ថ្មីៗនេះ គេបានឃើញផ្ទៃមេឃចាប់ផ្តើមដំណើរការបង្អោរទឹកភ្លៀងធ្លាក់យ៉ាងខ្លាំង គឺទៅតាមទំនាមទំលាប់នៃរដូវ វស្សាដូចរាល់ឆ្នាំនៅ ស្របពេលដែលមានការជូនដំណឹងរបស់ក្រសួងធនធានទឹក និងឧតុនិយម កាលពីពេលថ្មី ៗនេះផងដែរ ជាក់ស្តែងកាលពីពេលថ្មីៗនេះ ក៏មានការធ្លាក់ភ្លៀងយ៉ាងជោគជាំនៅចំណុចស្ពានអូរគគីរ(ចន្លោះ គីឡូម៉ែត្រ106 - 107) ត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ដែលការជន់លិចដោយ អំណាចទឹកភ្លៀងនេះ ក៏បានបង្កធ្វើឲ្យមានការផ្អាកចរាចរណ៍ជាបណ្តោះអាសន្នកាលពីយប់ថ្ងៃទី២៨ កក្កដា នេះផងដែរ ។

ករណីសញ្ញានៃការមកដល់នារដូវវស្សាទឹកជំនន់នាពេលឆាប់ៗនេះ លោក ហួន ច័ន្ទថុន ប្រធានគណបក្ស ខ្មែរអភិវឌ្ឍន៍សេដ្ឋកិច្ច បានលើកឡើងថា ពេលនេះគឺជាពេលដែលបងប្អូនគ្រប់រូបត្រូវប្រុងប្រយ័ត្នទាំងសុខភាព និងទ្រព្យសម្បត្តិរបស់បងប្អូនគ្រប់រូបទៀតហើយ ក៏ព្រោះថា ទោះជាយ៉ាងណាមិនថា ប្រទេសណានោះឡើយ បើដល់ពេលដល់រដូវទឹកជំនន់ហើយនោះ ច្បាស់ណាស់គឺប្រាដកជាជួបនូវបញ្ហាខាតបង់ ដូចៗគ្នាមិនខាន ។

លោក ហួន ច័ន្ទថុន បានលើកឡើងថា ប៉ុន្មានឆ្នាំនេះ នៅក្រោយមាតុភូមិនៃយើងឆ្លងផុតរដូវកីវីដ១៩ ហើយនោះ ទោះយ៉ាងណាយើងឃើងថា សេដ្ឋកិច្ចជីវភាពរបស់បងប្អូនពលរដ្ឋយើងភាគច្រើននៅមិនទាន់អាចទទួលបានភាព ល្អប្រសើរបាននៅឡើយទេ ក្នុងនោះតាមអ្វីដែលរូបលោកមើលឃើញ បងប្អូនពលរដ្ឋយ៉ាងច្រើនសុទ្ធតែតម្រូវការ ខ្ចីមីក្រូហិរញ្ញវត្ថុ និងធនាគារយកមកធ្វើជាទុនក្នុងការស្វែងរកកម្រៃមកស្តារ និងកែខៃបំណុលនិងការខាតបង់ ចាស់ៗកន្លងមក ជាក់ស្តែងហើយការខ្ចីនាពេលបច្ចុប្បន្ននេះ ក៏រមែងចាំបាច់ត្រូវការស្វែងរកលុយកាក់ដើម្បីបង់ ការប្រាក់ប្រចាំខែ ជូនមេក្រូហិរញ្ញវត្ថុ និងធនាគារដូចពេលមុនៗផងដែរ ដែលហេតុផលទាំងនេះហើយ ចាំ បាច់ត្រូវតែជម្រុញឲ្យប្រជាពលរដ្ឋត្រូវប្រឈមនិងបញ្ហាមួយថ្មី គឺគ្រោះធម្មជាតិ ដែលនិងអាចកើតមាននាពេល ខាងមុខតែម្តង ។

ប្រធានគណបក្សខ្មែរអភិវឌ្ឍន៍សេដ្ឋកិច្ច លោក ហួន ច័ន្ទថុន បានបន្តថា រូបលោកសង្ឃឹមថា ក្នុងឆ្នាំនេះអាកាស ធាតុ មិនមានផលអាក្រក់ដូចឆ្នាំមុនៗ ជាពិសេសអំណាចឥទ្ធិពលនៃគ្រោះធម្មជាតិ ក៏មិនកើតឡើងលើទឹកដី របស់ដូចឆ្នាំមុនៗផងចុះ ព្រោះប្រសិនបើកើតមាន រឿងរ៉ាវអកុសល នៃផ្នែកឥណ្ឌទាន ទាំងមីក្រូហិរញ្ញវត្ថុ និងទាំងសេដ្ឋកិច្ច ពលរដ្ឋពិតជាត្រូវប្រឈមមុខដាក់គ្នាមិនខាន ៕