បើយោងតាមបងប្អូនអ្នកសារព័ត៌មានជាច្រើនអង្គភាព បានតាមផ្ដិតយករូបភាពនៃសកម្មភាពក្រុមរថយន្ត សាំយ៉ុងដឹកបទល្មើសព្រៃឈើបន្តកន្ទុយគ្នាយ៉ាងរលូន។ ក្នុងរយៈពេលប៉ុន្មានថ្ងៃចុងក្រោយនេះ គេតែងសង្កេត ឃើញថាមានរថយន្តសាំយ៉ុងជាច្រើនគ្រឿងបានសម្រុកដឹកជញ្ជូនផលអនុផលព្រៃឈើទាំងនេះ ប្រហែលជា មានការបើកភ្លើងខៀវពីសំណាក់ មន្ត្រីសមត្ថកិច្ចធំៗក្នុងស្រុកស្នួល ហើយមើលទៅ.? ទើបពុំមានការទប់ស្កាត់ និងបង្ក្រាប ជាហេតុនាំឲ្យឈ្មួញរកស៊ីបទល្មើសបានចិត្តហើយធ្វើសកម្មភាពយ៉ាងគឃ្លើបែបនេះ ?

ជាក់ស្ដែង: នៅយប់ថ្ងៃទី ៧ កម្ភះ ឆ្នាំ ២០២៤ ក្រុមបងប្អូនអ្នកសាព័ត៌មានជាច្រើនអង្គភាព បានប្រទះឃើញ ក្បួនរថយន្តសាំយ៉ុងដឹកជញ្ជូនផលអនុផលព្រៃឈើ ក្រុមយាយ 90 (យាយកៅសិប) បានដឹកជញ្ជូនបទល្មើស ចេញពីចំណុច ស្ពានដែក ១១៥ ឃុំក្រញូងសែនជ័យ ស្រុកស្នូល ខេត្ដក្រចេះ ភ្លាមនោះ ដោយឃើញសកម្មភាព ក្រុមឈ្មួញកំពុងតែធ្វើចរាចរណ៍ដោយមិនកើតញញើតពីសំណាក់មន្ត្រីអនុវត្តច្បាប់ បងប្អូនអ្នកសារព័ត៌មាន ក៏បានខលទៅលោក សីហា គណៈបញ្ជាការឯកភាពស្រុកស្នួល ជាច្រើនដងតែគាត់មិនទទូលទូរស័ព្ទ បន្ទាប់ មកក៏បានខលទៅប៉េអឹមផ្ទៃប្រទេស រហស្សនាម ហៅ (បង 15) ជាច្រើនដងដែរគាត់ក៏មិនលើកទូរស័ព្ទទៀត ជាចុងក្រោយក្រុមការងារបងប្អូនអ្នកសារព័ត៌មាន ក៏ដូចជាបងប្អូនប្រជាពលរដ្ឋទាំងអស់ សូមសំណូមពរ ឯកឧត្តម សៅ សុខា មេបញ្ជាការកងរាជអាវុធហត្ថលើផ្ទៃប្រទេស ជួយមានវិធានការទៅដល់មន្ត្រីក្រោមឱវាទ ផងទាន។

ដោយមើលឃើញពីភាពអសកម្មរបស់មន្ត្រីសមត្ថកិច្ចមួយចំនួនតូច ដែលមានតួនាទីធ្វើការទប់ស្កាត់និងបង្ក្រាប បទល្មើសព្រៃឈើ និងបទល្មើសផ្សេងៗក្នុងដែនគ្រប់គ្រងរបស់ខ្លួន! ហើយបែរជាបណ្ដែតបណ្ដោយឲ្យក្រុមរកស៊ី បទល្មើសព្រៃឈើធ្វើព្យុះធ្វើភ្លៀងស្រេចតែចិត្តបែបនេះ(ជាពិសេស) មន្ត្រីជំនាញរដ្ឋបាលព្រៃឈើ និងស្នាក់ការ កងរាជអាវុធហត្ថតាមបណ្ដោយដងផ្លូវជាតិ ទាំងនោះប្រហែលជាត្រូវថ្នាំសណ្តំហើយមើលទៅ? ទើបបណ្ដោយ ឱ្យរថយន្តសាំយ៉ុងជាច្រើនគ្រឿង សម្រុកដឹកឈើ ធ្វើចរាចរណ៍តាមបណ្ដោយផ្លូវជាតិលេខ 7.A . ឆ្លងកាត់ស្រុក ស្នួល កាត់ស្នាក់ការទៅយ៉ាងរលូន និងដាក់បន្តទៅខេត្តត្បូងឃ្មុំ និងខេត្តកំពង់ចាម ព្រៃវែង ជាដើម ។ល។

ចម្ងល់ពលរដ្ឋថាតើ មន្ដ្រីសមត្ថកិច្ចឈរជើងប្រចាំការតាមសង្កាត់រដ្ឋបាលព្រៃឈើ និងស្នាក់ការកងរាជអាវុធហត្ថ ប្រហែលជាបានទទួលបានលាភសក្ការៈ ពីក្រុមឈ្មួញហើយមើលទៅ.? បានជាបញ្ហាទាំងនេះអស់លោកធ្វើមិន ដឹងមិនឮបែបនេះទៅវិញ .? ហើយនាពេលកន្លងមក បើទោះបីជា គណៈបញ្ជាការឯកភាពខេត្ត និងគណៈបញ្ជា ការឯកភាពស្រុកនីមួយៗ បានធ្វើការប្រជុំម្ដងៗ ឯកឧត្តម គណៈបញ្ជាការឯកភាពខេត្ត តែងតែដាស់តឿនក្រើន រំលឹក ទៅដល់មន្ត្រីក្រោមឱវាទឲ្យធ្វើការបង្ក្រាបរាល់បទល្មើសព្រៃឈើ តាមគ្រប់បណ្ដាស្រុក ដើម្បីទប់ស្កាត់បទ ល្មើសគ្រប់រូបភាព។ តែផ្ទុយទៅវិញមន្ត្រីទាំងអស់នោះបានយកបទបញ្ជារបស់ឯកឧត្តមអភិបាលខេត្ត ទៅជាន់ ឈ្លីហើយទ្រាប់គូទអង្គុយទៀតហើយមើលទេ.?? ។

ជុំវិញនៃការផ្សព្វផ្សាយព័ត៌មានខាងលើនេះ គេហទំព័រយើងខ្ញុំគ្រាន់តែរិះគន់ក្នុងន័យស្ថាបនាតែប៉ុណ្ណោះដោយ ពុំមែនចេតនាណាមួយរិះគន់ដើម្បីជាន់ពន្លិចនោះទេ។ គេហទំព័រយើងខ្ញុំរង់ចាំទទួលស្វាគមន៍ក្នុងការបកស្រាយ ជូន បើសិនជាមានសមីជនណា គិតថាការផ្សព្វផ្សាយទាំងនេះ គឺជាព័ត៌មានមិនពិត មិនសុក្រឹត និងយុត្តិធម៌ សម្រាប់១ខ្លួនទេនោះយើងខ្ញុំរង់ចាំទទួលស្វាគមន៍ក្នុងការបកស្រាយបំភ្លឺជូនរៀងរាល់ម៉ោងធ្វើការ ៕