ព្រះគ្រូហោ ម៉េង ខេង ព្រះរាជាគណៈថ្នាក់កិត្តិយស ជាទីប្រឹក្សាផ្ទាល់សម្ដេចព្រះមហាសុមេធាធិបតី កិត្តិ ឧទ្ទេសៈ បណ្ឌិត នន្ទ ង៉ែត សម្ដេចព្រះសង្ឃនាយក នៃព្រះរាជាណាចក្រកម្ពុជា ជាព្រះលេខាអនុគណស្រុកស្អាង ខេត្ត កណ្ដាល ជាព្រះចៅអធិការវត្តមហាសាគរកោះប្រាំរយ ហៅបឹងប្រាំរយ ឬក៏លោកតាប្រាំរយ ស្ថិតនៅក្នុងភូមិ គោកអណ្ដែត ឃុំស្អាតភ្នំ ស្រុកស្អាង ខេត្តកណ្ដាល សូមអំពាវនាវដល់ញាតិញោមពុទ្ធបរិស័ទ ចំណុះជើងវត្ត និងពុទ្ធបរិស័ទទីជិតឆ្ងាយ ទាំងក្នុងនិងក្រៅប្រទេស មេត្តាចូលរួមកសាងព្រះវិហារដែលបច្ចុប្បន្ននេះ ជាងកំពុងតែ ខិតខំប្រឹងប្រែងកសាងយ៉ាងដុតជើងដុតដៃ រហូតធ្វើឲ្យព្រះវិហារបានសម្រេចចេញជាលទ្ធផលបាន៨០%ហើយ ។

ព្រះគ្រូ ហោ ម៉េងខេង បានមានសង្ឃដេកាថា នៅពេលនេះព្រះវិហារកំពុងចាំបាច់ត្រូវការជំនួយសប្បុរសជន បន្ថែមដើម្បីបានបំពេញការខ្វះខាត ដោយព្រះអង្គសំណូមពរសុំពុទ្ធបរិស័ទចូលរួមជួយដូចជាជណ្ដើរ សសរ ពិដាន បង្អួច ទ្វារ គំនូរ ខ្សាច់ ស៊ីម៉ង់ត៍ ដែក ឥដ្ឋការ៉ូ និងចំណាយមួយចំនួនថ្លៃជាងផងដែរ ដោយចំណុចទាំង អស់នោះគឺជាសទ្ធាជ្រះថ្លាមួយ នៅពេលដែលញាតញោមចូលរួមគឺអាចជួយឲ្យព្រះវិហារមួយនេះ ធ្វើការកសាង បានឆាប់ និងបានធ្វើពិធីបញ្ចុះខណ្ឌសីមានៅថ្ងៃខាងមុខនេះ ។

ព្រះគ្រូ ហោ ម៉េងខេង បានមានសង្ឃដេកាបន្តទៀតថា ព្រះវិហារនៅវត្តមហាសាគរកោះប្រាំរយ បច្ចុប្បន្ននេះជាង កំពុងតែខិតខំប្រឹងប្រែង យកចិត្តទុកដាក់កសាងបាន៨០%ហើយ នៅសល់តែ២០%ទៀត គឺត្រូវបានរួចរាល់ជាស្ថា ពរ ទើបព្រះអង្គគ្រូអំពាវនាវ សុំញាតិញោមពុទ្ធបរិស័ទ នៅក្នុងស្រុកស្អាង ខេត្តកណ្ដាល និងញាតិញោមពុទ្ធបរិ ស័ទ តាមបណ្ដាខេត្តក្រុង និងរាជធានីខេត្ត សូមមេត្តាចូលរួមចាប់មគ្គផល តាមកម្លាំងសទ្ធាជ្រះថ្លារៀងៗខ្លួន ដើម្បី តម្កល់ទុកក្នុងព្រះពុទ្ធសាសនា ទុកជាអរិយទ្រព្យនាអនាគតជាតិនាពេលខាងមុខទៀត។

ព្រះអង្គបានមានសង្ឃកាបន្តថា ព្រះវិហារក្នុងវត្តនីមួយៗ គឺកសាងបានតែមួយដងទេ ហើយព្រះអង្គថាបច្ចុប្បន្ន នេះកំពុងតែខ្វះខាត បច្ច័យបើកឲ្យថ្លៃជាង ព្រមទាំងខ្វះខាតសម្ភារៈកសាងជាបន្តបន្ទាប់ ទើបព្រះអង្គអំពាវនាវ សុំឱ្យញាតិញោមពុទ្ធបរិស័ទ ទាំងជិតឆ្ងាយ ក្នុងនិងក្រៅប្រទេស មេត្តាចូលរួមកសាងព្រះវិហារវត្តមហាសាគរកោះ ប្រាំរយ ឲ្យបានគ្រប់ៗគ្នា ដើម្បីតម្កល់ទុកក្នុងព្រះពុទ្ធសាសនា និងជាកុសលផលបុណ្យសម្រាប់ជាតិនេះ និងអនាគត ជាតិរបស់យើងរៀងៗខ្លួន ៕