មួយរយះខ្លីថ្មីៗនេះការចរាចរណ៍គ្រឿងញៀន ការបង្ក្រាបគ្រឿងញៀន មានសកម្មភាពបន្តបន្ទាប់ ហាក់បីដូចជា ភ្លៀងរលឹមយ៉ាងចឹង ក្នុងនោះមានករណីជនជាតិឡាវ កាលពិថ្ងៃ ទី៩ វិច្ឆិការ ២០២៤ ជំនាញមិនទាន់បន្តនីតិវិធីចប់ ផង ស្រាប់តែពេលនេះមកដល់ករណីថ្មី ជនជាតិចិននាំគ្រឿងញៀនចូលមកដោយខុសច្បាប់ ត្រូវបានជំនាញបង្ក្រាប បានបន្ថែមទៀត ។

គួររំលឹកថា កាលពីថ្ងៃទី១១ ខែវិច្ឆិកា ឆ្នាំ២០២៤ វេលាម៉ោង១៧ និង២៧នាទី កម្លាំងជំនាញ នៃអធិការដ្ឋាននគរ បាលស្រុកបុរីអូរស្វាយសែនជ័យ សហការជាមួយកម្លាំងជំនាញការិយាល័យនគរបាលប្រឆាំងគ្រឿងញៀន និង កម្លាំងវរៈសេនាតូចការពារព្រំដែនគោក៧០១ បានឃាត់ខ្លួនជនសង្ស័យ ០១នាក់ ភេទប្រុស ជនជាតិចិន នៅចំណុច គោលដៅត្រួតពិនិត្យផ្លូវបំបែកចូលភូមិអូរស្វាយ ស្ថិតនៅក្នុងភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង រកឃើញវត្ថុតាងជាគ្រឿងញៀន ចំនួន ១២ដុំ និងសារធាតុមិនច្បាស់ ក្រោមការដឹកនាំសម្របសម្រួល ពីលោក ស៊ិន សុហឹង ព្រះរាជអាជ្ញារង សាលាដំបូងខេត្តស្ទឹងត្រែង។

ជនសង្ស័យចំនួន០១នាក់ ភេទប្រុស ជនជាតិចិន មានឈ្មោះដូចខាងក្រោម ឈ្មោះ PAN ZHENGJiAN ភេទប្រុស ថ្ងៃ ខែឆ្នាំកំណើត ២២ ខែ០៤ ឆ្នាំ១៩៩១ ជនជាតិចិន ទីកន្លែងបច្ចុប្បន្នប្រទេសចិន ប្រើលិខិតឆ្លងដែនលេខ EH7295636
វត្ថុតាងចាប់យករួមមាន: គ្រឿងញៀនប្រភេទមេតំហ្វេតាមីនគ្រាប់ (WY) ចំនួន ១២ដុំ ទម្ងន់សុទ្ធ ២គីឡូ និង ២៣១ .៥៩ក្រាម សារធាតុមិនច្បាស់ ប្រភេទទឹកខ្មៅចំនួន ២១ដប សារធាតុមិនច្បាស់ប្រភេទពណ៌ទឹកតែ០១ដប សារធាតុ មិនច្បាស់ប្រភេទម្សៅម៉ត់ស ០១ធុងសម្ភារចាប់យករួមមាន:ម៉ូតូ ០១គ្រឿង ទូរស័ព្ទដៃចំនួន ០២គ្រឿងលិខិតឆ្លងដែន ០១ក្បាល ៕