ក្លាយជារឿងថ្មី និងចាប់អារម្មណ៍យ៉ាងខ្លាំងពីសំណាក់បងប្អូនមហាជន អ្នកខ្លះក៏មានការបារម្ភថា ប្រទេសកំពុង ជួបនូវផលលំបាករឿងសេដ្ឋកិច្ចហើយ តើហេតុអ្វីបានជាអស់លោកអាជ្ញាធរឃុំស្រុកខេត្ត លោកមិនជួយមានចំ ណាត់ការហាមឃាត់ទប់ស្កាត់ខ្លះ ហេតុអ្វីបានជាសំណង់ផ្ទះខ្ទមរីកច្រើនអីក៏ច្រើនយ៉ាងនឹង ។

សេចក្តីរាយការណ៍ឲ្យដឹងថា ប្រជាពលរដ្ឋមកពីស្រុកបសេដ ខេត្តកំពង់ស្ពឺបាន នាំគ្នាមកសាងសង់ផ្ទះរស់នៅចំ ណីផ្លូវ ស្ថិតនៅភូមិត្រពាំងគ្រញូង ឃុំត្រពាំងគ្រញូង ស្រុកត្រាំកក់ ខណៈដែលគេទទួលព័ត៌មានថា រដ្ឋមានគ្រោង ពង្រីកផ្លូវ ដោយពលរដ្ឋមួយចំនួននោះបែរជានាំគ្នាមកធ្វើផ្លូវបែបអនាធិបតេយ្យ ក៏ព្រោះតែមានបំណងចង់បាន លុយពីរដ្ឋាភិបាល ដោះគោលនយោបាយឲ្យខ្លួនជាថ្នូពីការធ្វើផ្លូវ ។

ពលរដ្ឋមួយចំនួនបានសាងសង់ផ្ទះ និងខ្លះទៀតកំពុងគៀងគរគ្នាមកសាងសង់ផ្ទះយ៉ាងអនាធិបតេយ្យលើដីចំណី ផ្លូវនេះ ប៉ុន្តែគេមិនបានឃើញមានអាជ្ញាធរភូមិត្រពាំងគ្រញូង ឃុំត្រពាំងគ្រញូង ចុះមកហាមឃាត់ ឬក៏ទប់ស្កាត់ ការសាងសង់ទាំងអស់នោះទេ បែរជាទុកឧិកាសឲ្យក្រុមប្រជាពលរដ្ឋនាំគ្នាសាងសង់ផ្ទះបែបអនាធិបតេយ្យនោះ រហូតបានសម្រេចតាមបំណងពួកគេឲ្យយ៉ាងរលូនគ្រប់ៗគ្នា ។

សេចក្តីរាយការណ៍បន្តថា ផ្លូវមួយនេះគេនឹងពង្រីកឆាប់ៗនេះហើយ.. ហើយប្រសិនបើថ្ងៃខាងមុខរដ្ឋាភិបាលពិត ជាឈូសឆាយពង្រីកផ្លូវនោះ ច្បាស់ណាស់រដ្ឋាភិបាលពិតជាត្រូវដោះសំណងលុយកាក់ជាថ្នូឲ្យពលរដ្ឋទាំងអស់ នោះមិនខាន ទើបពួកគាត់បានគៀងគរបបួលគ្នាមកសាងសង់ជាខ្ទមៗលើដីចំណីផ្លូវ ជាប់នឹងផ្លូវជាតិនេះឲ្យបាន រួចមុនយ៉ាងតក់ក្រហល់បែបនេះ ។

