មិនគួរណាកើតមានរឿងរ៉ាវដែលប៉ះពាល់ដល់សាសនា ហើយជាកាន់តែជាបញ្ហាផងនោះ គឺបញ្ហាខាងលើ មិនទាន់បានបញ្ចប់នៅឡើយទេ ដោយគេបានដឹងថា ទាំងភាគីខាងស្ត្រីក៏ដូចជាភាគីខាងព្រះសង្ឃ គឺសុទ្ធតែ បានអះអាងយកភាពត្រូវរៀងខ្លួនទាំងនៅចំណុចខាងព្រះវិន័យសង្ឃ និងទាំងខាងសមត្ថកិច្ចអ្នកអនុវត្តន៌ច្បាប់។

គួរបញ្ជាក់ថា កាលពីប៉ុន្មានថ្ងៃនេះ មានរឿងរ៉ាវមួយត្រូវបានផ្ទុះដូចគ្រាប់បែកប៉ារមាណូនៅចំកណ្តាលទី ក្រុង ដោយវាបន្តទៅជារឿងបែកអូរហូរស្ទឹង រហូតមានការប្តឹងផ្តល់គ្នា ដែលធ្វើឲ្យទាំងខាងក្របខណ្ឌមន្ទីរ ធម្មការ និងសាសនា ក៏ដូចជាសមត្ថកិច្ចដោះស្រាយមិនចេញ ចង់ក្រញ៉ាញ់ខួរ ព្រោះតែភាគីទាំងពីរសុទ្ធតែទាម ទារកភាពត្រូវរៀងៗខ្លួន ។

ព្រះសង្ឃដែលកំពុងល្បីថាជាសង្ឃកំហូចនោះ មានព្រះនាម ឈាង ប៊ុនឈឿន ហៅសុជាតិ ដែលមានស្រុក កំណើតនៅស្រុកបសេដ្ឋ ខេត្តកំពង់ស្ពឺ ដោយបានសាងភ្នួសសិក្សារៀនសូត្រ គង់នៅវត្តព្រែកតូច ស្រុកស្អាង ខេត្តកណ្តាល ។

ព័ត៌មានបន្តថា នៅក្នុងអម្លុងរយៈពេល២ឆ្នាំមុន ដោយវត្តឧត្តមគិរី ហៅវត្តភ្នំតូចស្ថិតនៅភូមិអណ្តូងច្រុះ ឃុំ ស្នំក្រពើ ស្រុកគងពិសី ខេត្តកំពង់ស្ពឺ មានការខ្វះគ្រូបង្រៀនសាមណៈសិស្ស ព្រះគ្រូ ទិត្យ ច័ន្ទតារា ព្រះចៅអធិ ការវត្តឧត្តមគិរីខាងលើ ក៏បាននិមន្តព្រះសង្ឃព្រះនាម ឈាង ប៊ុនឈឿន ពីវត្តព្រែកតូចមកវត្តខ្លួន ដើម្បីធ្វើជា គ្រូបង្រៀនព្រះសង្ឃ ដោយព្រះទ័យសង្ឃឹមថា អាចនឹងមានការរីកចម្រើនដល់ព្រះសង្ឃ ហើយក៏មិននឹកថា វា បែរជាព្រះសង្ឃ ឈាង ប៊ុនឈឿន បង្កើតឲ្យមានរឿងអាស្រូវដូច្នេះដែរ ។

អស់រយៈពេល២ឆ្នាំមកនេះ រឿងរ៉ាវចេះតែកើតមានមិនចេះចប់មិនចេះហើយ ពោលគឺនិមន្តព្រះសង្ឃ ឈាង ប៊ុនឈឿន មកបង្រៀនព្រះសង្ឃ គឺដូចនាំមកឲ្យវត្តបង្កើតរឿងរ៉ាវអធិករណ៍ក្នុងវត្តមិនឈប់ ធ្វើឲ្យព្រះគ្រូទិត្យ ច័ន្ទតារា ដែលជាព្រះចៅអធិការវត្ត មានផលលំបាកក្នុងការដោះស្រាយឲ្យតែរហូត ។

ថ្មីៗនេះព្រះសង្ឃកំហូចឈ្មោះ ឈាង ប៊ុនឈឿន ហៅ សុជាតិ ក៏ស្រាប់តែបែករឿងទំនាក់ទំនង ប្រើដៃសាប់ លឹង្គគ្នាជាមួយនឹងស្ត្រីភេទ តាមរយៈទូរស័ព្ទ ដោយសន្យាថាខ្លួននឹងសឹកយកធ្វើជាប្រពន្ធប៉ុន្តែព្រះសង្ឃអង្គនោះ បែរជាមិនសឹកទៅវិញ ជាហេតុធ្វើឲ្យភាគីខាងនារី មានការខឹងសម្បារយ៉ាងខ្លាំងហើយក៏បានបង្ហោះនូវរូប ភាពវីឌីអូរអាសអាភាសផ្សេងៗជាច្រើន ធ្វើឲ្យមហាជនមានការចាប់អារម្មណ៍ជាមួយព្រះសង្ឃកំហូច ឈាង ប៊ុនឈឿន ថាបានទំនាក់ទំនងចងសម្ព័ន្ធសេ្នហាស្រឡាញ់ជាមួយស្ត្រី នៅភូមិស្ទឹងសម្រោង ឃុំបាករទេះ ស្រុក កំពង់សីលា ខេត្តព្រះសីហនុ ។

