កាលពីពេលថ្មីៗនេះ វត្តភ្នំទ័ពមានជ័យ ហៅ ក្អែកតុំ ដែលមានទីតាំងស្ថិត នៅឃុំស្តុក ស្រុកគងពិសី ខេត្តកំពង់ស្ពឺ
ត្រូវបានធ្វើពិធីសម្ពោធឧប្បដ្ឋានសាលា ក្រោមអធិបតីដ៏ខ្ពង់ខ្ពស់ព្រះសីលៈវង្ស ទេព ផាន ព្រះរាជាគណៈថ្នាក់ត្រី និងជាសមាជិកថេរៈសភាពុទ្ធសាសនា តំណាងឲ្យសម្តេចព្រះពោធិវ័ង្ស អំ លឹមហេង សម្តេចព្រះសង្ឃនាយកស្តីទី នៃព្រះរាជាណាចក្រកម្ពុជា ។

នៅក្នុងកម្មវិធីនេះ ក៏មានការអញ្ជើញចូលរួមពីសំណាក់ឯកឧត្តម ឃុត ឌីវឌ្ឍនា អនុប្រធានមន្ទីររដ្ឋបាលបញ្ជា ការដ្ឋានអង្គរក្ស និងលោកជំទាវ តូច សុខន ព្រមទាំងលោក ហន ពិសិទ្ធិ អភិបាល នៃគណៈអភិបាលស្រុក គងពិសី និងអាជ្ញាធរដែនដីកងកម្លាំងប្រដាប់អាវុធ គ្រប់ជាន់ថ្នាក់ទាំង៣ប្រភេទ និងលោកគ្រូ អ្នកគ្រូ សិស្សានុ សិស្ស ដោយបានចូលរួមជាច្រើនកុះករ ក្នុងកម្មវិធីបុណ្យឆ្លងនេះផងដែរ ។

ក្នុងឧិកាសនេះផងដែរ លោក ហន ពិសិទ្ធ អភិបាល នៃគណៈអភិបាលស្រុកគងពិសី បានមានមតិសំណេះសំ ណាល ទៅកាន់លោកយាយ លោកតា លោកគ្រូអ្នកគ្រូ សិស្សានុសិស្ស បងប្អូនប្រជាពលរដ្ឋ និងពុទ្ធបរិស័ទ ចូលរួមនៅក្នុងកម្មវិធីបុណ្យឆ្លងឧប្បដ្ឋានសាលា ដោយលោកអភិបាលមានមតិថា ការសាមគ្គីគ្នា រវាងព្រះចៅ អធិកា ព្រះគ្រូសូត្រស្តាំឆ្វេង និងអាចារ្យគណៈកម្មការចំណុះជើងវត្ត បានស្រុះស្រួលមូលមតិគ្នាជាឯកឆ័ន្ទជា ធ្លុងមួយ ក្នុងការកសាងសាលាឆាន់ ឧប្បដ្ឋានសាលាសភាយ៉ាងធំមួយនេះឡើង ។

នេះគឺជាសមិទ្ធផលមួយសម្រាប់ព្រះពុទ្ធសាសនា ដែលកើតចេញពីយើងទាំងអស់គ្នា ដែលជាសាវ័កនៃព្រះសម្មា សម្ពុទ្ធ ហើយក៏សង្ឃឹមថា សមិទ្ធផលមួយនេះ អាចនឹងជាម្លប់កាន់តែប្រសើរសម្រាប់យើងទាំងអស់គ្នាដែលជាប្រ ជាពុទ្ធបរិស័ទគោរពប្រតិបត្តិផងដែរ ៕