ក្លាយជារឿងដែលមិនអាចនឹងបរិយាយពិតមែនសម្រាប់អស់លោកអាជ្ញាធរ និងសមត្ថកិច្ច ជាពិសេសគឺអស់ លោកមន្ត្រីអ្នកអនុវត្តន៍បទបញ្ជាអនុវត្តន៍ច្បាប់ ក៏ព្រោះថាករណីឃាតកម្មសម្លាប់ជីវិតមនុស្សដែលជារឿងធំ ឲ្យប៉ុនភ្នំបែរជាអស់លោកមន្ត្រីមួយចំនួនលួងលោមប្រជាពលរដ្ឋសុំកុំឲ្យផ្សព្វផ្សាយ ដោយភូតភរថា ចាំខ្លួន ដែលជាអ្នកអនុវត្តន៌ច្បាប់ចេញមុខរកខុសត្រូវឲ្យ ប៉ុន្តែផ្ទុយទៅវិញ ក្រោយពេលពលរដ្ឋលុងជឿជាក់លើអស់ លោកសមត្ថកិច្ចហើយនោះ អស់លោកក៏បែរជាស្ងាត់ឲ្យសូន្យ ចំណែករីឯឃាតករដែលជាជនល្មើសក៏បែរជា អាចគេខ្លួនរស់នៅក្រៅសំណាញ់ច្បាប់ បានឲ្យយ៉ាងរំភើយ ដដែលទៅវិញ ។

តាមសេចក្តីរាយការណ៌បានឲ្យដឹងថា ករណីឃាតកម្មកាប់សម្លាប់ជីវិតមនុស្សមួយបានកើតឡើងនៅក្នុងភូមិ ស្រែត្រោក ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ ហើយក៏ត្រូវបានក្រុមគ្រួសារជនរងគ្រោះ រួមនឹងពលរដ្ឋ បានប្តឹងទៅសមត្ថកិច្ច និងអាជ្ញាធរតាំងតែពីថ្ងៃទី១០ ខែមីនា ឆ្នាំ២០២៣ រហូតមកដល់ពេលនេះ គឺនៅមិន ទាន់ឃើញមានលទ្ធផលនៅឡើយទេ ។ បើតាមប្រជាពលរដ្ឋអះអាងផងនោះ គឺនៅក្នុងពេលដែលពលរដ្ឋប្តឹង នោះ អស់លោកអាជ្ញាធរ និងសមត្ថកិច្ចស្រុក បានស្នើសុំកុំឲ្យបងប្អូនប្រជាពលរដ្ឋធ្វើការផ្សព្វផ្សាយអី ចាំ ពួកខ្លួនក្នុងនាមជាសមត្ថកិច្ចអាជ្ញាធរដែនដីថ្នាក់ស្រុកជួយដោះស្រាយ ផ្ទុយទៅវិញករណីឃាតកម្មនេះ ក្រុម គ្រួសារ ជនរងគ្រោះបែរជាមិនអាចទទួលបានការជួយឈឺឆ្អាល ដែលការសន្យាពីអស់លោកសមត្ថកិច្ច ។

ប្រជាពលរដ្ឋជាច្រើននៅក្នុងស្រុកបសេដ្ឋបានលើកឡើងថា ពួកគាត់មានការងឿងឆ្ងល់ជាខ្លាំងណាស់ តើ ជនដែលជាឃាតករនោះជាអ្នកណា តើហេតុអ្វីបានជាករណីឃាតកម្មគេដ៏ទៃគេផ្សព្វផ្សាយឲ្យព្រោងព្រាត ដោយឡែកតែឃាតកម្មកូនចៅរបស់ពួកគាត់នេះ បែរជាអស់លោកសមត្ថកិច្ច សុំមិនឲ្យធ្វើការផ្សព្វផ្សាយ ។

សម្រាប់ព័ត៌មានដ៏ចាប់អារម្មណ៍នេះ គេក៏បានឃើញផេកផ្លូវការរបស់ឯកឧត្តមបណ្ឌិត ហួន ច័ន្ទថុន ប្រ ធានគណបក្សខ្មែរអភិវឌ្ឍន៍សេដ្ឋកិច្ច បានបង្ហោះនូវសំណេមួយផងដែរ កាលពីយប់ថ្ងៃទី២៤ ខែមេសា ឆ្នាំ ២០២៣នេះថា ក្នុងនាមរូបខ្ញុំជាអ្នកនយោបាយមួយរូប ក៏កំពុងបានប្រកាសខ្លួនថា ជាគណបក្សប្រឆាំង រូបខ្ញុំពិតជាមិនអស់ចិត្តនោះទេ នៅក្រោយពេលទទួលបានព័ត៌មានពីបងប្អូនពលរដ្ឋថា កូនចៅពួកគាត់ត្រូវ បានឃាតករកាប់សម្លាប់ ហើយអស់លោកសមត្ថកិច្ចស្រុកបសេដ្ឋសុំមិនឲ្យពលរដ្ឋផ្សព្វផ្សាយ ករណីនេះ រូបខ្ញុំពិតជាមានការងឿងឆ្ងល់ណាស់ថា តើឃាតករអ្នកដែលសម្លាប់ជីវិតគេនោះជាអ្នកណា តើហេតុអ្វីបាន ជាមានរឿងចំលែកអីយ៉ាងនេះ ។

