ចឹងហើយបានតែថា កុំគិតថានៅជាមួយព្រហើយព្រះជួយបានគ្រប់យ៉ាងណា យ៉ាងណាមិញប្រសិនបើខ្លួនជ្រុល គិតខុសសាងកំហុសដោយមិនគិតហើយនោះ ច្បាស់ណាស់កំហុសទាំងអស់នោះនឹងក្លាយជាស្រម៉ោលអន្ទោល តាមប្រាណតាមរំខានរហូតដល់ខ្លួនមានទោសទណ្ឌវិញមិនខាន ជាក់ស្តែងដូចជាមនុស្សជំនិតផ្ទាល់ព្រះអង្គ វន វាសី ចន្ទមុនី ដែលគេតែងបានឃើញលេចមុខលេចមាត់យ៉ាងច្រើននៅរាល់កម្មវិធីដែលព្រះអង្គមុនី ចុះប្រោសព្រំ មនុស្សសត្វយ៉ាងដូច្នោះដែរ ។

គួរបញ្ជាក់ថា កាលពីនៅវេលាម៉ោង៥និង២០នាទីល្ងាច ថ្ងៃទី១៧ ខែឧសភា ឆ្នាំ២០២៤ ដោយយោងតាមបទ ល្មើសជាក់ស្ដែង និងដោយព្រមទាំងបានការអនុញ្ញាតពីលោកឧត្តមសេនីយ៍ត្រី សាន្ត ប៊ុនថាន មេបញ្ជាការអាវុធ ហត្ថខេត្តកំពង់ឆ្នាំង កម្លាំងសមត្ថកិច្ចអាវុធហត្ថក្រុងកំពង់ឆ្នាំង បានធ្វើការឃាត់ខ្លួនជនសង្ស័យម្នាក់ឈ្មោះ ឌួង ច័ន្ទរតនៈ ភេទប្រុស អាយុ៣១ឆ្នាំ មុខរបរជាងថតរូប រស់នៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ខេត្ត កំពង់ឆ្នាំង ។

តាមការឲ្យដឹងផងនោះ ការចាប់ខ្លួនគឺបន្ទាប់ពីជនសង្ស័យខាងលើបានធ្វើសកម្មភាពរំលោភសេពសន្ថវៈទៅលើ ក្មេងស្រីជនរងគ្រោះម្នាក់អាយុ១៦ឆ្នាំ នៅនឹងផ្ទះជនសង្ស័យផ្ទាល់តែម្ដង។

បើតាមប្រភពជិតស្និតនឹងហេតុការណ៍ខាងលើនេះបានឱ្យដឹងថា មុនពេលកើតហេតុ ជនរងគ្រោះបានធ្វើដំណើរ ទៅផ្ទះជនសង្ស័យតែម្នាក់ឯង ដោយជនសង្ស័យជាអ្នកឆាតហៅឱ្យមកយកកន្សែងយ័ន្តការពារ ឆ្លៀតពេលឱកាស ស្ងាត់ល្អ ជនសង្ស័យក៏ចាប់រំលោភជនរងគ្រោះតែម្ដង។

នេះគឺជារឿងថ្មីល្បីពេញសង្គមម្តងទៀត ដែលមហាជនជាច្រើននិយាយថា បាននៅក្បែរជាមួយព្រះសង្ឃទេព វន វាសី ចន្ទមុនី ហើយ មិនគួរឡើយប្រព្រឹត្តខ្លួនពាលយ៉ាងចឹង តើអំណាចច្បាប់ និងអំណាចក្បែរអ្នកមានបុណ្យ ទីបំផុតលទ្ធផល ជនឆ្លៀតឧិកាសនេះមានវាសនារួចខ្លួនវិញ ឬក៏យ៉ាងណា៕