ពាក្យចាស់បូរាណនិយាយអីពិតជាមិនខុសមែន ពោលគឺខឹងខុសខឹងខាត ជាក់ស្តែងភ្លើងកំហឹងបុគ្គលគ្រប់រូបអ្នកណា
ក៏តែងកើតមានដូចគ្នា ប៉ុន្តែមនុស្សគ្រប់រូបតែងយកការគិតការពិចារណាមកសង្កត់ចិត្តទ្រាំអត់ធ្មត់ខន្តី ចេះប្រើ អារម្មណ៌ដោយការពិចារណា ទើបកំហឹងទាំងឡាយនោះអាចរួចផុតពីទុក្ខទោសនៅថ្ងៃក្រោយបាន ផ្ទុយទៅវិញ បើបុគ្គលទាំងឡាយណា ដែលតែងនិយមយកកំហឹងមកធ្វើជាប្រធានគ្រប់គ្រងអង្គខ្លួនកាយនោះ ប្រាកដណាស់នៅ ថ្ងៃក្រោយវាអាចជារឿងសោកស្តាយ ដែលមិនអាចនឹងថ្លែងបាននោះឡើយ ។

គួរបញ្ជាក់ថា នៅថ្ងៃទី ១៦ ខែមីនា ឆ្នាំ២០២២ វេលាម៉ោង១២ និង០០នាទីម្សិលមិញនេះ មានហេតុការណ៌ដ៏រន្ធុតមួយ បានកើតឡើងនៅចំណុចរណ្ដៅដីរបស់ឈ្មោះ អេង សុខហ្គិច ស្ថិតក្នុងភូមិតាចក សង្កាត់ស្រង៉ែ ក្រុង.ខេត្តសៀមរាប
ធ្វើឲ្យបុរសម្នាក់ជាតៃកុងរថយន្តបែនដឹកដីបានស្លាប់ បន្ទាប់ពីបើករថយន្តបណ្ដើរឈ្លោះជាមួយប្រពន្ធបណ្ដើរ ហើយ បួងចង្កូតធ្លាក់ចូលរណ្ដៅទឹក ។

បើតាមប្រភពពីកន្លែងកើតហេតុបានឲ្យដឹងថា នៅមុនពេលកើយហេតុ គេឃើញរថយន្តបែនដឹកដី១គ្រឿង បើករេ ចុះរេឡើងៗ រួចក៍រេចង្កូតធ្លាក់ចូលទឹកបណ្ដាលឲ្យតៃកុងឈ្លួកស្លាប់តែម្ដង។ក្រោយកើតហេតុសមត្ថកិច្ចបានចុះពិនិត្យ ឃើញថា ជនរងគ្រោះឈ្មោះ ស៊ុយ ស៊ីហ៊ិញ ភេទប្រុស អាយុ៤១ ឆ្នាំ មុខរបបរបើកឡានដឹកដី រស់នៅភូមិថ្នល់ សង្កាត់ ស្រង៉ែ ក្រុងសៀមរាប ខេត្តសៀមរាប ជាអ្នកបើកបរបានស្លាប់ ។

តាមការសាកសួរនៅមុនពេលកើតហេតុ តៃកុងរថយន្តនិងប្រពន្ធបានឈ្លោះប្រកែកគ្នាក្នុងរថយន្ត ដោយមានការ ប្រទាញប្រទង់គ្នា រហូតរថយន្តរេចង្កូតធ្លាក់ចូលរណ្ដៅទឹក ស្លាប់ប្ដីតែម្ដងទៅ ខណៈស្ដ្រីជាប្រពន្ធបានគេចផុតពីសេច ក្ដីស្លាប់ បច្ចុប្បន្នៈ សពបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី ។

នេះគឺជារឿងរ៉ាវមួយនៅក្នុងសង្គម ទោះជាយ៉ាងណា រាល់កំហឹងទាំងឡាយដែលកើតឡើង សូមមេត្តាយកការពិចារ ណា លទ្ធផលក្រោយពេលមានកំហឹងមកគិត ទើបធ្វើឲ្យភ្លើងកំហឹងទាំងឡាយនោះ អាចរលត់បាន ៕