ពិតជាគួរសង្វែកយ៉ាងខ្លាំង មានជីវិតកើតជាមនុស្សដូចអស់នឹងគេដែរ ប៉ុន្តែវាសនាមិនអាចផ្តល់នូវសេចក្តីសុខ ទាំងផ្លូវកាយ និងផ្លូវចិត្តដូចអស់នឹងគេ ជាក់ស្តែងនោះដូចជាប្រជាពលរដ្ឋ២គ្រួសារ មានកំណើតជាមួយលំនៅ ដ្ឋានផ្ទះសំបែងរស់នៅអស់រយៈពេលតាំងតែពីសម័យសង្គម ស្រាប់តែក្នុងឆ្នាំ២០២១ អម្លុងពេលរដូវកូវីដ ១៩ ត្រូវបានព្រះសង្ឃព្រះនាម អឿន មាឃ ជាព្រះចៅអធិការវត្តសាក់សំពៅ បានឲ្យក្រុមជាងធ្វើរបងបិទមិនឲ្យ ចូលផ្ទះសម្បែងរហូតមកដល់ពេលនេះ ទៅហើយនោះ ក៏នៅតែមិនទាន់បើកអនុញ្ញាតបើកឲ្យចូលផ្ទះពួក គាត់វិញ ដែលជាទុក្ខ វេទនាមួយមិនធ្លាប់គិតដល់ ។

បើតាមលោកអ៊ុំដែលជាម្ចាស់ផ្ទះទាំង២ខាងលើបានបង្ហូរទឹកភ្នែកឲ្យដឹងថា លោកអ៊ុំពិតជាមានអារម្មណ៍ឈឺ ចាប់យ៉ាងខ្លាំងណាស់ ពីព្រោះថា កម្លាំងញើសឈាមក្នុងមួយជីវិតដែលលោកអ៊ុំ ខិតខំសន្សំបាននោះ គឺប្រ មូលគ្រប់យ៉ាងមកទុកក្នុងផ្ទះសំណព្វចិត្តខ្លួន មិនថាសម្ភារៈប្រើប្រាស់ ឬក៏គ្រឿងសង្ហារឹម សូម្បីតែអ្វីគ្រប់យ៉ាង ក្នុងផ្ទះសុទ្ធសឹងតែជាកម្លាំងញើសឈាមរបស់លោកអ៊ុំ និងក្រុមគ្រួសារទាំងអស់ ស្រាប់តែស្ងាត់ៗព្រះសង្ឃព្រះ នាម អឿនមាឃ បែរជានាំគ្នីគ្នាមកធ្វើរបងបិទផ្លូវចូលផ្ទះរបស់លោកអ៊ុំ ដែលធ្វើឲ្យលោកអ៊ុំមានការឈឺចាប់ ជាទី បំផុត ។

លោកអ៊ុំបានបន្តថា អ៊ុំមិនធ្លាប់គិតសោះនោះទេថា វាសនារបស់លោកអ៊ុំ និងក្រុមគ្រួសារ មានផ្ទះដូចនឹងគេ ដែរ បែរជាត្រូវបានព្រះសង្ឃដែលជាសាវ័គព្រះសម្មាសម្ពុទ្ធព្រះបរមគ្រូនៃយើង ព្រះសង្ឃជាតំណាងនៃក្តីមេត្តា ធម៌បែរជាឃោឃៅកាចសាហាវគ្មានមេត្តាដល់ទុក្ខលំបាកមនុស្សចាស់ដូចជាលោកអ៊ុំសោះនោះទេ នៅរាល់ ពេលដែលលោកអ៊ុំត្រូវការចូលផ្ទះ គឺរូបលោកអ៊ុំ និងក្រុមគ្រួសារត្រូវនាំគ្នាដាក់បង្អោងឡើងឆ្លងរបងថ្មចូលផ្ទះ មើលសភាពទៅដូចសត្វស្វារ ហើយបើតែយ៉ាងនឹងទៅ តើជីវិតរបស់អ៊ុំ និងក្រុមគ្រួសារមានតម្លៃបែបណាក្នុង សង្គម ។

លោកអ៊ុំបានបង្ហូរទឹកភ្នែក ប្រាប់ទៀតថា កន្លងមកព្រោះតែលោកអ៊ុំមានជំនឿលើការដឹកនាំរបស់រដ្ឋអំណាច អាជ្ញាធរមូលដ្ឋាន លោកអ៊ុំក៏បានប្តឹងចូលទៅរដ្ឋអំណាចឃុំសង្កាត់ និងអាជ្ញាធរខណ្ឌសដង្កោ សូមឲ្យជួយដោះ ស្រាយជូនពួកគាត់ផង ផ្ទុយទៅវិញស្រាប់តែនៅទីបំផុតរូបអ៊ុំបែរជាត្រូវបានលោក សៅ ព្រហ្ម ជាចៅសង្កាត់ សាក់សំពៅ និងលោក ជ ចាន់សៀង ជាអភិបាលរងខណ្ឌដង្កោ បាននាំមគ្នាយកក្រដាសមកបង្ខំឲ្យលោកអ៊ុំ ផ្តិតមេដៃប្រគល់ទាំងដីចូលក្នុងផ្ទះដល់ទៅ៤ម៉ែត្រឲ្យទៅវត្តបន្ថែមទៀត ដែលធ្វើឲ្យលោកអ៊ុំ និងកូនចៅយំ លែងចេញទឹកភ្នែកសោះតែម្តង ។

លោកអ៊ុំបង្ហូរទឹកភ្នែកសំពះសុំសម្តេចតេជោសែន សុំមេត្តាជួយចុះយកអាសារលោកអ៊ុំ និងគ្រួសារផង ព្រោះ ពេលនេះ លោកអ៊ុំពិតជាមិនដឹងថា នឹងពឹងអ្នកណា ទើបជួយលោកអ៊ុំមានវាសនារស់នៅបានល្អ ដូចគេនោះ ទេ ធ្វើឲ្យលោកអ៊ុំមានការគាំ្រគា្រទាំងផ្លូវចិត្ត និងផ្លូវការយ៉ាងខ្លាំងណាស់ ។

ទាក់ទិននឹងព័ត៌មានខាងលើនេះ ភ្នាក់ងារអ្នកយកព័ត៌មានមិនអាចសុំការបំភ្លឺបញ្ជាក់ពីលោកស្រី គឹម ញឹប អភិបាល នៃគណៈអភិបាលខណ្ឌដង្កោ ជុំវិញបទបញ្ជាលោកស្រី ដែលតម្រូវឲ្យលោក ជ ចាន់សៀង អភិបាល រង ចុះទៅបាញ់ថ្នាំយកដីរបស់ពលរដ្ឋ បន្ថែមបាននៅឡើយទេ ព្រោះពុំមានលេខទូរស័ព្ទទំនាក់ទំនង តែទោះជាយ៉ាងណាក្តី នេះគឺជាប្រភពស្នើសុំរបស់ពលរដ្ឋ សុំឲ្យព័ត៌មានជួយពាំនាំចែករំលែក ដើម្បីសុំបទអន្ត រាគមន៍ពីថ្នាក់ដឹកនាំជួយយកអាសាររូបគាត់ រាល់សាម៉ីស្ថាប័នទាំង ឡាយណាដែលអះអាងថា ព័ត៌មានខាង លើ មិនសុក្រិតយុត្តិធម៌សម្រាប់ខ្លួន អាចទំនាក់ទំនងមកការិយាល័យនិពន្ធយើងបាននៅរៀងរាល់ម៉ោងធ្វើ ការ ៕