លោក ហួន ច័ន្ទថុន ប្រតិភូឧត្តមក្រុមប្រឹក្សា ពិគ្រោះនិងផ្តល់យោបល់ និងជាទីប្រឹក្សារាជរដ្ឋាភិបាលកម្ពុជា នៅក្នុង ឧិកាសដែលរូបលោកជួបសំណេះសំណាលជាមួយអង្គការមិនមែនរដ្ឋាភិបាលមួយកាលពីថ្ងៃទី២៥ ខែ ឧសភា ឆ្នាំ ២០២៤ ដែលមានគម្រោងជួយដល់ប្រជាពលរដ្ឋលើវិស័យកសិកម្មចិញ្ចឹមសត្វ។ លោកបានសំដែងនូវអំណរអរ គុណយ៉ាងជ្រាលជ្រៅបំផុតចំពោះបណ្តាអង្គការមិនមែនរដ្ឋាភិបាលទាំងអស់ ដែលមានបេះដូងស្រឡាញ់ប្រជាជាតិ របស់ខ្លួន ហើយតែងរកគ្រប់ចំណុចល្អៗមកបង្កើតជាគម្រោងយុទ្ធសាស្ត្រអភិវឌ្ឍន៍ប្រជាពលរដ្ឋរបស់ខ្លួន ។

លោក ហួន ច័ន្ទថុន បានបន្តថា កាលពីពេលកន្លងទៅរូបលោកបានចុះទៅខេត្តស្ទឹងត្រែង តាមការអញ្ជើញរបស់ អង្គការអភិរក្សបរិស្ថាន បឹងទន្លេ និងអភិវឌ្ឍន៍កសិកម្ម និងម្ចាស់កសិដ្ឋានចំការម្នាស់ទឹកឃ្មុំ ដែលបង្ហាញអំពីវិសាល ភាពទិសដៅរបស់ខ្លួនយ៉ាងល្អឥតខ្ចោះក្នុងការជួយផ្តល់ការងារទីផ្សារជូនប្រជាពលរដ្ឋលើកិច្ចការបណ្តុះគំនិតឲ្យប្រជាពលរដ្ឋដាំម្នាស់ទឹកឃ្មុំ ។ ការងារដ៏ល្អនេះ ប្រសិនបើអាចដំណើរការតាមគម្រោងបានពិតប្រាកដមែននោះ គឺ ឃើញថា គម្រោងអាចនឹងជួយដល់ប្រជាពលរដ្ឋបានច្រើនពាន់គ្រួសារ ។

ថ្មីៗនេះ អង្គការអភិរក្សបឹងទន្លេគ្រោងនឹងផ្តល់ពូជមាន់ស្រែដល់ប្រជាពលរដ្ឋចិញ្ចឹមរាប់ពាន់រាប់ម៉ឺនក្បាល ក្នុងវិ សាលភាពតាមទិសដៅបណ្តាខេត្តមួយចំនួន ដោយអង្គការបញ្ជាក់ថា ការលើកគម្រោងទាំងអស់នេះ គឺជាចំណុច មួយដែលអាចជួយសម្រួលដល់ការខ្វះខាតរបស់ពលរដ្ឋ ដែលពួកគាត់ត្រូវការសេដ្ឋកិច្ចបង្វិលក្នុងរយៈពេលខ្លី បើតាម ការរំពឹងទុកថា ប្រសិនបើគម្រោងនេះពលរដ្ឋទីទាល់ក្រគាត់បានដំណើរការអនុវត្តន៍ចិញ្ចឹម ច្បាស់ណាស់ការចិញ្ចឹម សត្វអាចនឹងជួយសេដ្ឋកិច្ចពលរដ្ឋបានច្រើន ។

ដោយឡែកអង្គការសហការការពារសម្បត្តិធនធានធម្មជាតិ ដែលដឹកនាំដោយរូបលោក ឡឹប វុឌ្ឍី ជាប្រធានអង្គ ការ ក៏បានបញ្ជាក់ថា អង្កការរបស់លោកក៏ចាប់ផ្តើមអនុវត្តន៍គម្រោងជួយដល់ប្រជាពលរដ្ឋដែលកំពុងជួបបញ្ហា សេដ្ឋកិច្ចមិនខុសពីអង្គការអភិរក្សបរិស្ថាន បឹងទន្លេ និងអភិវឌ្ឍន៍កសិកម្ម ដូចគ្នានោះដែរ ដោយពេលនេះអង្គការ របស់លោកក៏កំពុងបានកសាងសិក្សាគម្រោងឲ្យបានច្បាស់លាស់ ទើបសម្រេចចិត្តដំណើរការអនុវត្តន៍កិច្ចការ លើទិសដៅគម្រោង ជួយដល់ប្រជាពលរដ្ឋកសិករ។

