្នកសារព័ត៌មានអង្គភាពយើង បានព្យាយាមចុះទៅ យកព័ត៌មានដោយផ្ទាល់នៅចំណុចទីតាំងសកម្មភាពខាងលើ ជាក់ស្តែងមេការរបស់គ្រឿងចក្របានឲ្យដឹងថា រូប គាត់ត្រូវបានគេឲ្យមកគ្រប់គ្រងគ្រឿងចក្រ និងធ្វើសកម្មភាពកាយដីប៉ុណ្ណោះ ដោយឡែករឿងច្បាប់អនុញ្ញាត ឬក៏ គ្មានយ៉ាងច្បាប់អនុញ្ញាត គឺរូបគាត់មិនដឹងអ្វីឡើយ ។

ដោយឡែកប្រភពព័ត៌មានបានឲ្យដឹងថា ករណីកាយដីភ្នំដឹកលក់សកម្មភាពមានដូចព្យុះនេះ ពលរដ្ឋជាច្រើនលើក ឡើងថា គេសង្ស័យថាក៏អាចជាករណីកាយទន្ទ្រានយកដីធ្វើកម្មសិទ្ធិឯកជនតែម្តង ក៏ព្រោះតែសកម្មភាពកាយដីទាំង អស់ គឺកាយពង្រាបដីយ៉ាងរាបស្មើដីធម្មតា ។

ប្រភពបន្តថា ករណីនេះ ហាក់បីដូចជាករណីទិញដីភ្នំកាយពង្រាបឲ្យបានស្មើម្តងបន្តិចៗ ដើម្បីទន្ទ្រានយកដីធ្វើកម្ម សិទ្ធិ ដោយគេយល់ថាអាចជាការសមគំនិតណាមួយពីអ្នកមានអំណាច ព្រោះតែមានបំណងចង់បានដីភ្នំដែលជា សម្បត្តិរដ្ឋ ទើបសកម្មភាពទាំងអស់ហាក់បីដូចជារលូន គ្មានចំណាត់ការអើពើណាមួយពីអាជ្ញាធរដែនដីសោះតែ ម្តង ។

ទោះជាយ៉ាងណាក្តី ប្រជាពលរដ្ឋសំណូមពរយ៉ាងទទូចដល់លោក ជៀម ចាន់សោភ័ណ្ឌ អភិបាល នៃគណៈអភិ បាលខេត្តកំពង់ស្ពឺ សូមមេត្តាជួយពិនិត្យមើលផងទាន ប្រសិនបើការកាយដីភ្នំដែលជាសម្បត្តិរបស់រដ្ឋ នៅតែមាន សកម្មភាពឈូសឆាយទន្ទ្រានយកមិនឈប់មិនឈរសោះបែបនេះ មិនយូរមិនឆាប់នោះទេ សម្បត្តិដីភ្នំអាចនឹង រលាយអស់ជាក់មិនខាន ក្នុងទឹកដីខេត្តកំពង់ស្ពឺនេះ ៕