ជាការពិតណាសឆាកជីវិតមនុស្សអ្នកណាក៏ចង់រស់ប្រកបសេចក្តីសុខ និងភាពរីករាយដែរ ពោលតម្រូវការរបស់ មនុស្សបានជាខ្លាំងនោះ គឺជួយឲ្យក្រុមគ្រួសារបានញាំឆ្អែត គេងឆ្អែត និងការចាយវាយលុយកាក់ប្រកបដោយ ភាពសមរម្យដូចគេឯងប៉ុណ្ណោះ យ៉ាងណាមិញដូចជាបងប្អូនកម្មករ កម្មការនី ដែលខិតខំចំណាយកម្លាំងស្ទើរតែ អស់ពីខ្លួនរៀងរាល់ថ្ងៃ ក៏គ្មានប្រាថ្នាអ្វីធ្វើជាសេដ្ឋី មន្តី្រ ឧកញ៉ា មហិច្ឆតាដូចបុគ្គលមួយចំនួននោះដែរ គឺបេះដូង របស់ពួកគាត់គ្រាន់តែចង់បានឲ្យក្រុមគ្រួសារបានគេងឆ្អែត ញាំឆ្អែត រស់នៅបែបសុភមង្គលកុំឲ្យរងគ្រោះអត់ ឃ្លាន នោះជាក្តីបំណងរបស់ពួកគាត់ទៅហើយ ប៉ុន្តែក្តីសង្ឃឹមរបស់មនុស្សវាមិនដូចទេវតាគិតនោះទេ ក៏ព្រោះ តែបងប្អូនកម្មករ កម្មការនីមួយចំនួនខិតខំប្រឹងប្រែងលើការងារអស់ពីចិត្ត តែនៅមានហានីភ័យព្រោះតែថៅកែ ក្រុមក្រុមរោងចក្ររត់ចោលមិនទទួលខុសត្រូវលើការលះបង់របស់ពួកគាត់ ។

តាមសេចក្តីរាយការណ៍បានឲ្យដឹងថា នៅថ្ងៃទី១២ ខែមីនា ឆ្នំា២០២៤នេះ កម្មករជាច្រើនបានបន្តបិទផ្លូវនៅ មុខក្រុមហ៊ុនរោងចក្រY&W នេះ ទាមទាឲ្យមានភាពទំនួលខុសត្រូវ ខណៈថៅកែបានរត់ចោលរោងចក្រ កាល ពីពេលកន្លងមកនេះ ។ ការបិទផ្លូវធ្វើកូដកម្មទាមទាតវ៉ា ដែលមានចំនួនកម្មករប្រហែល៤០០៩នាក់ ក្នុងនោះ ស្រី២៦៣៦នាក់ នេះបើតាមប្រភពរាយការណ៍ពីសហព័ន្ធសហជីពសេរីដើម្បីកម្មករខ្មែរ ខាងមុខរោងចក្រY&W ។

ប្រភពព័ត៌មានបានបញ្ជាក់ថា ករណីនេះត្រូវបាននគរបាលចុះអន្តរាគមន៍ ក្រោយប្រជាពលរដ្ឋរាយការណ៍មក កាន់សមត្ថកិច្ច Hotline ១១៧ ហើយក្រុមការងារមជ្ឈមណ្ឌលប្រចាំបញ្ជា នៃអគ្គស្នងការដ្ឋាននគរបាលជាតិបាន ទទួលព័ត៌មាន ករណីនេះផងដែរ ដែលមានទីតាំងស្ថិតនៅផ្លូវ២១៧ ភូមិព្រៃជ្រៃ សង្កាត់ស្ពានថ្ម ខណ្ឌដង្កោ រាជ ធានីភ្នំពេញ ។

ទោះជាយ៉ាងណា ក្រសួងការងារ បានសម្រេចប្តឹងក្រុមហ៊ុន វ៉ាយ & ដាប់បែលយូ ហ្គាមិន ទៅតុលាការ ដើម្បីស្នើ សុំដីការចាត់ចែងរក្សាការពារទ្រព្យសម្បត្តិ ដើម្បីអាចមានលទ្ធភាពទូទាត់ប្រាក់ឈ្នួល និងអត្ថប្រយោជន៍ផ្សេងៗ ជូនកម្មករនិយោជិត។

ទាក់ទិននឹងព័ត៌មាននេះ មតិសាធារណៈជនជាច្រើនលើកឡើងថា ក្រសួងជួយពិនិត្យនិងសម្រួលដល់ភាពលំបាក របស់បងប្អូនកម្មករឲ្យបានច្រើនផង ករណីម្ចាស់រោងចក្ររង់ចោល វាគឺជាហានីភ័យខ្លាំងណាស់សម្រាប់បងប្អូន កម្មករ ក៏ព្រោះថា បន្ទាប់ពីពួកគាត់ខាតបង់លុយកាក់លើកម្លាំងពលកម្មដែលខិតខំកន្លងមកហើយនោះ ហើយ ប្រាក់បំណាច់ផ្សេងៗ ក៏មិនទទួលបានផងដែរ ៕