នៅថ្ងៃទី១៣ ខែមិថុនា ឆ្នាំ២០២៣នេះ គេបានឃើញគណបក្សខ្មែរអភិវឌ្ឍន៍សេដ្ឋកិច្ច បានចេញសេចក្តីញត្តិគាំ ទ្ររបស់ខ្លួនមួយ លើអនុសាសន៍លើកឡើងនូវប្រមុខរាជរដ្ឋាភិបាលកម្ពុជាដែលទាមទាឲ្យមានវិសោធនកម្មច្បាប់ ស្តីពីការបោះឆ្នោត ក្នុងន័យបញ្ជាក់អំពីសិទ្ធិអ្នកឈរឈ្មោះឲ្យគេបោះឆ្នោត ។ បើតាមខ្លឹមសារញត្តិ របស់គណ បក្ស គឺមានន័យថាមនុស្សគ្រប់រូបមុននឹងបោះជំហានឈានជើងឈរឈ្មោះឲ្យគេបោះឆ្នោត គប្បីបំពេញកាតព្វ កិច្ចរបស់ខ្លួនធ្វើជាប្រជាពលរដ្ឋគំរូសម្រាប់សង្គម គឺចូលរួមឈរឈ្មោះឲ្យគេបោះឆ្នោតជាមុនសិន ។

ក្នុងនោះដែរបើតាមប្រសាសន៍ប្រធានគណបក្សខ្មែរអភិវឌ្ឍន៍សេដ្ឋកិច្ចលោក ហួន ច័ន្ទថុន បានឲ្យដឹងថា ការ សម្រេចរបស់រាជរដ្ឋាភិបាលនេះ គឺវាជាការល្អណាស់ ក៏ព្រោះថា ការកំណត់បែបនេះ គឺជាការធ្វើឲ្យបុគ្គលអ្នក នយោបាយ ដែលជាអ្នកឈរឈ្មោះឲ្យគេបោះឆ្នោតនោះ គឺចាំបាច់ត្រូវតែមានភាពទទួលខុសត្រូវលើខ្លួនឲ្យបាន ល្អជាមុន ជៀសវាងដូចជាប្រទេសថៃបច្ចុប្បន្នអ្នកឈរឈ្មោះបោះឆ្នោតជ្រើសតាំងតំណាងរាស្ត្រ ស្រាប់តែពលរដ្ឋ អ្នកគាំទ្របោះឆ្នោតខ្លួនហើយ ផ្ទុយទៅវិញខ្លួនបែរជាអស់សិទ្ធិដោយសារតែខ្លួនមិនបានចូលរួមបោះឆ្នោត ។

លោក ហួន ច័ន្ទថុន បានបញ្ជាក់ថា ការសម្រេចអំពាវនាវរបស់រាជរដ្ឋាភិបាលនេះ គឺវាពិតមានភាពប្រសើរ ណាស់សម្រាប់អ្នកនយោបាយ ក៏ព្រោះថារាជរដ្ឋាភិបាលបានប្រកាសអំពីគោលជំហរ សុំឲ្យអ្នកនយោបាយ ការពារ និងបំពេញកិច្ចជាមុន ជៀសវាងកុំឲ្យពួកគាត់ខំធ្វើការចំណាយពេលវេលាយ៉ាងគគោកហើយនោះ បែរ ជានៅពេលទទួលបានការគាំទ្រជាប់ឆ្នោតហើយ ពួកគាត់បែរជាអស់សិទ្ធិដូចបេក្ខជនមួយចំនួនក្នុងប្រទេសក្បែរ ខាងរបស់យើង ៕