នៅថ្ងៃសៅរ៍ ៦រោច ខែមិគសិរ ឆ្នាំរោងឆស័ក ព.ស ២៥៦៨ ត្រូវនឹងថ្ងៃទី២១ ខែធ្នូ ឆ្នាំ២០២៤ ឯកឧត្តម បណ្ឌិត ហែម ប្រសើរ ប្រធានក្រុមចុះជួយកសាងពង្រីកសមាជិកគណបក្សរាជធានី-ខេត្ត និងជាទីប្រឹក្សា របស់សម្ដេចអគ្គ មហាសេនាតេជោ ហ៊ុន សែន ប្រធានគណបក្សប្រជាជនកម្ពុជា ចុះមកទទួលបេក្ខភាពក្រុមប្រឹក្សា ឃុំនិងភ្នាក់ងារ សង្កេតការណ៍មកពីគណបក្សភ្លើងទៀន និងអតីតគណបក្សសង្គ្រោះជាតិ ១៦នាក់ ។ សកម្មជនគណបក្សដែល បានចូលរួមជីវភាពនយោបាយជាមួយគណបក្សប្រជាជនកម្ពុជា ស្ថិតនៅ ឃុំតាលន់ និង ឃុំប្រាសាទ ស្រុកស្អាង ខេត្តកណ្តាល ដោយបានសុំលាឈប់ និងផ្ដាច់ខ្លួនចេញពីគណបក្សប្រឆាំង ចាប់ពីពេលនេះតទៅ និងសូមចូលរួម រស់ជីវភាពនយោបាយជាមួយគណបក្សប្រជាជនកម្ពុជា ក្រោមការដឹកនាំរបស់សម្ដេចតេជោ ហ៊ុន សែន ប្រធាន គណបក្សប្រជាជនកម្ពុជា និង សម្ដេចអធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ៕