លោកនួន ផារ័ត្ន មានប្រសាសន៍បែបនេះនៅក្នុងឱកាសដែលលោកនិង លោកជំទាវ ព្រមទាំងអ្នកមុខអ្នកការ ស្រុក ស្ទោង ខេត្តកំពង់ធំ ព្រះគ្រូចៅអធិការ លោកអាចារ្យ គណកម្មការ អាជ្ញាធរមូលដ្ឋាន និមន្តនិងអញ្ជើញជាអធិបតី ក្នុងពិធីបិទការ ប្រណាំងទូកលក្ខណៈប្រពៃណីរក្នុងបរិវេន វត្តករណីដើម ឃុំកំពង់ចិនត្បូង ស្រុកស្ទោង នារសៀល ថ្ងៃទី៥ ខែតុលា ឆ្នាំ២០២៤ កន្លង ទៅនេះ ។

ក្នុងឧិកាសនោះដែរ លោកអភិបាល បានពាំនាំការផ្តាំផ្ញើសួរសុខទុក្ខ ពីសំណាក់សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រី ដល់ក្រុមការងារមូលដ្ឋានស្រុកស្ទោង ក៏ដូចជាក្នុងអង្គពិធីទាំងមូល ជានិច្ចជាកាល សម្ដេចនិងលោក ជំទាវតែងតែគិតគូរយកចិត្តទុកដាក់ដល់សុខខមាលភាពពុកម៉ែបងប្អូនប្រជាពលរដ្ឋ គ្រប់ៗគ្នា ក្នុងនោះសម្តេចមហា បវរធិបតី លោកបានផ្តល់ជាអំណោយឧបត្ថម្ភដល់កីឡាករ ចំណុះទូកទាំង៤៧ ទូកនៅគ្រឿងឧបភោគបរិភោគ មួយ ចំនួន ព្រមទាំងថវិការ២០ម៉ឺនរៀល អំណោយទាំងនេះតាមរយៈលោកអភិបាលខេត្ត កំពង់ធំ ។

ឆ្លៀតនៅក្នុងឱកាសនោះផងដែរ លោកអភិបាលខេត្តបានបញ្ជាក់បន្ថែមថា ការអ៊ុំទូកប្រណាំងលក្ខណៈប្រពៃណី របស់អ្នកស្រុកស្ទោង គឺជាការចូលរួមរក្សាប្រពៃណី វប្បធម៌ទំនៀមទំលាប់ខ្មែរផងដែរ ៕