យូរៗទៅកាន់តែយូៗទៅហើយ ព្រោះរដ្ឋាភិបាលកាន់តែប្រកាស គឺសម្បត្តិព្រៃឈើកាន់តែរលាយហិនហោច បណ្តើៗក្លាយជាចម្ងល់ដែលធ្វើមហាជនខ្វល់និយាយលែងចេញសោះតែម្តង ។ តាមដែលសេចក្តីរាយការណ៍ បានឲ្យដឹងថា ដីព្រៃសហគមន៍ព្រៃឈើត្រពាំងខាងត្បូង ដែលមានទីតាំងស្ថិតនៅ ក្នុងឃុំត្រពាំងធំខាងត្បូង ស្រុកត្រាំកក់ ខេត្តតាកែវ មិនដឹងថា វាមានអាថ៍កំបាំងអ្វីខ្លះនោះទេ ស្រាប់តែក្នុងរយៈ ពេលថ្មីៗនេះ មានក្រុម ឈ្មួញមាននាំគ្នីគ្នាចុះទៅវាទី និងធ្វើរបងហ៊ុមព័ទ្ធ ព្រមទាំងធ្វើការឈូសឆាយឲ្យយ៉ាង សេរី ហើយចំណែក អស់លោកមន្ត្រីជំនាញដែលប្រចាំការព្រៃឈើទាំងអស់នោះវិញ គឺនាំគ្នាស្ងាត់ឲ្យសូន្យអត់អើពើសោះតែ
ម្តង ។

បើតាមដែលប្រភពទម្លាយថា ថាព្រៃសហគមន៍ខាងលើនេះ គឺត្រូវបានចុះបញ្ជីការជាកម្មសិទ្ធិ ស្ថិតនៅ ក្រោមការគ្រប់គ្រងរបស់ក្រសួងកសិកម្ម រុក្ខា ប្រមាញ់ និងនេសាទ អស់រយៈពេលជាយូរណាស់មកហើយ ហើយជាក់ស្តែងទីតាំងខាងលើ ខាងក្រសួងក៏តែងបានណែនាំដល់មន្ត្រីជំនាញៗនៅក្រោមឧិវាទដោយ សុំឲ្យ ទាមទាធ្វើការទប់ស្កាត់ការពារសកម្មភាពបទល្មើសកាប់ទន្ទ្រានយកដីទាំងអស់នោះឲ្យមានប្រសិទ្ធិភាពផងដែរ ប៉ុន្តែគេមិនដឹងថា មូលហេតុអ្វីបានជាអស់លោកមន្ត្រីទាំងអស់នោះ បែរជានាំគ្នាស្ពឹកស្រពន់មិនខ្វល់ខ្វាយ អភិរក្សទប់ស្កាត់ការពារអ្វីសោះតែម្តង ដែលក្លាយជាចម្ងល់យ៉ាងចាក់ស្រេះដល់សាធារណៈដែលរស់នៅជុំ វិញតំបន់ខាងលើនេះជាខ្លាំង ។

សេចក្តីរាយការណ៍បន្តថា មន្ត្រីជំនាញ៣រូបដែលកំពុងត្រូវបានគេដឹងថា មានតូនាទីការពារព្រៃឈើនោះ គឺទី១ លោក ស៊ឹម ឡាបុ័ង នាយខណ្ឌរដ្ឋបាលព្រៃឈើតាកែវ ទី២ លោក ច័ន្ទ សុវណ្ណា នាយផ្នែករដ្ឋបាល ព្រៃឈើត្រាំកក់ និងទី៣ លោក ឯម សំអាត នាយសង្កាត់រដ្ឋបាលព្រៃឈើត្រាំកក់ លោកទាំង៣ត្រូវបាន គេដឹងថា មិនឃើញមានការកម្រើកទប់ស្កាត់ ការពារ និងបង្ក្រាបបទល្មើសក្រុមជនខិលខូចដែនទន្ទា្រនយក ដីព្រៃរបស់រដ្ឋនោះទេ ក្នុងអម្លុងពេលដែលលោកជំនាញទាំង៣គ្រប់គ្រងការពារ ក្រុមជនខិលខូចមិន ត្រឹមតែ ព័ទ្ធរបងឈូសឆាយយ៉ាងអានាធិបេតយ្យនោះទេ គឺក្រុមជនខិលខូចថែមទាំងអាចសាងសង់សំណង់រឹង យ៉ាង សេរីឲ្យយ៉ាងរំភើយបានទៀតផង ។

ពាក់ព័ន្ធព័ត៌មានខាងលើនេះ វាគឺជាប្រភពស្នើសុំរបស់ប្រជាពលរដ្ឋ សុំកម្មវិធីផ្សាយយើងជួយពាំនាំចែករំ លែកជូនថ្នាក់ដឹកនាំជ្រាប រាល់សាម៉ីស្ថាប័នទាំងឡាយណាដែលអះអាងថា ព័ត៌មានខាងលើនេះ មិនសុក្រិត យុត្តិធម៌សម្រាប់ខ្លួន អាចទំនាក់ទំនងមកការិយាល័យយើងបាននៅរៀងរាល់ម៉ោងធ្វើការ ៕