សេចក្តីរាយការណ៍មកថា ខណៈពេលនេះតំបន់ ស កំណប់ កំពុងក្លាយជាទីផ្សារចរាចរឈើយ៉ាងគគ្រឹកគ្រេង មិនមានការទប់ស្កាត់អីសោះតែម្តង បរិស្ថានដែនជម្រកព្រៃឡង់ទាំងពីរខេត្តក្រចេះនិងខេត្តកំពង់ធំ បើមើល តាមសកម្មភាពជាក់ស្តែង ហាក់រលូនក្នុងការបំពេញការងារខ្លាំងណាស់តែមិនដឹងថា ភាពសកម្មទាំងនោះធ្វើ ឡើងក្នុងគោលបំណងអ្វីអោយពិតប្រាកដនោះឡើយ ពីព្រោះថាអស់លោកបរិស្ថានកាន់តែមមាញឹក ស្រប ពេលសកម្មឈ្មួញឈើកាន់តែកើនធ្វើសកម្មភាពសម្រុកដឹកឈើទាំងយប់ថ្ងៃតែម្តង គេនៅមិនទាន់ឃើញមាន ការទប់នៅឡើយសោះទេ ។

បើយោងតាមការបង្ហើបប្រាប់មកកាន់អង្កភាពយើងអោយដឹងថា ចំណុច ដៃគគី អូរ ម្លួស ស្ទឹង ដំរី មាន បុគ្គល ម្នាក់ កំពុងតែកាក់កបក្នុងជំនួញលក់ដើមច្បោះជ័រក្នុងដែនព្រៃឡង់យ៉ាងសេរី ឯអ្នកទិញនោះទៀតសោតក៍មិន មែនអ្នកមកពីណាដែរ បើនិយាយពីតួនាទីការងារវិញ លោកមានសិទ្ធបិទបើកច្រក ចេញចរាចរបទល្មើស ព្រៃឈើ ពីក្រចេះ ចូលកំពង់ធំច្រក ចំណុចតំបន់ ស កំណប់នេះតែម្តង ។

សេចក្តីរាយការណ៍បញ្ជាក់បន្ថែមថា បុគ្គលដែលលក់ដើមច្បោះជ័រ នោះ ឈ្មោះ ចេង សុខ ទីលំនៅ ភូមិក្រាំង ឃុំ សុចិត្ត ស្រុក សណ្តាន់ ខេត្តកំពង់ ធំឯអ្នកទិញ ឈ្មោះ ថា ជានាយទាហ៊ាន ខេត្តកំពង់ធំ បើនិយាយពីតួនាទីវិញ ឈ្មោះថានេះជាអ្នកកាន់កាប់ច្រកក្នុងតំបន់ណឹង ចឹងមានអីត្រូវឆ្ងល់ទៀត បើអ្នកកាន់ច្រកជាអ្នកជួញឈើទៅ ហើយនោះ ជាក់ស្តែងដូចជាលោក លោក ឆៃ លោកនៅ លោកវុធ រិត លោក ម៉ូវ គឹម ហ៊ី ដែលជានាយទា ហានមួយរូបផងនោះ ក៏កំពុងបានប្រភពទម្លាយថា ជាប់ពាក់ព័ន្ធយ៉ាងខ្លាំងជាមួយបទល្មើសផងដែរ ។

សូមបញ្ជាក់ថា តាមរយៈប្រភពរាយការណ៍ខាងលើនេះ អង្គភាពព័ត៌មានយើងមិនអាចសុំការបំភ្លឺពីជំនាញពាក់ ព័ទ្ធបានសោះនោះទេ នៅមុនម៉ោងផ្សាយនេះ រាល់សាម៉ីស្ថាប័នទាំងឡាយណាដែលអះអាងថា ព័ត៌មាននេះ មិនសុក្រិតសម្រាប់ខ្លួនអាចទំនាក់ទំនងមកការិយាល័យនិពន្ធយើងបាន នៅរៀងរាល់ម៉ោងធ្វើការ ៕