ក្លាយជារឿងមិនអស់ចិត្តពសំណាក់មហាជនជាខ្លាំង ខណៈដែលពលរដ្ឋជាច្រើនសុទ្ធសឹងតែដឹងថា នៅក្នុងស្រុក សៀមប៉ាង ឈើល្អៗជាច្រើនត្រូវបានអស់ផុតរលត់ទៅហើយ ដោយគេដឹងយ៉ាងច្បាស់ថា គឺមានតែដែនអភិរក្ស ការពារឧទ្យានជាតិវិរៈជ័យតែប៉ុណ្ណោះដែលនោះសេសសល់ឈើ តែគេបានដឹងផងដែរថា ចំណុចអភិរក្សនេះ គឺមាន មន្ត្រីបរិស្ថានការពារយ៉ាងសកម្មណាស់ ពោលគឺសូម្បីតែវល្លិ័រមៀតក៏មន្ត្រីការពារនេះបង្ក្រាបដែរ ទើបក្លាយជា ចម្ងល់យ៉ាងចម្លែកដល់ពលរដ្ឋគិតមិនយល់ថា ចុះប្រភេទឈើល្អៗទាំងអស់នេះ តើអាចផុសចេញពីចំណុចណា ឬក៏រឿងដែលកន្លងមក គឺត្រឹមគ្រាន់តែជាការសំដែងនោះទេ ។

តាមសេចក្តីរាយការណ៍បានឲ្យដឹងថា ក្នុងស្រុកសៀមប៉ាង ក្រោយពីស្ងប់ស្ងាត់មួយរយះធំ ស្រាប់តែពេលនេះជំនួញ ឈើខុសច្បាប់ក្នុងទឹកដីស្រុកសៀមប៉ាងមួយនេះ បែរជាចាប់ផ្តើមកក្រើកឡើងវិញយ៉ាងសម្បើម ដោយគេដឹងថា មាន ក្រុមឈ្មួញចាំបញ្ជារទទួលទិញ និងបំផុសឲ្យពលរដ្ឌអា.រកាត់លក់ឲ្យពួកគេ យ៉ាងអនាធិបតេយ្យ ។

ករណីនេះដែរ ត្រូវបានប្រភពជាច្រើនបង្ហើបថា ឈ្មួញកំពុងបានដាក់ពង្រាយគ្នីគ្នាជាច្រើនទទួលរៀបចំគំនរឈើ ច្រើនម៉ែត្រគីបក្បែរៗផ្ទះពលរដ្ឋ តាមបណ្តោយច្រាំងទន្លេរ ភូមិចន្ទុ ភូមិកែងញ៉ៃ ត្រៀមចាំឧិកាសល្អឆ្លង ទូកដរ រត់កាត់ទន្លេរ ដើម្បីឡើងឡានលក់ចែកចាយតាមទីផ្សារតាមក្រុមឈ្មួញដែលកម្ម៉ង់ជាមុន ។

ជាក់ស្តែងការដាក់ពង្រាយឈើនេះ មើលទៅគឺដូចទីផ្សារបែបអនាធិបតេយ្យយ៉ាងអញ្ចឹង ដោយឡែកអស់លោក ជំនាញដែលតែងតែអួតអាងក្នុងការបង្ក្រាបវល្លិ៍រមៀតក្តី បង្ក្រាបឈើកំប៉ិចកំប៉ុកក្តី ប៉ុន្តែដល់ត្រង់អារឿងឈើជាច្រើន គំនរគរពាសពេញពេញក្រោមដើមឈើបែបនឹង គឺបែរជាស្ងាត់ស្ងៀមទៅវិញ ។

សម្រាប់ព័ត៌មានប្រភពរាយការណ៍នេះ អង្គភាពព័ត៌មានយើងមិនអាចទំនាក់ទំនងមន្ត្រីជំនាញដែលប្រចាំការបាន សោះនោះទេ ព្រោះតែមិនមានលេខទំនាក់ទំនង ៕