ផេកផ្លូវការរបស់ឯកឧត្តមបានបន្តថា រូបខ្ញុំក្នុងនាមជាអ្នកនយោបាយមួយរូប សូមសំណូមពរដល់ស្ថាប័ន ច្បាប់ធួយស្រាវជ្រាវរឿងនេះឡើងវិញផង ដើម្បីជួយឲ្យពលរដ្ឋ និងមហាជនអស់ចិត្ត កុំឲ្យគេថា ស្រុកយើង ឥឡូវសម្បូររឿងអីចម្លែកៗយ៉ាងនេះ ។

ដោយឡែកបើតាមផេកផ្លូវការរបស់អធិការដ្ឋាននគរបាលស្រុកបសេដ្ឋ បានបង្ហោះកាលពីថ្ងៃ២៤ ខែ មេសា បានឲ្យដឹងថា សូមបកស្រាយបំភ្លឺករណីឃាតកម្ម នៅចំណុចវាលស្រែ ស្ថិតក្នុងភូមិស្រែត្រោក ឃុំ បសេដ្ឋ ស្រុកបសេដ្ឋ ខេត្តកំពង់ស្ពឺ និងមានផេកខ្លាសរ ព័ត៌មានស៊ូស្លាប់ដើម្បីត្រកូលហ៊ុន បានចុះផ្សាយ អំពីករណីនេះ ។ ចំពោះករណីខាងលើ បានកើតឡើងនៅថ្ងៃទី១០ ខែមីនា ឆ្នាំ២០២៣ រហូតមកដល់ថ្ងៃទី ២២ ខែមីនា ឆ្នាំ២០២៣ កម្លាំងជំនាញព្រហ្មទណ្ឌស្រុកបសេដ្ឋ សហការជាមួយកម្លាំងនាយកដ្ឋាន ព្រហ្មទណ្ឌក្រសួងមហាផ្ទៃ និងប៉ុស្តិ៍នគរបាលរដ្ឋបាលបសេដ្ឋ ។

ឈានដល់កំណត់មុខសញ្ញាឃាត់ខ្លួនជនសង្ស័យចំនួន០២នាក់ និងម្នាក់ទៀតកំពុងរត់គេចខ្លួន ៖ ជនសង្ស័យ ទី១-ឈ្មោះ យ៉ា សុជាតិ ហៅជាតិ ភេទប្រុស អាយុ២៣ឆ្នាំ រស់នៅភូមិចាស់ ឃុំបសេដ្ឋ ស្រុកបសេដ្ឋ ខេត្ត កំពង់ស្ពឺ ជាអ្នកសមគំនិត (ឃាត់ខ្លួន) ។ ជនសង្ស័យទី២/-ឈ្មោះ អៀម សំណាង ហៅយួន ភេទប្រុស អាយុ១៧ឆ្នាំ រស់នៅភូមិចាស់ ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ មុខរបរ សិស្ស ជាអ្នកលាក់កំបាំង បទល្មើស ក៏កំពុងបានឃាត់ខ្លួន ។

ផេកផ្លូវការរបស់អធិការដ្ឋាននគរបាលស្រុកវសេដ្ឋ បានបន្តថា ជនសង្ស័យទាំង០២នាក់ខាងលើនេះ សមត្ថ កិច្ចយើងបានកសាងសំណុំរឿងបញ្ជូនទៅការិយាល័យព្រហ្មទណ្ឌកំរិតធ្ងន់ខេត្តកំពង់ស្ពឺ ចាត់ការបន្តតាមនីតិ វិធី ។ ដោយឡែកជនសង្ស័យម្នាក់ទៀតឈ្មោះ ហឹន ផានិត ហៅ ត្នោត ភេទប្រុស អាយុ២២ឆ្នាំ រស់នៅភូមិ ចាស់ ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ ជាជនដៃដល់ (កំពុងរត់គេចខ្លួន) ។

តបតាមការឡាយរបស់ផេកឈ្មោះខ្លាសរ ព័ត៌មាន ស៊ូស្លាប់ដើម្បីត្រកូលហ៊ុន ដែលចុះផ្សាយនៅថ្ងៃទី២៣ ខែមេសា ឆ្នាំ២០២៣ ដែលមានខ្លឹមសារថា “ករណីកាប់សម្លាប់ មនុស្សមួយខែជាងហើយ ចាប់ជនដៃដល់ មិនបាន នៅឃុំបសេដ្ឋ ស្រុកបសេដ្ឋ ខេត្តកំពង់ស្ពឺ អធិការស្រុកបសេដ្ឋ ពិតជាអសមត្ថភាពមែន” ពុំពិតដូច ការលើកឡើងខាងលើឡើយ ករណីឃាតកម្មនេះសមត្ថកិច្ចយើងបានឃាត់ខ្លួនជនសង្ស័យ០២នាក់ កសាង សំណុំរឿងបញ្ជូនទៅលើ រហូតដល់មានដីការបស់តុលាបង្គាប់ឲ្យចូលខ្លួន ឈ្មោះ ហឹន ផានិត ហៅ ត្នោត ចេញដោយលោក ហោ ចាន់ពិសី ចៅក្រមស៊ើបសួរ នៃសាលាដំបូង ខេត្តកំពង់ស្ពឺ ។

នេះបញ្ជាក់ថា សមត្ថកិច្ចយើងមិនបានប្រងើយកន្តើយឡើយ ចំពោះករណីឃាតកម្មខាងលើ និងបន្តស្វែងរក ចាប់ខ្លួនជនដៃដល់ មកផ្ដន្ទាទសសតាមផ្លូវច្បាប់អោយខានតែបាន ៕