ពិតជាមនុស្សគិតមិនដូចទេវតាគិតពិតមែន ជាក់ស្តែងកាលពីពេលថ្មីៗនេះ គេបានឃើញសម្តេចមហាបវរធិបតី នាយករដ្ឋមន្ត្រី នៃព្រះរាជាណាចក្រកម្ពុជា បានដាក់បទបញ្ជាយ៉ាងម៉ឺងម៉ាត់ឲ្យមានការទប់ស្កាត់នូវសកម្មភាពកាប់ ទន្ទ្រានយកដីព្រៃពីសំណាក់ជនខិលខូលយ៉ាងណាក្តី ប៉ុន្តែគេក៏នៅតែឃើញអស់លោកមួយចំនួននៅតែមានសកម្ម ខិលខូចព្យាយាមរកគ្រប់យុទ្ធសាស្ត្រ ពោលគឺធ្វើយ៉ាងណាឆ្នៃប្រឌិតឲ្យដីមិនស្របច្បាប់យ៉ាងណាក្លាយទៅជាសម្បត្តិ របស់ខ្លួន លើសពីនេះ ក្រុមជនខិលខូចជាច្រើន ក៏តែងយកប្រជាពលរដ្ឋធ្វើជាស្ពានឧបករណ៍ និងជារបងការពារ ខ្លួនថែមទៀត ។

យ៉ាងណាមិញដូចជានៅក្នុងខេត្តស្ទឹងត្រែង កាលពីថ្ងៃទី២៣ ខែមេសា ឆ្នាំ២០២៤ កន្លងទៅថ្មីៗនេះ ក្រោយការយក ចិត្តទុកដាក់ពីសម្តេចមហាបវរធិបតី ហ៊ុន ម៉ាណែត បានដាក់បទបញ្ជាឲ្យរងខុទ្ទកាល័យរបស់សម្តេចចុះទៅពិនិត្យ និងទប់ស្កាត់រហូតបានដកហូតសង្គ្រោះយកដីត្រឡប់មកវិញបានចំនួនជាង៧.០០០ហិកតាទុកសម្បត្តិរដ្ឋវិញ ហើយ ព្រមទាំងដាក់ទោសទណ្ឌដល់មេខ្យល់មួយចំនួនយ៉ាងក្តៅគគុកផងដែរ ។ ដោយឡែកទឹកដីខេត្តព្រះវិហារវិញ ក្នុង ថ្មីៗនេះ ស្រាប់តែបែកធ្លាយថា មានក្រុមជនឈ្លៀតឱកាសមួយក្រុមកំពុងតែបានដើរគៀងគរម្រមូលពលរដ្ឋឲ្យបង់ លុយឲ្យខ្លួនក្នុងម្នាក់២.០០០.០០០រៀល ជាថ្នូរខ្លួននឹងផ្តល់ដីលំនៅដ្ឋាន៤០គុណ១០០ម៉ែត្រ ព្រមទាំងដីចំការចំនួន៥ ហិកតា ទៀតផង ក្រោមហេតុផលពួកគេសំអាងថា គេមានច្បាប់សំណើសុំដីសម្បទានសង្គមកិច្ច៥១៨ គ្រួសារ លើ ទំហំដី៤១៨.៥៤២ហិកតា( សែបមួយម៉ឺនប្រាំបីពាន់ប្រាំរយសែសិបពីរហិកតា) ។ ក្នុងសំណើរសុំកាត់ឈ្វៀលនេះ ផងដែរ ពួកគេស្នើរជាក្រុមមានចំនួនសមាជិករហូតដក់ទៅ ៦៨នាក់ ស្មើរ៦៨គ្រួសារផងដែរ ដោយទីតាំងដីដែល ពួកគេអះអាង គឺស្ថិតក្នុងភូមិរលំស្នែង ភូមិតាសែង ឃុំរណសិរ្ស ស្រុកសង្គមថ្មី ខេត្តព្រះវិហារ ។

ដោយមានការមន្ទិលពីប្រជាពលរដ្ឋជាច្រើន ជាក់ស្តែងអង្គភាពសារព័ត៌មានបានសុំការបំភ្លឺពីរូបលោក គុណ សុខវុធ មេឃុំរណសិរ្ស លើព័ត៌មានការចែកដីសម្បទានទាំងឡាយនោះ ជាក់ស្តែងលោកមេឃុំបានបញ្ជាក់ថា រឿង នេះមិនមែនជាការពិតទេ និងសូមឲ្យបងប្អូនមានការប្រុងប្រយ័ត្នចំពោះការចាញ់បោកគេ រឿងលក់ដីមួយប្លង់ ២.០០០.០០០រៀល បានដីសង្គមលំនៅឋាន ៤០ គុណ ១០០ម៉ែត្រ ព្រមទាំងដីចំការ៥ហិកតា គឺមិនមានសោះ នោះទេ ។

លោកមេឃមរូបនោះបានបញ្ជាក់ច្បាស់ៗថា រឿងចែកដីនោះមិនមានទេ កន្លងមកអាណត្តិមុនមានសំណើយ៉ាង ចឹងមែន តែអាជ្ញាធរភូមិឃុំមិនបានអនុញ្ញាតឱ្យកើតមានទេ ហើយរឿងនេះក៏ស្ងប់ស្ងាត់មួយរយះទៅវិញ ។

លោកបញ្ជាក់ថា នៅក្នុងនាមអាជ្ញាធរឃុំ រូបលោកសុំអោយប្រព័ន្ធផ្សព្វផ្សាយជួយផ្សាយចែករំលែកព័ត៌មាននេះ ផង លោកគាំទ្រព្រោះមិនចង់អោយពលរដ្ឋលោកចាញ់បោកមេខ្យល់អស់លុយអស់កាក់ ហើយរូបលោកក៏សង្ឃឹម ថា តាមរយះប្រព័ន្ធផ្សព្វផ្សាយមួយនេះ អាចជួយជាដំណឹងដល់ពលរដ្ឋកុំអោយចាញ់បោកមេខ្យល់ទាំងនោះអី
លោកថា អារឿងសំណើសង្គមកិច្ចអីនោះ គឺមិនមានទេ ។


ទោះជាយ៉ាងណាក្តី សម្រាប់ព័ត៌មាននេះ អង្គភាពយើងសង្ឃឹមថា ថ្នាក់ដឹកនាំខេត្តព្រះវិហារអាចនឹងមានចំណាត់ ការស្រាវជ្រាវ និងចូលរួមអនុវត្ត៍តាមអនុសាសន៍ របស់សម្តេចមហាបវរធិបតី ហ៊ុន ម៉ាណែត ដើម្បីគ្រប់គ្រងដី រដ្ឋឱ្យមានប្រសិទ្ធភាពឡើងវិញ ព្រមទាំងដាក់ទោសទណ្ឌដល់ជនទាំងឡាយណា ដែកំពុងកាប់បំផ្លាញដីរដ្ឋចែកគ្នា ដោយខុសច្បាប់ ដោយប្រើរូបភាពបំភ័ណ្ឌភ្នែកផ្សេងៗគ្នា ៕