លោក ហួន ច័ន្ទថុន បានលើកឡើងថា នៅតែរយៈពេល៤ថ្ងៃទៀតប៉ុណ្ណោះ នៅទីបំផុតវាសនាមេឃុំសង្កាត់ទូទាំង ប្រទេសនឹងត្រូវបានបង្ហាញឲ្យបងប្អូនប្រជាពលរដ្ឋគ្រប់រូបបានឃើញហើយ ដូច្នេះហើយនៅពេលខាងមុខនេះ វាគឺ ជាកាតព្វកិច្ចបងប្អូនហើយ ដែលចាំបាច់ត្រូវតែបោះឆ្នោតជ្រើសរើសមនុស្សដែលបងប្អូន គោរព ស្រឡាញ់ពេញចិត្ត ដើម្បីបានរូបគាត់ដែលបងប្អូនពេញចិត្តនោះ ជួយឲ្យរូបគាត់មានវាសនាអាចក្លាយជាមេឃុំ និងផ្តល់ភាពកក់ក្តៅ ការពារ ថែរក្សា និងជួយយកអាសារបង ប្អូនបាន ។

លោកហួន ច័ន្ទថុន មានប្រសាសន៍បែបនេះ នៅក្រោយពែលដែលរូបលោកបានបញ្ចប់កម្មវិធីជួបសម្ភាសន៍ជា មួយកម្មវិធីកាសែតខ្មែរថាម កាលពីរសៀលថ្ងៃទី៣១ ខែឧសភា ឆ្នាំ២០២២នេះ ដោយរូបលោកបានលើកឡើង ផងដែរថា សូមកុំបោះបង់ពេលវេលាដ៏មានតម្លៃ នៃការបោះឆ្នោតនេះចោលឲ្យសោះ ព្រោះបងប្អូនគ្រប់រូបចំ ណាយពេលត្រឹមតែមួយថ្ងៃ ប៉ុន្តែវាមានសារៈសំខាន់ណាស់សម្រាប់បងប្អូនដល់ទៅ៥ឆ្នាំ ឯណោះ ។

ប្រមុខគណបក្សខ្មែរអភិវឌ្ឍន៍សេដ្ឋកិច្ចបានបញ្ជាក់ផងដែរថា សម្រាប់ការចូលរួមជាបេក្ខភាពមេឃុំ ឬចៅ សង្កាត់ របស់គណបក្សខ្មែរអភិវឌ្ឍន៌សេដ្ឋកិច្ច នៅពេលនេះ គឺគណបក្សលោកបានរៀបចំចូលរួមសម្រាប់ការបោះឆ្នោត មានត្រឹមតែ៤ឃុំប៉ុណ្ណោះ ហើយជាក់ស្តែងក្នុងចំនួន៤ឃុំនេះ វាជាការសាកល្បងនៅក្នុងការបញ្ជ្រៀបគោលនយោ បាយរបស់បក្សទាំង៨ចំណុច ក្នុងទិសដៅកំណែទម្រង់ និងអភិវឌ្ឍន៍មូលដ្ឋាននេះ ដោយចង់ដឹងថាតើបងប្អូនប្រជា ពលរដ្ឋអាចទទួលយកបានដល់កម្រិតណា និងមានប្រសិទ្ធិភាពប៉ុណ្ណា ។

លោកបានអះអាងទៀតថា សម្រាប់ការបោះឆ្នោតក្រុមប្រឹក្សាឃុំសង្កាត់នេះ បើទោះជាទទួលបានលទ្ធផលបែប ណា ក៏គណបក្សលោក នៅតែព្យាយាមបញ្ជ្រៀបគោលនោយបាយមួយនេះ ឲ្យបានមានប្រសិទ្ធិភាព ដើម្បីជា ចំណែកមួយនៅក្នុងការអភិវឌ្ឍន៍ធនធានមនុស្ស និងធនធានសេដ្ឋកិច្ច នៅក្នុងមូលដ្ឋានហើយបាន ៕