អស់រយៈពេលជាច្រើនខែកន្លងមកនេះ ករណីរឿងរ៉ាវជ័រកៅស៊ូ និងអនុផលដើមឈើកៅស៊ូ ដែលត្រូវបានក្លាយ ជាផលលំបាកនៅក្នុងការនាំចេញទៅក្រៅប្រទេស ព្រោះតែមិនទាន់បានកែឆ្នៃតាមគោលការណ៍របស់រដ្ឋា ភិបាលដែលទាមទាឲ្យអនុវត្តន៍នោះ ជាក់ស្តែងនៅពេលថ្មីៗនេះ ផល និងអនុផលប្រភេទកៅស៊ូនេះ គឺអាចត្រូវ នាំចេញបានហើយ នេះបើតាមសារាចរណ៍របស់រាជរដ្ឋាភិបាលកម្ពុជាដែលបានសម្រេចនាពេលថ្មីៗនេះ។

គួរបញ្ជាក់ថា កាលពីថ្ងៃទី០៤ ខែវិច្ឆិកា ២០២២ កន្លងទៅនេះ សម្ដេចតេជោ ហ៊ុន សែន ប្រមុខនៃរាជរដ្ឋាភិ បាលកម្ពុជា បានចេញសារាចរមួយលេខ ០៨ សរ. ស្តីពី និរាករណ៍ចំពោះសារាចរណែនាំរបស់រាជរដ្ឋាភិបាល លេខ១០ សរណន ចុះថ្ងៃទី២៣ ខែមិថុនា ឆ្នាំ២០០៣ ស្ដីពី វិធានការទប់ស្កាត់ ការនាំចេញជ័រកៅស៊ូ និងឈើ កៅស៊ូមិនទាន់កែច្នៃទៅបរទស។

នៅក្នុងខឹមសារសារាចរនោះបញ្ជាក់ថា កន្លងមករាជរដ្ឋាភិបាលបានចេញសារាចរណែនាំលេខ១០ សរណន ចុះថ្ងៃទី២៣ ខែមិថុនា ឆ្នាំ២០០៣ ស្ដីពីវិធានការទប់ស្កាត់ការនាំចេញជ័រកៅស៊ូ និងឈើកៅស៊ូមិនទាន់កែច្នៃ ទៅបរទេស។ ដោយពិនិត្យឃើញថា សារាចរណែនាំខាងលើ លែងឆ្លើយតបទៅនឹងស្ថានភាពវិស័យកៅស៊ូ បច្ចុប្បន្ន និងក្នុងគោលបំណងសម្រួល ដល់កសិករដែលដាំកៅស៊ូជាលក្ខណៈគ្រួសារអាចមានជម្រើស និង ទទួលបាន រាជរដ្ឋាភិបាលសម្រេចនិរាករសារាចរណែនាំរបស់រាជរដ្ឋាភិបាលលេខ១០ សរណន ប្រាក់ចំ ណេញខ្ពស់ចុះថ្ងៃទី២៣ ខែមិថុនា ឆ្នាំ២០០៣ ស្ដីពីវិធានការទប់ស្កាត់ការនាំចេញជ័រកៅស៊ូ និងឈើកៅស៊ូ មិនទាន់កែច្នៃទៅបរទេស ។

ទាក់ទិនទៅនឹងសារាចរណ៏នេះផងដែរ បើតាមផេកផ្លូវការរបស់ឯកឧត្តម ហួន ច័ន្ទថុន បានបង្ហោះនៅថ្ងៃទី
១១ ខែវិច្ឆិកា ឆ្នាំ២០២២ នេះមានសំណេរថា នេះជាដំណឹងមួយគួរឲ្យរីករាយសម្រាប់បងប្អូនគ្រប់រូប អ្នក ដែលប្រកបអាជីវកម្មលើផលដំណាំកៅស៊ូ កន្លងតែងព្រួយបារម្ភរឿងរ៉ាវបានផលកៅស៊ូហើយមិនអាចលក់ សេរីបាន ព្រោះចាំបាច់ត្រូវលក់ឲ្យរោងម៉ាស៊ិន ឬរោងចក្រកែឆ្នៃសម្រេចផលសិន ដែលនិយាយទៅចំណាយ ច្រើនកន្លែង ប៉ុន្តែនៅពេលនេះបងប្អូនអាចមានឧិកាសសម្រាប់ការនាំចេញហើយ ក៏ព្រោះតែទុក្ខលំបាក របស់បងប្អូនត្រូវបានថ្នាក់ដឹកនាំមើលឃើញ ៕