នៅព្រឹកថ្ងៃទី២៣ ខែ សីហា ឆ្នាំ២០២២ នេះ គេបានឃើញផេកផ្លូវការមួយរបស់ឯកឧត្តម ហួន ច័ន្ទថុន ប្រមុខ នៃគណបក្សខ្មែរអភិវឌ្ឍន៍សេដ្ឋកិច្ច បានបង្ហោះនូវសំណេគាំទ្ររបស់ខ្លួន លើកិច្ចការអភិវឌ្ឍន៍ របស់ រាជរដ្ឋាភិបាលកម្ពុជា ដែលដឹកនាំដោយគណបក្សកាន់អំណាច ដែលនីក្នុងសំណេនោះមានខ្លឹមសារថា ។

សង្ឃឹមថានៅក្រោយពេលសាងសង់ព្រលានយន្តថ្មីរួច កម្ពុជានឹងសម្បូរទៅដោយអ្នកវិនិយោគទុនអភិវឌ្ឍន៍ ឧស្សាហកម្ម ជម្រុញឲ្យពលរដ្ឋខ្មែរមានប្រាក់ខែបានថ្លៃ ដូចបណ្តាប្រទេសជឿនលឿនផងចុះ ។

ក្នុងនាមរូបខ្ញុំជាអ្នកនយោបាយមួយរូប ខ្ញុំសូមគាំទ្រការអភិវឌ្ឍន៍របស់រដ្ឋាភិបាល ក្នុងយុទ្ធសាស្ត្រស្វែងរក អ្នកវនិយោគមកអភិវឌ្ឍន៍ប្រទេស ដែលប្រមុខថ្នាក់ដឹកនាំបានខិតខំអស់ពីកម្លាំងកាយចិត្តជាច្រើនឆ្នាំមក ហើយ ។ ជាការពិតណាស់ មានការអភិវឌ្ឍន៍គឺមានក្តីសង្ឃឹម ការអភិវឌ្ឍន៍គឺបង្កើនចំណូលពន្ធចូលរដ្ឋ ការអភិវឌ្ឍន៍បង្កើនការងារជូនពលរដ្ឋ ការអភិវឌ្ឍន៍បង្កើនទីផ្សារជូនសង្គមជាតិ ការអភិវឌ្ឍន៍បង្កើនសេវា ទំនាក់ទំនងកាន់តែប្រសើរបំផុត ។

នៅក្នុងសារជាសំណេរបស់ឯកឧត្តមប្រមុខគណបក្សនយោបាយវ័យក្មេងនេះ ក៏បានសសេរទៀតថា រយៈ ពេលប៉ុន្មានឆ្នាំកន្លងមកនេះ រូបខ្ញុំបានឃើញសម្ពាធជាច្រើនប្រភេទបានដាក់មកលើកម្ពុជា ក្នុងចេតនា ផ្តួលរំលំសេដ្ឋកិច្ចបន្ទុចបង្អាក់ការអភិវឌ្ឍន៍របស់កម្ពុជាដោយប្រើចិត្តសាស្ត្រនយោបាយមួយចំនួន ក្រោម ហេតុផលផ្សេងៗជាបន្តបន្ទាប់ ប៉ុន្តែទោះជាយ៉ាងណាក្តីខ្ញុំនៅតែឃើញថ្នាក់ដឹកនាំរដ្ឋាភិបាលកម្ពុជា នៅតែ បន្តគោលជំហរជម្រុញឲ្យសំពៅកម្ពុជាមួយនេះបោះជំហានទៅមុខបានយ៉ាងប្រសិទ្ធភាព ។

សម្រាប់រូបខ្ញុំផ្ទាល់ សង្ឃឹមថា លទ្ធផលកិច្ចការដ៏ប្រសើរថ្លៃថ្លាទាំងអស់កន្លងមកនេះ គឺជាកម្លាំងចិត្តមួយ សម្រាប់ថ្នាក់ដឹកនាំទទួលជោគជ័យក្នុងជំហានខាងមុខបន្តទៀត ក្រោមដំបូលសន្តិភាពដ៏រុងរឿង និងអមតៈ រហូតទៅ ៕