ក្លាយជារឿងអត់យល់ពីសំណាក់មហាជនយ៉ាងខ្លាំង ខណៈដែលគេបានឃើញថ្នាក់ដឹកនាំរាជរដ្ឋាភិបាលច្រើន អាណត្តិតែងបានឲ្យតម្លៃទៅលើស្ថាប័នអ្នកសារព័ត៌មាន ហើយទាមទាសុំឲ្យគ្រប់ស្ថាប័នរដ្ឋទាំងអស់ត្រូវសហ ការឲ្យបានល្អជាមួយអ្នកសារព័ត៌មាន ដើម្បីបានអភិវឌ្ឍន៍ចំណុចដែលខ្លួនមិនបានដឹងនោះ ឲ្យកាន់តែមានប្រ សិទ្ធិភាពខ្ពស់ ។ ជាក់ស្តែងផងនោះ ការផ្តាំផ្ញើទាំងអស់នោះ គឺគេបានឃើញតាំងតែពីអាណត្តិសម្តេចតេជោ រហូតមកដល់សម្តេចហ៊ុន ម៉ាណែត ដែលគេបានឃើញយ៉ាងច្បាស់ថា នៅក្រោយពេលមានការសហការយ៉ាង ល្អររវាងស្ថាប័នអ្នកសារព័ត៌មាន គឺភាពអសកម្មជាច្រើនត្រូវបានកែលំអរ គួឲ្យចាប់អារម្មណ៍ ។

ដោយឡែកតែពេលថ្មីៗនេះ ក្នុងទឹកដីឃុំអូរគ្រៀង ដែលមហាជនកំពុងចាប់អារម្មណ៍យ៉ាងខ្លាំង ថាសំបូររឿងរ៉ាវ បទល្មើសឈើផងនោះ ស្រាប់តែគេបានឃើញរូបលោក កែវ បូផា ដែលជាមេឃុំអូរគ្រៀង បែរជាបានបោះសម្តី ឲ្យពេញៗក្រអូមមាត់ថា បើពលរដ្ឋខ្លួនមានទុក្ខលំបាកកុំឲ្យពឹងអ្នកកាសែត ព្រោះអ្នកកាសែតគឺអត់ប្រយោជន៍ ហើយជាក់ស្តែងសម្តីរបស់លោកមេឃុំរូបនេះក៏កំពុងបានក្លាយជាការចាប់អារម្មណ៍ពីសំណាក់មហាជនខ្លាំងៗតែម្តង ថាម៉េចបានជាលោកមេឃុំវាយប្រហារស្ថាប័នអ្នកកាសែតចឹង តើមានអាថ៍កំបាំងអីទៅនរ៎... ។

សំដីដ៏សែនចាក់ដោតរបស់លោក កែវ បូផា មេឃុំអូរគ្រៀង ស្រុកសំបូរ ខេត្តក្រចេះ គឺក្នុងរូបលោកនាំយកអំ ណោយផ្ទាល់ខ្លួនរបស់លោកចែកជូនពលរដ្ឋខ្លួន ដោយក្នុងនោះមានអង្ករ១០គីឡូ សារ៉ុង១ និងថវិការ៥០០០ រៀល ។

ទោះជាយ៉ាងណា អង្គភាពព័ត៌មានយើង នៅមិនអាចទំនាក់ទំនងសុំការបំភ្លឺពីរូបលោកកែវ បូផា មេឃុំអូរគ្រឿង ជុំវិញមូលហេតុដែលនាំឲ្យរូបលោកប្រកាសក្តែងៗថា អ្នកកាសែតអត់ប្រយោជន៍ បាននោះទេក្នុងថ្ងៃនេះ ៕