ព័ត៌មានបានបន្តថា បន្ទាប់ពីបែកធ្លាយនៅរូបអាភាសផ្សេងៗ ក៏សង្ឃកំហូចឈ្មោះ ឈាង ប៊ុនឈឿន ហៅ សុជាតិ បានប្តឹងភាគីខាងស្ត្រីទៅអធិការដ្ឋាននគរបាលស្រុកកំពង់សីលា ខេត្តព្រះសីហនុ ពីបទកាត់តវីឌីអូរ មិនពិត ប៉ុន្តែស្ត្រីអ្នកនោះក៏នៅតែរឹងមាំថា រូបនាងមិនបានកាត់ត.រូបភាពអាក្រាតកាយនោះទេ វាគឺជារឿង ពិត ។ តាមរយៈការផ្តល់សម្ភាសន៍ជាមួយអ្នកសារព័ត៌មានតាមទូរស័ព្ទ ព្រះសង្ឃ ឈាង ប៊ុនឈឿន បានមាន សង្ឃដេកាថា រូបភាពវីឌីអូរខលសិចនោះ ព្រះអង្គសុំបដិសេដន៍ថា វាមិនមែនជារឿងពិតនោះទេ តែបើសម្លេង សន្ទនាជាមួយស្រ្តីខាងលើគឺព្រះអង្គបញ្ជាក់ថាវាជារឿងពិតមែន ដោយឡែកភាគីខាងនារី បានអះអាងថារូប នាងបានទទួលការគម្រាមកំហែងពីសំណាក់សមត្ថកិច្ច ក៏ព្រោះតែព្រះសង្ឃកំហូច ឈាង បុនឈឿន ដាក់ ពាក្យបណ្តឹង ក៏ប៉ុន្តែរូបនាងនៅតែរឹងមាំថា រូបនាងមិនបានកាត់ត. រូបភាពអាក្រាតកាយនោះឡើយ ព្រោះវាគឺ រឿងពិត ទោះបីជាហៅរូបនាងទៅដល់ទីណាក៏ដោយក្តី ក៏រូបនាងនៅតែអះអាងថាវាជារឿងពិតដដែល គ្មាន ការកាត់ត.ដូចព្រះសង្ឃ ឈាង ប៊ុនឈឿន ចោទប្រកាន់នោះទេ ។

ទាក់ទិននឹងរឿងខាងលើ លោក វ៉ាង វណ្ណេត ខាងធម្មការនិងសាសនាស្រុកគងពិសី បានប្រាប់អ្នកយកព័ត៌មាន យើងឲ្យដឹងថា រឿងនេះគឺរឿងវិន័យសង្ឃទុកឲ្យផ្នែកព្រះសង្ឃជាអ្នកដោះស្រាយ ដោយឡែកព្រះមន្ត្រីសង្ឃស្រុក គងពិសី អ្នកព័ត៌មានយើងមិនអាចទំនាក់ទំនងបាននោះទេ ។

ទោះបីជាយ៉ាងណាក៏ដោយ ព្រះសង្ឃនៅក្នុងវត្ត អាចារ្យ គណៈកម្មការពុទ្ធបរិស័ទចំណុះជើងវត្តឧត្តមគិរី ហៅ ភ្នំតូចទាំងអស់ សូមសំណូមពរដល់ព្រះមន្ត្រីសង្ឃស្រុក និងលោក វ៉ាង វណ្ណេត ធម្មការ និងសាសនា ស្រុកគង ពិសី និងលោក សំ សុភ័ណ្ឌ មន្ទីរធម្មការ និងសាសនាខេត្តកំពង់ស្ពឺ ជាពិសេសព្រះគ្រូកែវ ចាន់ថា ព្រះមេគណ ខេត្តកំពង់ស្ពឺ រួមទាំងព្រះមន្ត្រីសង្ឃខេត្តទាំងមូល សូមមេត្តាជួយដោះស្រាយបញ្ចប់រឿងនេះផង ព្រោះបើទុកយូរ ជាងនេះទៀត វាអាចប៉ះពាល់ដល់សាសនា ជាខ្លាំងណាស់ ។