លោក ហួន ច័ន្ទថុន បានបន្តថា ទោះជាយ៉ាងណាក្នុងនាមរូបលោកជាទីប្រឹក្សារាជរដ្ឋាភិបាលមួយរូប រូបលោក សូមអរគុណយ៉ាងជ្រាលជ្រៅចំពោះលោកប្រធានអង្គការទាំងពីរ ជាពិសេសនោះគឺការប្តេជ្ញាគាំទ្រយ៉ាងពេញទំ ហឹងរបស់អង្គការទាំងពីរ ចំពោះគម្រោងព្រែកជីកហ្វូណនតេជោ ដែលជាគ្រឹៈសសៃឈាមសេដ្ឋកិច្ចជាតិ គ្រោងនឹង ចាប់ដំណើការសាងសង់នាពេលឆាប់ៗ នេះ ។

ការកើតឡើងនៅ ព្រែកជីហ្វូណនតេជោ គឺជាការកើតឡើងនូវក្តីសង្ឃឹមដល់ប្រជារាស្ត្រខ្មែររាប់សិបលាននាក់ទូទាំង ប្រទេស ជាភាពកក់ក្តៅនិងជំនឿជឿជាក់យ៉ាងប្រាកដចិត្តមួយ ថាខ្មែរលែងពឹងដង្ហើមប្រទេសគេដកដូចពេលមុន ជាក់ស្តែងរាល់ផលិតផលកសិផលរបស់ខ្មែរដែលខ្មែរធ្វើបានអាចនាំចេញទៅបណ្តាប្រទេសសាម៉ី ដែលជាប្រទេស ទីផ្សារ ដោយពុំចាំបាច់ជ្រកក្រោមការសម្រេចចិត្តបណ្តាប្រទេសក្បែរខាងដូចពេលមុន ។

មួយវិញទៀត ការកើតឡើងនូវព្រែកជីកហ្វូណនតេជោ ក៏ជាការអភិវឌ្ឍន៍ប្រទេសដ៏ជឿនលឿនបំផុត ព្រោះវត្ត មានព្រែកជីក ហ្វូណនតេជោ ក្រៅពីអាចការពារបញ្ជៀសគ្រោះទឹកជំនន់ហើយនោះ គឺថែមទាំងអាចជួយរក្សា បាននូវប្រភពទឹកដែលអាចជួយស្រោចស្រប់កសិផលរបស់កសិករយ៉ាងច្រើនខេត្ត នៅពេលដែលអាកាសធាតុ រីងស្ងួតហួតហែង ទៀតផង ។

លោក ហួន ច័ន្ទថុន បញ្ជាក់ថា បន្ទាប់ពីមានព្រែកជីកហ្វូណនតេជោ ហើយផងនោះ នៅតាមបណ្តោយ ព្រែកក៏អាចនឹងមានការអភិវឌ្ឍន៍យ៉ាងជឿនលឿន ជាដេប៉ូ ជាផែស្ងួត ជារមណីយដ្ឋាន និងទីតាំងពាណិជ្ជកម្ម ជា ច្រើនទៀតសម្រាប់ដឹកជញ្ជូនទំនិញតូចធំ ដែលបង្កើតអោយមានទីផ្សារការងារជាច្រើនជូនពលរដ្ឋថែមទៀតផង រូបភាពទាំងអស់នេះហើយ សបញ្ជាក់យ៉ាងច្បាស់ថា ព្រែកជីកហ្វូណនតេជោ គឺជាដួងព្រលឹងអភិវឌ្ឍន៍ជាតិ ដែលយើងជាកូនខ្មែរ ចាំបាច់ត្រូវនិយាយថា យើងទាំងអស់គ្នាស្ថិតនៅក្នុងរជ្ជកាលសម័យកាលព្រែកជីកហ្វូណន តេជោ៕