នោះចឹងបានតែគេថា ចូលដល់សម័យប្រទេសកំពុងបង្កើនសកម្មភាពសេដ្ឋកិច្ច ដែលធ្វើឲ្យឈ្មួញអ្នកមានលុយជា ច្រើនក៏ចាប់ផ្តើមបែកគំនិតបង្កើតសេដ្ឋកិច្ច ដែលអ្នកខ្លះក៏ធ្វើតាមរបៀបសុច្ចរិត រីឯចំណែកអ្នកខ្លះវិញក៏ព្រោះតែ ដើម្បីលុយរិៈរកគ្រប់មធ្យោបាយមិនថា ជារឿងដែលខ្លួនធ្វើនោះមានកំហុសឆ្គងឬយ៉ាងណានោះទេ ឲ្យតែបាន លុយគឺគេហ៊ានធ្វើទាំងអស់ ។

តាមប្រភពព័ត៌មានមួយបានឲ្យដឹងថា ទីតាំងភ្នំមួយកន្លែងដែលមានឈ្មោះថា អាស្រមខ្លឹមខ្នុរ ស្ថិតនៅក្នុងឃុំស្តុក ស្រុកគងពិសី ខេត្តកំពង់ស្ពឺ កំពុងបានបែកធ្លាយថា មានក្រុមឈ្មួញមានអំណាចមួយក្រុមបានសមគំនិតឃុបឃិត គ្នាកាយដីភ្នំធ្វើអាជីវកម្មដឹកលក់ឲ្យយ៉ាងសម្បើម ដោយមិនខ្លាចអំណាចច្បាប់អ្វីសោះនោះទេ ។

ប្រភពបានបន្តថា គ្រឿងចក្រកាយដី និងឡានដឹកដីក្នុងមួយថ្ងៃៗរាប់រយគ្រឿង កំពុងបានសម្រុកកាយនិងដឹកដីភ្នំ យ៉ាងគគ្លើន ក្រោមលេសថា គេសំអាតទីធ្លាដើម្បីធ្វើព្រះវិហារថ្វាយអាស្រមស័ក្តិសិទ្ធមួយកន្លែងដែលមានឈ្មោះ ថា អាស្រមខ្លឹមខ្នុរ ប៉ុន្តែបើតាមប្រភពពីពលរដ្ឋនិយាយប្រាប់វិញនោះបានឲ្យដឹងថា អស់រយៈពេលជាច្រើនថ្ងៃ មកនេះ ភ្នំដែលគេកាយសឹងតែទំពែកអស់ទៅហើយ ដោយឡែកទីនកន្លែងកសាងព្រះវិហារអ្វីក៏គ្មាននោះឡើយ ព្រោះថា ការអះអាងថា ធ្វើព្រះវិហារថ្វាយបរមីភ្នំខ្លឹមខ្នុរនេះ គឺគ្រាន់តែជាការភូតកុហក់ ដើម្បីឲ្យរួចផុតពីសំ ណាញ់ច្បាប់តែប៉ុណ្ណោះ ។

ប្រភពបានឲ្យដឹងទៀតថា ជាក់ស្តែងនៅក្រោយពេលព័ត៌មានរបស់ក្រុមឈ្មួញរកស៊ីដីមិនលើកលែងសូម្បីតែដីភ្នំ នេះបានធ្លាយទៅដល់ក្រុមអ្នកសារព័ត៌មានគេក៏បានដឹងថា បុរសដែលជាម្ចាស់គ្រឿងចក្រដែលកំពុងតែសប្យាយ ជាមួយទៅនឹងផលចំណេញយ៉ាងសម្បើមនេះ ក៏បានខិតខំចែចូវយ៉ាងខ្លាំងផងដែរ ទៅរកអាជ្ញាធររដ្ឋអំណាចឃុំ ស្រុក ដើម្បីឲ្យរូបគេមានឧិកាសបន្តធ្វើជាអ្នកមានតាមបំណងរបស់គេ ប៉ុន្តែទោះជាយ៉ាងណាក្តី គេក៏មិនដឹងថាតើមានមន្ត្រីណាខ្លះដែលថ្លើមធំហ៊ានអនុញ្ញាតឲ្យឈ្មួញកាយភ្នំដែលជាសម្បត្តិរបស់រដ្ឋនៅឡើយដែរ ។

ទាក់ទិននឹងព័ត៌មាននេះ អ្នកសារព័ត៌មានយើងមិនអាចទំនាក់ទំនងភាគីម្ចាស់គ្រឿងចក្របាននោះទេ នៅមុន ម៉ោងផ្សាយនេះ ទោះជាយ៉ាងណាក្តីប្រជាពលរដ្ឋសំណូមពរដល់ថ្នាក់ដឹកនាំខេត្តកំពង់ស្ពឺ ជាពិសេសគឺឯកឧត្តម ជៀម ចាន់សោភ័ណ្ឌ ដែលទើបតែបានក្លាយជាអភិបាលខេត្តថ្មីៗនេះ សូមមេត្តាជួយមានចំណាត់ការទប់ស្កាត់ សកម្មភាពឈ្មួញអ្នកមានលុយកំពុងបានធ្វើសកម្មភាព កាយដីភ្នំចង់ក្លាយជាអ្នកមានដោយគ្មានការអៀនខ្មាស នេះផងទាន ព្រោះបើមិនយ៉ាងចឹងនោះទេ ការធ្វើសកម្ម ភាពកាយដីភ្នំនេះ អាចនឹងធ្វើឲ្យក្លាយជាភាពកម្សោយ របស់អាជ្ញាធរដែនដីឲ្យមហាជនកាន់តែនិយាយលាន់ទឹក លាន់ដីមិនខាន ៕