បើតាមប្រភពច្បាស់ការណ៍បានឲ្យដឹងថា ពលរដ្ឋដែលជាម្ចាស់ផ្ទះខ្ទមនៅលើដីចំណីផ្លូវទាំងអស់នេះ គឺមិនមែន ជាប្រជាពលរដ្ឋគ្មានជម្រកឬផ្ទះសម្បែងនោះទេ ពលរដ្ឋទាំងអស់នោះគឺមានផ្ទះសម្បែងត្រឹមត្រូវ ស្ថិតនៅក្នុងភូមិ ត្រពាំងធ្នង់ ឃុំបសេដ ស្រុកបសេដ ខេត្តកំពង់ស្ពឺ ប៉ុន្តែការដែលពលរដ្ឋទាំងអស់នេះមកធ្វើផ្ទះខ្ទម ហើយព្រមទាំង
បានយកម្តាយយកឪពុកចាស់ៗមកនៅជាមួយនៅផ្ទះខ្ទមបណ្តោយផ្លូវនេះ គឺដើម្បីរង់ចាំស្រែកតវ៉ាជាមួយក្រុម ការងាររដ្ឋនៅពេលរដ្ឋាភិបាលពង្រីកផ្លូវ គឺពួកគេទាមទាសំណងតែម្តង ។

ទាក់ទិននឹងសំណង់ផ្ទះខ្ទមបែបអនាធិបតេយ្យនេះ ប្រជាពលរដ្ឋស្របច្បាប់រស់នៅមូលដ្ឋានក្នុងភូមិត្រពាំងគ្រញូង
បាននាំគ្នាសម្តែងការព្រួយបារម្ភថា នៅពេលដែលរដ្ឋពង្រីកផ្លូវឆាប់ៗនេះ ពលរដ្ឋអាណាធិបតេយ្យដែលមកពី ស្រុកបសេដ ខេត្តកំពង់ស្ពឺ ពិតជានាំគ្នាស្រែកឡើងអយុត្តិធម៌ណាស់ គេវាយផ្ទះខ្ញុំ គេរុះរើផ្ទះខ្ញុំ ដោយរដ្ឋធ្វើបាប មិនព្រមផ្តល់សំណងជូនពួកគាត់ ធ្វើឲ្យរដ្ឋាភិបាលឈឺក្បាលដោះស្រាយទៀតមិនខាន ដែលទាំងការពិតនោះ គឺពលរដ្ឋស្រុកបសេដ្ឋ ខេត្តកំពង់ស្ពឺ អ្នកដែលកំពុងគៀគរគ្នាមករស់នៅលើដីចំណីផ្លូវនេះ គឺជាការរស់នៅដោយ ខុសច្បាប់តែម្តង ។

ប្រភពព័ត៌មានជាច្រើនពីប្រជាពលរដ្ឋរស់នៅក្នុងភូមិត្រពាំងគ្រញូង ឃុំត្រពាំងគ្រូង ស្រុកត្រាំកក់ សំណូមពរដល់ ថ្នាក់ដឹកនាំអាជ្ញាធរគ្រប់ជាន់ថ្នាក់ សូមមេត្តាជួយមានចំណាត់ការចុះពិនិត្យទីតាំងខាងលើនេះផងទាន ព្រោះវា អាចជារឿងរដ្ឋខាតបង់ ហើយអាចជារឿងវិវាទរវាងពលរដ្ឋ និងអាជ្ញាធរ នាពេលខាងមុខមិនខាន ព្រោះបើមិន មានចំណាត់ការពិនិត្យឲ្យជាក់លាក់នោះទេ ។

សូមបញ្ជាក់ថា ទាក់ទិននឹងព័ត៌មានខាងលើនេះ អង្គភាពព័ត៌មានយើងមិនអាចទំនាក់ទំនងជាមួយអាជ្ញាធរ និង សមត្ថកិច្ចពាក់ព័ន្ធបាននៅឡើយទេ នៅមុនម៉ោងផ្សាយនេះ រាល់ព័ត៌មានទាំងឡាយណាដែលសាម៉ីស្ថាបន័មួយ ចំនួនអះអាងថា មិនសុក្រិតសម្រាប់ខ្លួន អាចទំនាក់ទំនងមកការិយាល័យយើងបាននៅរៀងរាល់ម៉ោងធ្វើការ ៕